မိုးခေါင်မှုကြောင့် အကူအညီများပေးရန် အီသီယိုးပီးယားက ကမ္ဘာ့နိုင်ငံများကို တောင်းဆို

မတ် ၁၈၊ ၂၀၁၆
M-Media

– နိုင်ငံအတွင်း မိုးခေါင်မှုအခြေအနေ အလွန်အမင်းဆိုးရွားလာသောကြောင့် ကမ္ဘာ့နိုင်ငံများအနေဖြင့် ကူညီထောက်ပံ့မှုများ ပြုလုပ်ရန် အီသီယိုးပီးယား ၀န်ကြီးချုပ် ဟေလီမာရီယမ် ဒီဆီလန်ဂ်က တောင်းဆိုလိုက်သည်။

ထိုမိုးခေါင်မှုကြောင့် အီသီယိုးပီးယားပြည်သူ ၁၀ သန်းကျော်မှာ ငတ်မွတ်ခေါင်းပါးမှုနှင့် ရင်ဆိုင်နေရပြီး၊ ယခုကဲ့သို့ တောင်းဆိုမှုမှာ ဆီးရီးယားနှင့် ယီမင်တို့အပြီး ကမ္ဘာပေါ်တွင် တတိယအကြီးဆုံး မေတ္တာရပ်ခံမှုလည်းဖြစ်သည်။ ၀န်ကြီးချုပ်ကမူ ကမ္ဘာ့အခြားဒေသတွင် ပြဿနာများ ဖြစ်ပွားနေသော်လည်း အီသီယိုးပီးယားကို လစ်လျူမရှုသင့်ဟု AP သတင်းဌာနနှင့် အင်တာဗျူးတွင် ပြောကြားခဲ့သည်။

အီသီယိုးပီးယားနိုင်ငံအား အမေရိကန်က အများဆုံးကူညီနေပြီး ၂၀၁၄ ခုနှစ် အောက်တိုဘာလကတည်းက ကန်ဒေါ်လာ ၅၃၂ သန်းကျော်တန်ဖိုးရှိ လူသားချင်းစာနာထောက်ထားမှုဆိုင်ရာ အကူအညီများပေးအပ်ခဲ့သည်။ အီသီယိုးပီးယားအစိုးရကမူ ထိုပြဿနာအတွက် ကန်ဒေါ်လာ သန်း ၃၈၀ ခန့် သုံးစွဲထားသည်။

ဒီဆီလန်ဂ်ကမူ မိမိတို့တိုင်းပြည်မှာ အိမ်နီးချင်းနိုင်ငံများမှ ဒုက္ခသည် ၇၅၀၀၀၀ ကို လက်ခံထားကာ ၎င်းတို့အား စားနပ်ရိက္ခာအကူအညီများ ပေးအပ်နေသောကြောင့် ပိုမိုများပြားသည့် အကူအညီနှင့် ထိုက်တန်သည်ဟု ထည့်သွင်းပြောကြားခဲ့သည်။

အဆိုပါ မိုးခေါင်မှုမှာ အလ် နီညိုရာသီဥတုကြောင့် ဖြစ်ပေါ်လာခြင်းဖြစ်ပြီး ပုံမှန်မဟုတ်သော မိုးရွာသွန်းမှုများ၊ ကောက်ပဲသီးနှံ ဆုံးရှုံးမှုများ၊ ကျွဲနွားတိရစ္ဆာန် သေကြေပျက်ဆီးမှုများ ဖြစ်ပေါ်ခဲ့သည်။ အီသီယိုးပီးယားနိုင်ငံမှာ ၁၉၈၀ ပြည့်နှစ်များက မိုးခေါင်မှုကို ရင်ဆိုင်ခဲ့ရပြီး၊ ပြည်တွင်းစစ်ကြောင့် အခြေအနေပိုမိုဆိုးရွားခဲ့ကာ လူသိန်းနှင့်ချီ သေဆုံးခဲ့သည်။

Ref: Aljazeera