ဝန်ကြီးချုပ် ခြစားမှုကိစ္စနှင့်ပတ်သက်၍ ရှေ့နေချုပ်နှုတ်ထွက်ပေးရန် မလေးရှားရှေ့နေများအသင်း တောင်းဆို

မတ် ၂၀၊ ၂၀၁၆
M-Media

– မလေးရှားဝန်ကြီးချုပ် နာဂျစ်ရာဇတ် ခြစားသည်ဟူသော ကိစ္စနှင့် ပတ်သက်သည့် စုံစမ်းစစ်ဆေးမှုကို ပိတ်ပစ်ခဲ့သော ရှေ့နေချုပ် အာပန်ဒီ အလီအား ရာထူးမှနှုတ်ထွက်ရန်အတွက် မလေးရှားရှိ ရှေ့နေ ၇၀၀ ကျော်က တောင်းဆိုလိုက်သည်ဟု သိရသည်။

ယမန်နေ့ကပြုလုပ်ခဲ့သည့် မလေးရှားရှေ့နေများအသင်း၏ နှစ်ပတ်လည်အစည်းဝေးတွင် ထိုကဲ့သို့ တောင်းဆိုလိုက်ခြင်းဖြစ်ပြီး၊ အာပန်ဒီ အလီ၏ ကိစ္စကလည်း ထိုအစည်းအဝေးတွင် အဓိကအကြောင်းအရာ ဖြစ်ခဲ့သည်။

ရှေ့နေအများစုကမူ ၀န်ကြီးချုပ်နာဂျစ်၏ ဘဏ်စာရင်းတွင် ကန်ဒေါ်လာ သန်း ၇၀၀ တွေ့ရှိမှုနှင့် ပတ်သက်၍ စုံစမ်းစစ်ဆေးမှုများကို ပိတ်ပစ်ရန် မလေးရှား ခြစားမှုတိုက်ဖျက်ရေးကော်မရှင်အား ရှေ့နေချုပ်က အမိန့်ပေးခဲ့ခြင်းတွင် အကျိုးစီးပွား ထိပ်တိုက်တွေ့မှုရှိမည်ဟု ယုံကြည်နေသည်။

မလေးရှားရှေ့နေများအသင်းမှ အတည်ပြုခဲ့သည့် ဆုံးဖြတ်ချက်တွင် ပိုမိုကောင်းမွန်သော မလေးရှားနိုင်ငံ ပြည်လည် ဖြစ်ပေါ်လာရေး၊ ပြည်သူများ၏ ယုံကြည်မှုကို ရရှိရေး၊ တရားဥပေဒေစိုးမိုးရေး အထူးသဖြင့် မလေးရှားနိုင်ငံ၏ ရာဇ၀တ်မှုဆိုင်ရာ တရားရေး စီမံခန့်ခွဲမှု ကဏ္ဍတို့အတွက် ရှေ့နေချုပ်အနေဖြင့် ရာထူးမှ ချက်ချင်းနှုတ်ထွက်ပေးရန် တောင်းဆိုခဲ့သည်။

ထို့ပြင် ၀န်ကြီးချုပ်နာဂျစ်၊ ၎င်းက အကြံပေးအဖြစ် တာဝန်ယူထားသည့် နိုင်ငံပိုင်လုပ်ငန်း 1MDB၊ ထိုလုပ်ငန်းနှင့် ယခင်က အကျိုးတူ ပူးပေါင်းဆောင်ရွက်ခဲ့သော SRC ကုမ္ပဏီတို့ ပါဝင်သည့် ခြစားမှုပြဿနာကို ပြန်လည် စုံစမ်းစစ်ဆေးမှုများ ပြုလုပ်ရန်လည်း ရှေ့နေများအသင်းက ဆန္ဒရှိနေသည်။

ပြီးခဲ့သည့်သီတင်းပတ်က ၀န်ကြီးချုပ်နှင့်ပတ်သက်သည့် ရှေ့နေချုပ်၏ ဆုံးဖြတ်ချက်ကို တရားရေးဆိုင်ရာ ပြည်လည်သုံးသပ်မှုများ ပြုလုပ်ရန် တောင်းဆိုချက်တစ်ခုကို ရှေ့နေများအသင်းက တင်သွင်းခဲ့သည်။ နာဂျစ်၏ ခြစားမှုနှင့်ပတ်သက်၍ မလေးရှားတွင် ဝေဖန်မှုများ မြင့်တက်လာခဲ့ပြီး ၀န်ကြီးချုပ်ဟောင်း မဟာသီနှင့် အတိုက်အခံများ ပူးပေါင်းကာ နာဂျစ်အားဖြုတ်ချရေး ကြေငြာချက်တစ်စောင်ကို မကြာသေးမီက ထုတ်ပြန်ခဲ့သည်။

Ref: Channelnewsasia