ဘရပ်ဆဲလ်တိုက်ခိုက်မှုတွင် ပါဝင်သူတစ်ဦးကို တူရကီက သတိပေးခဲ့သော်လည်း ဘယ်လ်ဂျီယံ လစ်လျူရှုခဲ့

မတ် ၂၄၊ ၂၀၁၆
M-Media

နဂျင်မ် လာချရူအီ၊ ဘာ့က်ရူအီနှင့် ခါလစ်

– ဘရပ်ဆဲလ်လေဆိပ် အသေခံဗုံးခွဲသူနှစ်ဦးမှ တစ်ဦးနှင့်ပတ်သက်၍ မိမိတို့က သတိပေးခဲ့သော်လည်း ဘယ်လ်ဂျီယံအာဏာပိုင်များက လစ်လျူရှုခဲ့သည်ဟု တူရကီက ယမန်နေ့တွင် ပြောကြားခဲ့သည်။

အဆိုပါ ဖောက်ခွဲရေးသမားမှာ ဘရာဟင် အလ်-ဘာ့က်ရူအီဆိုသူဖြစ်ပြီး တူရကီသမ္မတ အာဒိုဂန်က မိမိတို့မှာ ၎င်းအား ပြီးခဲ့သည့်နှစ်က ဆီးရီးယားနယ်စပ်ရှိ ဂါဇင်တက်ပ်မြို့တွင် ဖမ်းမိခဲ့ခြင်းဖြစ်ကာ ၎င်း၏ မေတ္တာရပ်ခံမှုအရ နယ်သာလန်သို့ နယ်နှင်ခဲ့ခြင်းဖြစ်သည်ဟု ဆိုသည်။

“သူ့ကို နယ်နှင်လိုက်တဲ့အကြောင်း ၂၀၁၅ ခုနှစ် ဇူလိုင်လ ၁၄ ရက်နေ့မှာ အန်ကာရာမှာရှိတဲ့ ဘယ်လ်ဂျီယံသံရုံးကို အကြောင်းကြားခဲ့ပါတယ်။ ဒါပေမယ့် နောက်ပိုင်းမှာ သူ့ကို လွှတ်ပေးလိုက်တယ်။ သူဟာ နိုင်ငံခြား အကြမ်းဖက်တိုက်ခိုက်ရေးသမားတစ်ယောက် ဖြစ်တယ်လို့ ကျွန်တော်တို့ သတိပေးခဲ့ပေမယ့်လည်း ဘယ်လ်ဂျီယံအာဏာပိုင်တွေက အကြမ်းဖက်ဝါဒနဲ့ ဆက်စပ်ပြီး မလိုက်ခဲ့ပါဘူး” ဟု အာဒိုဂန်က ပြောကြားခဲ့သည်။

သို့သော်လည်း နယ်သာလန်မှ ဘယ်လ်ဂျီယံသို့ မည်သို့မည်ပုံ လွှဲပြောင်းပေးခဲ့သည်ဆိုသည်နှင့် ပတ်သက်၍ အာဒိုဂန်က ပြောကြားခဲ့ခြင်းမရှိပေ။ ဘယ်လ်ဂျီယံကမူ တူရကီ၏ ထိုပြောကြားမှုများအတွက် မည်သည့်မှတ်ချက်မှ မပေးသေးပေ။

ဘာ့က်ရူအီ၊ လေဆိပ်တွင် အသေခံဗုံးခွဲသူဟု ယူဆရသူ နဂျင်မ် လာချရူအီနှင့် ဘူတာရုံတွင် အသေခံဗုံးခွဲသည်ဟု ယူဆရသူ ခါလစ်တို့ ၃ ဦကို လုံခြုံရေးကင်မရာမှတစ်ဆင့် တွေ့ရှိခဲ့ရပြီး ခါလစ်မှာ ဘာ့က်ရူအီ၏ ညီဖြစ်သည်။ လေဆိပ်တွင် ဗုံးခွဲသူအခြားတစ်ဦးမှာ ပေါက်ကွဲမှု မဖြစ်ပွားခင် ထွက်သွားခဲ့ပြီး ရဲတပ်ဖွဲ့ကမူ ၎င်းအား ရှာဖွေမှုများ ပြုလုပ်နေသည်။

Ref: Aljazeera