ဟိန္ဒူတို့၏ ဟိုလီသင်္ကြန်ပွဲတော်ကို ပါကစ္စတန်က ရုံးပိတ်ရက်အဖြစ် သတ်မှတ်ပေး

မတ် ၂၅၊ ၂၀၁၆
M-Media

– လူနည်းစု ဟိန္ဒူတို့၏ ဟိုလီ သင်္ကြန်ပွဲတော်ကို ပါကစ္စတန်က တရားဝင် ရုံးပိတ်ရက်အဖြစ် သတ်မှတ်ပေးခဲ့ပြီး ယမန်နေ့က ကျင်းပခဲ့သည့် ထိုပွဲတော်တွင် လုံခြုံရေးများလည်း ချထားပေးခဲ့သည်ဟု သိရသည်။

အာဏာရပါတီ၏ နိုင်ငံရေးသမားတစ်ဦးဖြစ်ပြီး ပါကစ္စတန်ဟိန္ဒူကောင်စီမှ အကြီးအကဲဖြစ်သော ရာမက်ရှ် ကူးမားရ် ဗန့်က်ဝါနီက တင်သွင်းသည့် နိုင်ငံအတွင်းလူနည်းစုများ၏ နှစ်စဉ်ပွဲတော်များကို အများပြည်သူရုံးပိတ်ရက်အဖြစ် သတ်မှတ်ပေးရေး ဆုံးဖြတ်ချက်ကို ပါကစ္စတန်အစိုးရက ယခုလအတွင်း လက်ခံခဲ့ခြင်းဖြစ်သည်။

“ဒီနှစ်မှာ ဟိုလီပွဲတော်ကို ဟိန္ဒူတွေသာမဟုတ်ပါဘူး။ နောက်ခံအမျိုးမျိုးက၊ ဘာသာတရားအမျိုးမျိုးက လူတွေ ကျွန်တော်တို့နဲ့အတူ ပါဝင်ဆင်နွှဲကြပါတယ်။ ရောင်စုံအမှုန့်တွေ ပစ်ပေါက်ရင်း၊ အချိုမုန့်တွေ ၀ငှေရင်းပေါ့ဗျာ။ ပါကစ္စတန်အစိုးရကလည်း ဒီနှစ်မှာ လုံခြုံရေးပေးခဲ့ပြီး အရင်တုန်းက ဒါမျိုး မရှိပါဘူး” ဟု ပါကစ္စတန်-ဟိန္ဒူကောင်စီမှ ညှိနှိုင်းရေးမှူးဖြစ်သူ အေရွန်ကူးမားရ် ကွန်ဒ်နာနီက ပြောကြားခဲ့သည်။

ကရာချီတွင် ဟိန္ဒူဘာသာဝင် ၅၀၀ ကျော်မှာ Swami Narayan Mandir တွင် ဟိုလီသင်္ကြန်ပွဲတော်ကို ဆင်နွှဲခဲ့ကြသည်။ ဟိုလီသင်္ကြန်ပွဲတော်ကို နွေဦးရာသီစတင်သည့် အထိမ်းအမှတ်အဖြစ် ကျင်းပကြခြင်းဖြစ်ပြီး ယခုနှစ်တွင် ဗုဒ္ဓဟူးနေ့က စတင်ခဲ့သည်။ အဆိုပါ ပွဲတော်ကို အိန္ဒိယ၊ နီပေါ၊ သီရိလင်္ကာနှင့် အခြား ဟိန္ဒူလူဦးရေ အများအပြားရှိရာ နိုင်ငံများတွင် အဓိကထား ကျင်းပကြသည်။

ပါကစ္စတန်၏ သန်း ၁၉၀ သော လူဦးရေတွင် ဟိန္ဒူများမှာ ၃ ရာခိုင်နှုန်းရှိပြီး အများစုမှာ နိုင်ငံတောင်ပိုင်း ဆင်းဒ်ပြည်နယ်တွင် နေထိုင်ကြသည်။

Ref: Aljazeera