ဒဏ်ရာရ ပါလက်စတိုင်းတစ်ဦးအား အစ္စရေးစစ်တပ်က ပစ်သတ်မှုမှာ လူ့ကျင့်ဝတ်ဖောက်ဖြတ်မှုအဖြစ် ကုလ ရှုတ်ချ

မတ် ၂၆၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်းတွင် ဒဏ်ရာရနေသော ပါလက်စတိုင်းတစ်ဦးအား အစ္စရေးစစ်တပ်က တမင်ရည်ရွယ်၍ ပစ်သတ်မှုကို မှတ်တမ်းတင်ထားသည့် ဗီဒီယို ပြန့်နှံ့ခဲ့ပြီးနောက်ပိုင်း ထိုလုပ်ရပ်အတွက် ကုလသမဂ္ဂက ပြင်းပြင်းထန်ထန် ရှုတ်ချလိုက်သည်။

“သိမ်းပိုက်ခံထားရတဲ့ အနောက်ဖက်ကမ်းက ဟီဘရွန်မြို့မှာ ပါလက်စတိုင်းတစ်ဦးကို တရားလက်လွတ် သတ်ဖြတ်မှု မနေ့ကပေါ်ထွက်လာမှုကို ကျွန်တော် ပြင်းပြင်းထန်ထန် ရှုတ်ချပါတယ်” ဟု အရှေ့အလယ်ပိုင်း ငြိမ်းချမ်းရေး လုပ်ငန်းစဉ်အတွက် ကုလသမဂ္ဂ၏ အထူးညှိနှိုင်းရေးမှူး နစ်ကိုလေး မလာဒီနော့ဗ်က ယမန်နေ့တွင် ထုတ်ပြန်သည့် ကြေငြာချက်၌ ဖော်ပြထားသည်။

“ဒါဟာ အင်မတန် စက်ဆုပ်ဖွယ်ကောင်းပြီး၊ လူ့ကျင့်ဝတ်ဖောက်ဖျက်မှု၊ တရားမဲ့မှုဖြစ်ကာ တိုက်ခိုက်မှုတွေ ပိုဖြစ်ဖို့ မီးထိုးပေးလိုက်တာလည်း ဖြစ်ပါတယ်။ ပြီးတော့ ရှိပြီးသား အခြေအနေ မတည်ငြိမ်မှုတွေကိုလည်း မြင့်တက်လာစေနိုင်ပါတယ်”

အွန်လိုင်း၌ ပြန့်နှံ့ခဲ့သည့် အဆိုပါဗီဒီယိုတွင် အစ္စရေးစစ်သားအား ဓားဖြင့်တိုက်ခိုက်သည်ဟု စွပ်စွဲခံရသည့် ပါလက်စတိုင်းတစ်ဦးမှာ သေနတ်ဖြင့် ပစ်ခံရသောကြောင့် ဒဏ်ရာဖြင့် လဲကျနေစဉ် အခြားအစ္စရေးစစ်သားတစ်ဦးက ၎င်း၏ ဦးခေါင်းအား သေနတ်ဖြင့် ပစ်သတ်ခဲ့သည့် ပုံရိပ်ကို တွေ့မြင်ခဲ့ရသည်။

အစ္စရေးစစ်တပ်ကမူ ထိုကဲ့သို့ ကျူးလွန်သည့် စစ်သားကို ဖမ်းဆီးထားသည်ဟု ကြာသာပတေးနေ့က ပြောကြားခဲ့သည်။ အစ္စရေး ကာကွယ်ရေးဝန်ကြီး မိုရှေ ယာလွန်ကလည်း ထိုအဖြစ်အပျက်ကို ရှုတ်ချခဲ့ပြီး ကျူးလွန်သူအား တရားဥပဒေရှေ့မှောက်ကို ခေါ်ဆောင်လာရန် အစ္စရေးအာဏာပိုင်များအား တိုက်တွန်းခဲ့သည်။

မလာဒီနော့ဗ်က ယာလွန်၏ ထိုပြောဆိုမှုကို ကြိုဆိုခဲ့သည်။ ထိုဗီဒီယိုမှာ ပါလက်စတိုင်းပိုင်နက်များတွင် အောက်တို ဘာလက စတင်ခဲ့သည့် မငြိမ်သက်မှုများအတွင်း အစ္စရေးစစ်တပ်က အင်အား အလွန်အကျွံသုံးသည်ဟုသော စွပ်စွဲချက်များအတွက် အထင်ရှားဆုံး သက်သေများထဲမှ တစ်ခုလည်းဖြစ်သည်။

အောက်တိုဘာ ၁ ရက်နေ့မှစ၍ အစ္စရေးစစ်တပ်နှင့် ပါလက်စတိုင်းပိုင်နက်အတွင်း တရားမ၀င် ၀င်ရောက်နေထိုင်ကြသည့် ဂျူးများ၏ တိုက်ခိုက်မှုများကြောင့် သေဆုံးသူ ပါလက်စတိုင်းပြည်သူအရေအတွက်မှာ ၂၀၆ ဦး ရှိနေပြီဖြစ်သည်။

Ref: Aljazeera