ရုရှားတွင် အစ္စလာမ့်နည်းကျ ဘဏ်တစ်ခု ပထမဆုံး ဖွင့်လှစ်

မတ် ၂၇၊ ၂၀၁၆
M-Media

– ရုရှားနိုင်ငံတွင် အစ္စလာမ့်ဘဏ္ဍာရေးလုပ်ငန်းများအတွက် ၀န်ဆောင်မှုပေးမည့် ပထမဆုံး ဘဏ်တစ်ခုကို ကာဇန်မြို့တွင် ကြာသာပတေးနေ့က ဖွင့်လှစ်လိုက်ပြီဟု သိရသည်။

အနောက်တိုင်းမှ ငွေကြေးများ ရုရှားသို့ စီးဝင်၍မရအောင် ပိတ်ဆို့မှုများ ပြုလုပ်ထားသောကြောင့် အဆိုပါဘဏ်ကို အရှေ့တောင်အာရှနှင့် အရှေ့အလယ်ပိုင်းမှ ရန်ပုံငွေထောက်ပံ့ပေးမှုအောက်တွင် လည်ပတ်မည်ဖြစ်သည်။

“ကျွန်တော်တို့ဟာ ခက်ခဲတဲ့အခြေအနေကို ဖြတ်သန်းနေရပါတယ်။ အဲဒီလို မလွယ်ကူတဲ့ စီးပွားရေး အခြေအနေတွေက နည်းသစ်လမ်းသစ်တွေ ရှာဖွေဖို့အတွက် ကျွန်တော်တို့ကို တွန်းအားပေးနေပါတယ်။ အစ္စလာမ့်နည်းကျ ဘဏ်လုပ်ငန်းကို လက်ခံဆောင်ရွက်တာဟာ ဒါက ပထမဆုံးပါ။ ရုရှားရဲ့ ဘဏ်လုပ်ငန်း စည်းမျဉ်းစည်းကမ်းတွေနဲ့ အညီဖြစ်အောင်၊ အစ္စလာမ့်နည်းကျ ဘဏ်လုပ်ငန်းနဲ့လည်း ဆန့်ကျင်မှုမရှိအောင် ၀န်ဆောင်မှုပေးဖို့ ကျွန်တော်တို့ ဆောင်ရွက်ရပါမယ်” ဟု ကာဇန်မြို့တည်ရှိရာ တာတာစတန် ကိုယ်ပိုင်အုပ်ချုပ်ခွင့်ရဒေသမှ သမ္မတဖြစ်သူ ရုစ်တမ် မီနီခါနော့ဗ်က ပြောကြားခဲ့သည်။

ထို့ပြင် အဆိုပါ အစ္စလာမ့်နည်းကျ ဘဏ်လုပ်ငန်းမှာ မိမိတို့နိုင်ငံအတွင်းသို့ ဘဏ္ဍာရေးဈေးကွက်အသစ် ရောက်ရှိလာစေရန် ဆွဲဆောင်နိုင်လိမ့်မည်ဟုလည်း ၎င်းက ထည့်သွင်းပြောကြားခဲ့သည်။

ယခုဖွင့်လှစ်လိုက်သည့် အစ္စလာမ့်နည်းကျ ဘဏ်လုပ်ငန်းမှာ တစ်ဦးချင်း၊ စီးပွားရေးလုပ်ငန်းနှင့် နိုင်ငံရပ်ခြား ရင်းနှီးမြှု ပ်နှံသူများအတွက်ပါ ၀န်ဆောင်မှုပေးမည်ဖြစ်သည်။ တာတာစတန်ဒေသ၏ ဘဏ္ဍာရေးဝန်ကြီးဖြစ်သူ အာရ်တမ် ဇက်ဒူနော့ဗ်က အနောက်နိုင်ငံများမှာ ငွေကြေးဆက်သွယ်မှု မလုပ်ခြင်းကြောင့် ရုရှားမှာ မွတ်စလင်နိုင်ငံများ အပါအ၀င် အခြားသောရင်းမြစ်များမှ ဘဏ္ဍာရေးအထောက်အပံ့များကို ရရှိအောင် ဆောင်ရွက်နေရသည်ဟု ပြောကြားခဲ့သည်။

အစ္စလာမ့်နည်းကျ ဘဏ္ဍာရေးလုပ်ငန်းမှာ ကမ္ဘာပေါ်တွင် အလျင်အမြန်ကြီးထွားလာသည့် လုပ်ငန်းဖြစ်ပြီး နှစ်စဉ် ၁၅ ရာခိုင်နှုန်းမှ ၂၀ ရာခိုင်နှုန်းအထိ တိုးတက်နေသည်ဟု ၎င်းက ထပ်လောင်းပြောကြားခဲ့သည်။

လက်ရှိအချိန်တွင် ရုရှား၏ ဘဏ်လုပ်ငန်းဥပဒေအရ အစ္စလာမ့်နည်းကျ ဘဏ်လုပ်ငန်းများ အပြည့်အ၀ဆောင်ရွက်ရန်အတွက် မလွယ်ကူသေးသော်လည်း အဆိုပါဥပဒေများကို ပြင်ဆင်ရန်လည်း ဆွေးနွေးနေကြပြီဖြစ်သည်။

Ref: IINA