အီရန်က ဒုံးကျည်ပိုင်ဆိုင်မှုကို တိုးမြှင့်သွားမည်

မတ် ၂၇၊ ၂၀၁၆
M-Media

– မိမိတို့တိုင်းပြည်အနေဖြင့် စစ်ဖက်ဆိုင်ရာ လက်နက်များ ပိုင်ဆိုင်မှုကို ပိုမိုတိုးမြှင့်သွားမည်ဟု အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က ယမန်နေ့က ပြောကြားလိုက်ပြီး အီရန်၏ တိုက်ချင်းပစ်ဒုံးကျည်အစီအစဉ်နှင့် ဆက်စပ်သည်ဟုဆိုကာ ကုမ္ပဏီနှစ်ခုကို အမေရိကန်က ပိတ်ပင်မှုကို တုံ့ပြန်လိုက်ခြင်းလည်းဖြစ်သည်။

ဇာရစ်ဖ်က မိမိတို့၏ ဒုံးကျည်စွမ်းရည်ကို မြှင့်တင်ရာတွင် အကန့်အသတ်ထားမည်မဟုတ်ဘဲ ထိုကဲ့သို့ ဒုံးကျည်ထုတ်လုပ်သည့် အစီအစဉ်မှာ နျူကလီးယားလက်နက် သဘောတူညီချက်မှာ ဘာမှမဆိုင်ဟုလည်း ထည့်သွင်းပြောကြားခဲ့သည်။

“အီရန်ရဲ့ ဒုံးကျည်အစီအစဉ်ကို ဆန့်ကျင်တဲ့ အမေရိကန်ရဲ့ လုပ်ရပ်တွေကို ကျွန်တော်တို့က ဒုံးကျည်စွမ်းအား မြှင့်တင်ရေးနဲ့ ပြန်လည်တုံ့ပြန်သွားမှာပါ” ဟု ပါကစ္စတန်မြို့တော် အစ္စလာမ်မာဘတ်သို့ ရောက်ရှိနေသည့် ဇာရစ်ဖ်က ပြောကြားခဲ့သည်။

ပြီးခဲ့သည့်နှစ် ဒီဇင်ဘာက အီရန်သမ္မတ ရူဟာနီမှာ နိုင်ငံ၏ ကာကွယ်ရေးစွမ်းရည် တိုးတက်ရေးအတွက် ဒုံးကျည်အမျိုးမျိုးကို ထုတ်လုပ်ရေး မြှင့်တင်ဆောင်ရွက်ရန် ကာကွယ်ရေးဝန်ကြီး ဟူစိန်ဒေကန်အား အမိန့်ပေးခဲ့ပြီး ၃ လအကြာတွင် တာဝေးပစ်ဒုံးကျည်များဖြစ်သော Qadr နှင့် Qiam တို့ကို စမ်းသပ်ပစ်လွှတ်နိုင်ခဲ့သည်။

ထိုဒုံးကျည်ထုတ်လုပ်မှုကို မကျေနပ်သောကြောင့် အမေရိကန်မှာ ဒုံးကျည်အစီအစဉ်တွင် ပါဝင်ခဲ့သည် ကုမ္ပဏီနှစ်ခုအား သောကြာနေ့က အမည်ပျက်စာရင်းသွင်းခဲ့သည်။

အီရန်က မိမိတို့၏ ဒုံးကျည်အစီအစဉ်မှာ အနောက်နိုင်ငံများနှင့် ချုပ်ဆိုထားသည့် နျူသဘောတူညီချက်တွင် မပါဝင်ဟု ပြောကြားခဲ့သည်။ သို့သော်လည်း အမေရိကန်နှင့် အနောက်နိုင်ငံများကမူ ထိုထုတ်လုပ်မှုမှာ ကုလ၏ ဆုံးဖြတ်ချက်နှင့် ဆန့်ကျင်သည်ဟု ဆိုသည်။

Ref: Aljazeera