အငြင်းပွားဖောက်ကလန်ကျွန်းစုမှာ အာဂျင်တီးနားရေပိုင်နက်တွင် ရှိသည်ဟု ကုလ ဆုံးဖြတ်

မတ် ၃၀၊ ၂၀၁၆
M-Media

– အင်္ဂလန်နဲ့ အာဂျင်တီးနားအကြား ပိုင်ဆိုင်မှုအငြင်းပွားနေတဲ့ ဖောက်ကလန်ကျွန်းစုဟာ အာဂျင်တီးနားပိုင်ဖြစ်တယ်လို့ ကုလသမဂ္ဂက ပြောကြားလိုက်ပြီး၊ အာဂျင်တီးနားကလည်း သူတို့ရဲ့ ရေပိုင်နက် သတ်မှတ်မျဉ်းကို ဖောက်ကလန်ကျွန်းစု အလွန်အထိ တိုးချဲ့လိုက်ပါတယ်။

အာဂျင်တီးနား နိုင်ငံခြားရေးဝန်ကြီးဌာနကတော့ အခုလို ရေပိုင်နက် သတ်မှတ်စည်းမျဉ်း တိုးချဲ့လိုက်တာက ကုလရဲ့ ဆုံးဖြတ်ချက်ကြောင့်ဖြစ်တယ်လို့ ပြောကြားခဲ့ပါတယ်။

ကုလက ဖောက်ကလန်ကျွန်းစုပတ်ဝန်းကျင်ရဲ့ ဧရိယာ သန်းပေါင်း ၁.၇ စတုရန်းကီလိုမီတာဟာ အာဂျင်တီးနားရဲ့ပိုင်နက် ဖြစ်တယ်လို့ ဆုံးဖြတ်ခဲ့တာဖြစ်ပြီး၊ မိမိတို့ရဲ့ ပိုင်နက်ကို ကမ်းရိုးတမ်းကစတွက်ရင် မိုင် ၂၀၀ ကနေ ၃၅၀ အထိသာ သတ်မှတ်ထားတာကို ပြင်ဆင်ပေးဖို့ ၂၀၀၉ ခုနှစ်က တင်သွင်းခဲ့တဲ့ အာဂျင်တီးနားရဲ့တောင်းဆိုလွှာကိုလည်း ကုလက သဘောတူညီခဲ့ပါတယ်။

“ကျွန်မတို့ရဲ့ ပိုင်နက်အသစ်ကနေ ရနိုင်မယ့် ရင်းမြစ်တွေ၊ ဓာတ်သတ္တုတွေ၊ ဟိုက်ဒရိုကာဗွန်တွေနဲ့ အဲ့ဒီနေရာမှာ ကျက်စားနေထိုင်တဲ့ ရေနေသတ္တ၀ါတွေနဲ့ပက်သက်ပြီး ကျွန်မတို့ရဲ့ အချုပ်အခြာပိုင်ဆိုင်ခွင့်ကို ပြန်လည် အတည်ပြုလိုက်တာဖြစ်ပါတယ်။ ဒါဟာ အာဂျင်တီးနားနိုင်ငံရဲ့ အလွန်သိသာထင်ရှားတဲ့ နိုင်ငံခြားရေးမူဝါဒဆိုင်ရာ အောင်မြင်မှုတစ်ရပ်ဖြစ်တယ်လို့ ကျွန်မ ရိုးသားစွာ ယုံကြည်နေပါတယ်” လို့ နိုင်ငံခြားရေးဝန်ကြီး ဆူဆာနာ မလ်ကော်ရာက ပြောကြားခဲ့ပါတယ်။

ယူကေလွတ်လပ်ရေးပါတီ(UKIP) ရဲ့ ပြောရေးဆိုခွင့်ရှိသူ မိုက်ဟူကင်က ကုလရဲ့ ဒီဆုံးဖြတ်ချကို ရှုတ်ချလိုက်ပြီး ဗြိတိန်အစိုးရအနေနဲ့ ဖောက်ကလန်ကျွန်းသားတွေနဲ့အတူ ရပ်တည်ပေးရမှာဖြစ်ကာ အာဂျင်တီးနားရဲ့ အရေးကြီးစီးပွားရေးနယ်မြေ (EEZ) ဆုံးဖြတ်ချက်ကို လက်မခံနိုင်တဲ့အကြောင်း ကုလသမဂ္ဂကို ပြောဆိုရမယ်လို့ ပြောကြားခဲ့ပါတယ်။

Ref : RT