နိုင်ငံသား အစ္စလာမ်ဘာသာဝင်များနှင့်ပတ်သက်၍ ၀န်ကြီး သူရဦးအောင်ကို၏ အငြင်းပွားဖွယ်မှတ်ချက်အတွက် စိတ်မကောင်းဖြစ်ရသည်ဟု NLD ပြည်သူ့လွှတ်တော်ကိုယ်စားလှယ် ပြော

ဧပြီ ၄၊ ၂၀၁၆
M-Media

– ဧပြီလ ၂ ရက်နေ့က VOA နဲ့အင်တာဗျူးမှာ သမိုင်းအခိုင်အမာရှိနေတဲ့ မြန်မာနိုင်ငံက အစ္စလာမ်ဘာသာဝင်တွေကို ဧည့်နိုင်ငံသားတွေအဖြစ် သတ်မှတ်ပြောဆိုသွားတဲ့ သာသနာရေးနဲ့ ယဉ်ကျေးမှုဝန်ကြီး သူရဦးအောင်ကိုရဲ့ မှတ်ချက်အတွက် စိတ်မကောင်းဖြစ်ရတယ်လို့ မင်္ဂလာတောင်ညွှန်မြို့နယ် ပြည်သူ့လွှတ်တော်ကိုစားလှယ် ဒေါ်ဖြူဖြူသင်းက ပြောကြားခဲ့ကြောင်း မင်္ဂလာတောင်ညွှန့်မြို့နယ် ရေတွင်းကုန်းရပ်ကွက် အုပ်ချုပ်ရေးမှူး ဦးရဲနောင်သိန်းရဲ့ Facebook စာမျက်နှာမှာ ဖော်ပြထားပါတယ်။

ရပ်ကွက်အတွင်း ဒေသဖွံ့ဖြိုးရေးလုပ်ငန်းတွေ အောင်မြင်ပြီးမြောက်မှု ရှိ၊ မရှိ လာရောက်ကြည့်ရှုစဉ်မှာ ဒေါ်ဖြူဖြူသင်းက အခုလို ပြောကြားခဲ့တာဖြစ်ပြီး မိမိမြို့နယ်အတွင်းမှာ နေထိုင်ကြတဲ့ ဘာသာဝင်အသီးသီးရဲ့ အခြေအနေ အခက်အခဲတွေကို စာနာ လက်ခံ နားလည်ပေးနိုင်တယ်လို့လည်း ပြောကြားသွားခဲ့ပါတယ်။

နောက်ပြီး သူရဦးအောင်ကိုရဲ့ အငြင်းပွားဖွယ်မှတ်ချက်အတွက် တင်ပြဆွေးနွေးသွားဖို့ စီစဉ်ဆောင်ရွက်ထားတယ်ဆိုတဲ့အကြောင်းလည်း ဒေါ်ဖြူဖြူသင်းက ရှင်းပြသွားတယ်လို့ ဦးရဲနောင်သိန်းရဲ့ Facebook စာမျက်မှာဖော်ပြထားပါတယ်။