နယ်ပယ်အသီးသီးမှ ကမ္ဘာ့ထိပ်တန်းပုဂ္ဂိုလ်များ၏ ငွေကြေးမသမာမှုမှတ်တမ်းများ ပေါ်ထွက်လာ

ဧပြီ ၄၊ ၂၀၁၆
M-Media

– ကမ္ဘာ့ခေါင်းဆောင်များ၊ အာဏာရှင်များ၊ စီးပွားရေးသမားများ၊ မင်းသားမင်းသမီးများ၊ အားကစားသမားများနှင့် ရာဇ၀တ်အဖွဲ့အစည်းများ၏ ငွေကြေးခ၀ါချမှုများ၊ အခွန်ရှောင်မှုများ၊ ပိတ်ဆို့မှုများအား ကျော်လွှားမှုများနှင့် ပတ်သက်သည့် အထောက်အထား စာရွက်စာတမ်းများကို ပနားမားအခြေစိုက် ဥပဒေရေးရာလုပ်ငန်း Mossack Fonseca က ယမန်နေ့တွင် ဖော်ထုတ်လိုက်သည်ဟု သိရသည်။

Mossack Fonseca က အမည်မဖော်သည့် ရင်းမြစ်မှ ၎င်းတို့ရရှိသည့် အဆိုပါ စာရွက်စာတမ်းများကို သတင်းဌာနများသို့ ပေးပို့ခဲ့ခြင်းဖြစ်ပြီး အမေရိကန်ရှိ အကျိုးအမြတ်မယူသော International Consortium of Investigative Journalism (ICIJ) အဖွဲ့ကမူ ထိုမှတ်တမ်းများတွင် လက်ရှိနှင့် ယခင် နိုင်ငံ့ခေါင်းဆောင် ၁၂ ဦးခန့် စီးပွားရေးသမားများ၊ နိုင်ငံရေးသမား၊ ရာဇ၀တ်ကောင်များ၊ မင်းသားမင်းသမီးများနှင့် အားကစားသမားများစုစုပေါင်း ၁၄၃ ဦးခန့်မှာ နိုင်ငံရပ်ခြား လုပ်ငန်းများနှင့် ဆက်သွယ်ကာ ငွေကြေးခ၀ါချမှုလုပ်ငန်းများ လုပ်ဆောင်ခဲ့သည်ကို ဖော်ပြထားသည်ဟု ဆိုသည်။

ထိုမသမာမှုများတွင် ပါဝင်နေသည့် လက်ရှိခေါင်းဆောင်များမှာ အာဂျင်တီးနား သမ္မတ မူရီစီယို မက်ခ်ရီ၊ အိုက်စလန် ၀န်ကြီးချုပ် ဆစ်ဂ်မွန်ဒူရ် ဒါဗီယို ဂွန်လက်ဂ်ဆန်နှင့် ယူကရိန်းသမ္မတ ပီထရို ပိုရိုရှန်ကိုတို့ ဖြစ်ကြသည်။

ပေါက်ကြားလာသည့် ထိုမှတ်တမ်းများအရ ငွေကြေးခ၀ါချမှုများ၊ အခွန်ရှောင်မှုများကို လုပ်ဆောင်ပေးနေသည့် နိုင်ငံခြားကုမ္ပဏီများမှာ ၁၄၀ ခန့်ရှိပြီး နိုင်ငံရေးသမားများ၊ အစိုးရ၀န်ထမ်းများ၊ ၎င်းတို့၏ မိသားစုများနှင့် ပတ်သက်နေသည်ကိုလည်း တွေ့ရှိခဲ့ရသည်။

ရုရှားသမ္မတ ပူတင်၏ မိသားစု မသမာသည့်နည်းလမ်းဖြင့် ချမ်းသာမှုများ၊ ပူတင်၏ အနီးကပ်သူငယ်ချင်း ဆာဂျီ ရိုလ်ဒူဂင်က နိုင်ငံပိုင်ငွေကြေးများကို နိုင်ငံခြား ဘဏ်များတွင် ဖွက်ထားမှုများအကြောင်းကိုလည်း ထိုစာရွက်စာတမ်းများကို ကိုးကား၍ သတင်းဌာနများက ဖော်ပြကြသည်။

ထို့ပြင် တရုတ်သမ္မ ဇီဂျင်ပင်း၏ ယောက်ဖ၊ မလေးရှားဝန်ကြီးချုပ် နာဂျစ်ရာဇတ်၏သား မိုဟာမက် နဇီဖွဒ်ဒင်း၊ ပါကစ္စတန်ဝန်ကြီးချုပ် နာဝဇ်ရှရစ်ဖ်၏ သားသမီးများ၊ ကမ္ဘောဒီယား တရားရေးဝန်ကြီး အန် ဗောင် ဗသ်ဟာနာ၊ ဆော်ဒီဘုရင်တို့၏ ငွေကြေးခ၀ါချမှုများကိုလည်း ထိုမှတ်တမ်းများတွင် တွေ့ခဲ့ရသည်။

စပိန်တွင် အခွန်ရှောင်မှုဖြင့် စစ်ဆေးမေးမြန်းမှုများကို ခံနေရသည့် ဘာစီလိုနာတိုက်စစ်မှူး မက်ဆီနှင့် ၎င်း၏ ဖခင်တို့မှာ ပနားမားရှိ လောင်စာဆီကုမ္ပဏီ Mega Star Enterprises Inc ကိုလည်း လျှို့ဝှက် ပိုင်ဆိုင်ထားကြောင်း မီဒီယာများက ထည့်သွင်းဖော်ပြခဲ့ကြသည်။

Mossack Fonseca ကမူ ၎င်းတို့ရှိခဲ့သည့် စာရွက်စာတမ်း အထောက်အထားများအတွက် စစ်မှန်ကြောင်းကို တာဝန်ယူသည်ဟု ပြောကြားခဲ့သည်။

Ref : Aljazeera