အရှုံးနဲ့ ထိုက်တန်တဲ့ရီးယဲလ်၊ ဆီးမီးတက်ရေး မျှော်လင့်လာနိုင်တဲ့ မန်စီးတီးတို့ရဲ့ ချန်ပီယံလိဂ် ကွာတားဖိုင်နယ် ပထမကျော့ ပွဲများ

ဧပြီ ၇၊ ၂၀၁၆
M-Media

– ဒီနေ့မနက် ကစားခဲ့တဲ့ ချန်ပီယံလိဂ် ကွာတားဖိုင်နယ် ပထမအကျော့မှာတော့ ရီးယဲလ်တို့ အရှိုက်ထိခဲ့ပြီး မန်စီးတီးက အဝေးဂိုးတွေရကာ နောက်တစ်ဆင့်တက်ဖို့ အခြေအနေ ကောင်းသွားပါတယ်။

ဝုလ်ဖ်ဘာ့ဂ် ၂-၀ ရီးယဲလ်

ရှုံးထွက်အဆင့်ကို ပထမဆုံး တက်ရောက်လာခဲ့တဲ့ ၀ုလ်ဖ်ဘာ့ဂ်ရဲ့ ဒီပွဲခြေစွမ်းဟာ အပြစ်ပြောစရာ မရှိခဲ့ပါဘူး။ ရီးယဲလ်ဂိုးသမား ကီလာ နာဗက်စ်ရဲ့ ချန်ပီယံလိဂ် ၇၄၈ မိနစ် ဂိုးမပေးရတဲ့စံချိန်ကို ၁၈ မိနစ်မှာ ရီကာဒို ရော်ဒရီဂက်စ်က ပယ်နယ်တီနဲ့ ချိုးဖျက်ခဲ့ပြီး ၂၅ မိနစ်မှာ မက်ဇီမီလန် အာနိုးက ဒုတိယမြောက်ဂိုး သွင်းယူခဲ့ပါတယ်။ နောက်ပိုင်းမှာတော့ ရီးယဲလ်ရဲ့ တိုက်စစ်ဆင်မှုကို အိမ်ရှင်တို့ အကောင်းဆုံး ထိန်းချုပ် ကာကွယ်သွားနိုင်ပြီး နောက်တစ်ဆင့်တက်ရောက်ဖို့ အခြေအနေကောင်းကို ရယူနိုင်ခဲ့ပါတယ်။

ပီအက်စ်ဂျီ ၂-၂ မန်စီးတီး

မန်စီးတီးကတော့ ဖာနန်ဒင်ဟိုရဲ့ ခြေစွမ်းပြမှုနဲ့အတူ အဝေးဂိုး ၂ ဂိုး ရအောင်ယူနိုင်ခဲ့ပါတယ်။ ပွဲကိုစိုးမိုးနိုင်ခဲ့တဲ့ ပီအက်စ်ဂျီတို့ ၁၄ မိနစ်မှာ ပင်နယ်တီရပေမယ့် အီဗရာဟီမိုဗစ်ရဲ့ ကန်သွင်းမှုကို ဂျိုးဟတ်က ကာကွယ်သွားနိုင်ခဲ့ပါတယ်။ ဦးဆောင်ဂိုးကို ၃၈ မိနစ်မှာ မန်စီးတီးက ရရှိခဲ့ပြီး ဘရူနီက သွင်းပေးခဲ့တာပါ။ ဒါပေမယ့် ၄၁ မိနစ်နဲ့ ၅၉ မိနစ်တွေမှာ အီဗရာဟီမိုဗစ်နဲ့ ရာဘီယော့တို့က ချေပဂိုးနဲ့ အနိုင်ဂိုးတွေသွင်းယူခဲ့ပြီး အိမ်ရှင်အတွက် မျှော်လင့်ချက်တွေကို ရှင်သန်စေခဲ့ပါတယ်။ မန်းစီးတီးအတွက် အဖိုးတန်ဒုတိယဂိုးကို ၇၂ မိနစ်မှာ ဖာနန်ဒင်ဟိုက နောက်တန်းအမှားကို အခွင့်ကောင်းယူကာ သွင်းယူပေးခဲ့တာဖြစ်ပါတယ်။

ဒီပွဲတွေရဲ့ ဒုတိယအကျော့ကိုတော့ ဧပြီလ ၁၂ ရက်နေ့မှာ ကစားမှာဖြစ်ပါတယ်။