ဗြိတိန်လုပ်ငန်းများ မွတ်စလင်ဈေးကွက်ကို မျက်စိကျလာ

ဧပြီ ၁၁၊ ၂၀၁၆
M-Media

– အ၀တ်အစားမှသည်၊ မိတ်ဆက်ကဒ်ပြား၊ အွန်လိုင်းအားကစားသင်တန်းတွေအထိ ကမ္ဘာတစ်ဝှမ်းက မွတ်စလင်စားသုံးသူတွေအတွက် ဈေးကွက်ချဲ့ထွင်ဖို့ ဗြိတိန်စီးပွားရေးလုပ်ငန်းရှင်တွေက ကြိုးပမ်းနေတယ်လို့ သိရပါတယ်။

အဲဒီလို ကြိုးစားနေတဲ့ လုပ်ငန်းတွေမှာ လုပ်ငန်းငယ်တွေသာမက လုပ်ငန်းကြီးတွေလည်း ပါဝင်ပြီး မွတ်စလင်သီးသန့် အဓိကထားတဲ့ ကုန်ပစ္စည်းတွေနဲ့ပတ်သက်လို့ ဗြိတိန်ဟာ အခြားဥရောပနိုင်ငံတွေထက် ပိုပြီး အကွက်မြင်ပါတယ်။

“ဟာလာဆိုတာတာ အစားအသောက်ပေါ်မှာပဲ သတ်မှတ်တာမဟုတ်ပါဘူး။ စီးပွားရေးကျင့်ဝတ်လို့လည်း မှတ်ယူနိုင်ပြီး အ၀တ်အစား စသဖြင့် ကုန်ပစ္စည်းတွေမှာ အရည်သွေးမီ၊ စံချိန်မီ ရောင်းချတာလည်း ပါဝင်ပါတယ်” လို့ မွတ်စလင်စာသုံးသူများအတွက် ကုန်စည်ပြပွဲများကို ဦးဆောင်ကျင်းပနေတဲ့ မွတ်စလင်လူနေမှုပြပွဲ (MLE) ရဲ့ ဒါရိုက်တာ ရာအွဖ် မီရ်ဇာက ပြောကြားခဲ့ပါတယ်။

ဗြိတိန်က နာမည်ကျော် ဖက်ရှင်ကုမ္ပဏီ Marks & Spencer ဟာ အစ္စလာမ့်ဖက်ရှင်ဈေးကွက်ကို ၀င်ရောက်လာခဲ့ပြီး၊ အီတလီနာမည်ကျော်ဖက်ရှင်စတိုး Dolce & Gabbana၊ ဂျပန်ရဲ့ Uniqlo စတဲ့ လုပ်ငန်းတွေကလည်း မွတ်စလင်စားသုံးသူတွေကို ပစ်မှတ်ထားတဲ့ ဖက်ရှင်ဒီဇိုင်းတွေကို ထုတ်လုပ်လာခဲ့ကြပါတယ်။

မွတ်စလင်တွေအတွက်ရည်ရွယ်တဲ့ မိတ်ဆက်ကဒ်လုပ်ငန်း ထူထောင်ခဲ့သူ ဗြိတိန်အမျိုးသမီး အီလာရာက သူမဟာ မိတ်ဆက်ကဒ်ပြားတွေမှာ အရက်ပုလင်းပုံတွေ၊ ခရစ်ယာန်ဘုရားကျောင်းပုံတွေ စတဲ့ မွတ်စလင်တွေနဲ့ သင့်လျော်မှုမရှိတာတွေကို တွေ့မြင်ပြီးနောက်ပိုင်းမှာ ဒီလုပ်ငန်းစတင်ဖို့ စိတ်ကူးရခဲ့တာဖြစ်တယ်လို့ ပြောကြားခဲ့ပါတယ်။

ကြော်ငြာကုမ္ပဏီတစ်ခုဖြစ်တဲ့ Ogilvy Noor က ဒုတိယဥက္ကဌဖြစ်သူ ရှိလီနာ ဂျန်မိုဟာမက်ကတော့ မွတ်စလင် လူနေမှုကဏ္ဍဈေးကွက်မှာ နှစ်စဉ်သုံးစွဲမှုတန်ဖိုးဟာ ကန်ဒေါ်လာ ၂.၆ ထရီလီယံရှိတယ်လို့ ခန့်မှန်းတွက်ချက်ခဲ့ပါတယ်။

ဂုဏ်သိက္ခာကြီးပြီး သြဇာရှိတဲ့လုပ်ငန်းများအား မွတ်စလင်စားသုံးသူတွေဆီ တိုက်ရိုက်ဈေးကွက်ဖြန့်ချီဖို့ အထူးစိတ်ဝင်စားလာကြပါတယ်။ အဲ့ဒီထဲမှာ ဗြိတိသျှစူပါမားကတ်လုပ်ငန်းစု Tesco လည်း ပါဝင်ပြီး ပြီးခဲ့တဲ့နှစ် ရမ်ဇန်ဥပုသ်လက မွတ်စလင်တွေကိုရည်ရွယ်တဲ့ ကြော်ငြာလှုပ်ရှားမှုတစ်ခုကို ဆောင်ရွက်ခဲ့ပါတယ်။

“တကယ်လို့ ခင်ဗျားသာ ကမ္ဘာ့နာမည်ကြီးလုပ်ငန်းတစ်ခု ဖြစ်မယ်ဆိုရင် လူသန်းပေါင်း ၁၆၀၀ လောက်ကို ခင်ဗျား ဘယ်လို လျစ်လျူရှုနိုင်ပါသလဲ” လို့ မီရ်ဇာက ထည့်သွင်းပြောကြားခဲ့ပါတယ်။

Ref: IINA