အာဖရိကပြည်သူ ၃ သန်းအတွက် သန့်ရှင်းသောရေ ရရှိရေး တူရကီကူညီမည်

ဧပြီ ၁၅၊ ၂၀၁၆
M-Media

– အာဖရိကနိုင်ငံတွေမှာ ရေပြတ်လပ်မှုဒဏ်ခံစားနေရတဲ့ လူဦးရေ သုံးသန်းအတွက် သန့်ရှင်းပြီး သောက်သုံးလို့ရတဲ့ ရေအရင်းအမြစ်တွေ ရရှိဖို့ ကူညီမှုတွေ တိုးချဲ့လုပ်ဆောင်သွားမယ်လို့ တူရကီနိုင်ငံက ဗုဒ္ဓဟူးနေ့မှာ ပြောကြားလိုက်ပါတယ်။

“ကျွန်တော်တို့ရဲ့ အတွေ့အကြုံနဲ့ အသိပညာတွေပေါင်းစပ်ပြီး အာဖရိကနိုင်ငံပေါင်း ၉ ခုကျော်ကို အကူအညီပေးဖို့ စီစဉ်နေပါတယ်” လို့ တူရကီရဲ့ သစ်တောနဲ့ သောက်သုံးရေဆိုင်ရာ ၀န်ကြီး ဗေဆဲလ် အီရော့ဂ်လူ က ပြောဆိုခဲ့တာပါ။

တူရကီက လုပ်ဆောင်ပေးမယ့် စီမံကိန်းတွေထဲမှာ ရေတွင်းတူးပေးတာ၊ ရေရဲ့အရည်အသွေး စောင့်ကြည့်စီမံပေးခြင်း၊ ရေနဲ့ စွန့်ပစ်ရေသန့်စင်ခြင်း နည်းပညာများ၊ စိုက်ပျိုးရေရရှိအောင် ဆောင်ရွက်ခြင်း၊ ဆည်တမံဆောက်လုပ်ပေးခြင်းနဲ့ ရေအရင်းအမြစ်တွေ ထိန်းသိမ်းကာကွယ်ခြင်း၊ အဆင့်မြှင့်တင်ခြင်း၊ စီမံခန့်ခွဲပေးခြင်းတို့ ပါဝင်မှာဖြစ်ပါတယ်။

တူရကီ သစ်တောနဲ့ သောက်သုံးရေဆိုင်ရာ ၀န်ကြီးဌာနဟာ လက်ရှိအချိန်မှာ အာဖရိကပြည်သူ ၁.၇ သန်းအတွက် သောက်သုံးရေရရှိအောင် ကူညီပေးထားပြီး ၂၀၁၉ ခုနှစ်မှာ ၃ သန်းအထိ တိုးမြင့်လာမှာ ဖြစ်ပါတယ်။ တူရကီက လတ်တလော ကူညီပေးထားတဲ့ နိုင်ငံတွေထဲမှာ ချဒ်၊ တိုဂို၊ ဘီနင်၊ ဂီနီ၊ ဆီနီဂေါလ်၊ ဂမ်ဘီယာနဲ့ ကင်ညာတို့ပါဝင်ပြီး စောစာပိုင်းက အီသီယိုးပီးယား၊ ဆိုမာလီယာ၊ ဆူဒန်၊ ဘာကီနာဖာဆို၊ မော်ရီတေးနီးယား၊ နိုင်ဂျာ၊ မာလီနဲ့ ဒီဘောက်တီတို့မှာ သောက်သုံးရေ ရရှိရေး ကူညီပေးထားတာပါ။

နောက်ပြီး နိုင်ငံတော်ရေလုပ်ငန်းစီမံခန့်ခွဲရေးဌာန၊ တူရကီဝန်ကြီးဌာနပူးပေါင်းဆောင်ရွက်ရေးဌာန (TIKA)၊ အရပ်ဘက်အဖွဲ့အစည်းများမှတဆင့် တူရကီ လူသားချင်းစာနာမှုစီမံကိန်းများကနေ ရေလိုအပ်ချက်ရှိတဲ့ အာဖရိကပြည်သူ အမြောက်အများကို ကူညီပေးလျက် ရှိနေပါတယ်။

အဲဒီအဖွဲ့အစည်းတွေဟာ အာဖရိကနိုင်ငံတွေမှာ ခက်ခဲကြမ်းတမ်းတဲ့အခြေအနေနဲ့ နေထိုင်အသက်ရှင်နေရတဲ့ လူတွေအတွက် ရေတွင်း ၂၆၀၀ လောက် တူးပေးပြီး လတ်ဆတ်တဲ့ သောက်သုံးရေနဲ့အတူ လူ ၉ သန်းလောက်ကို ကူညီပေးပြီး ဖြစ်ပါတယ်။

Ref: IINA