တစ်နေ့လျှင် ဆီးသီးအနည်းငယ် စားပေးခြင်းဖြင့် အရိုးကျန်းမာရေး ကောင်းမွန်နိုင်

ဧပြီ ၁၅၊ ၂၀၁၆
M-Media

– တစ်နေ့လျှင် ဆီးသီးခြောက် ၅ လုံး ဒါမှမဟုတ် ၆ လုံးလောက် စားပေးခြင်းက အရိုးကျန်းမာရေးကို ကောင်းမွန်စေတယ်လို့ အမေရိကန်ပြည်ထောင်စု ဆန်ဒီယေဂိုတက္ကသိုလ်ရှိ သုတေသီတွေက ပြောကြားလိုက်ပါတယ်။

သုတေသီတွေဟာ သွေးဆုံးပြီးအမျိုးသမီးတွေမှာ အက်စထရိုဂျင်ပမာဏ နည်းသွားသောကြောင့် အရိုးတွေ အားနည်းလာတဲ့အခါ ဖြည့်စွက်စာအဖြစ် ဆီးသီးခြောက် ၅၀ ဂရမ် (ဆီးသီးခြောက် ငါးခု၊ခြောက်ခုနဲ့ညီမျှ) ကို ခြောက်လကြာ စားသုံးစေခဲ့တာပါ။

အဲ့ဒီလို ဖြည့်စွက်စာအဖြစ် ဆီးသီးခြောက် စားသုံးတဲ့သူတွေရဲ့ အရိုးဟာ ပိုမိုသန်မာပြီး သိပ်သည်းတဲ့အရိုးတွေ ဖြစ်လာခဲ့တယ်လို့ ဒီလေ့လာမှုအရ သိခဲ့ရပါတယ်။ ဒါဟာ အဲဒီ ဆီးသီးခြောက်တွေမှာ အသက်ရလာတာနဲ့အမျှ အရိုးကျိုးလွယ်မှုကို တားဆီးပေးတဲ့ ဓာတုပစ္စည်းတွေ ပါဝင်တဲ့အတွက်ကြောင့် ဖြစ်ပါတယ်။ ဆီးသီးအစိုကို စားသုံးတဲ့အခါမှာလည်း အလားတူအကျိုးသက်ရောက်မှုမျိုး ရရှိနိုင်တယ်လို့ သုတေသီတွေက ထည့်သွင်းပြောကြားခဲ့ပါတယ်။

Ref: IINA