အကြမ်းဖက်ဝါဒအား တိုက်ဖျက်သွားရန် အိုအိုင်စီ ထိပ်သီးညီလာခံ ကတိပြု

ဧပြီ ၁၆၊ ၂၀၁၆
M-Media

– တူရကီနိုင်ငံ အစ္စတန်ဘူလ်မြို့မှာ ကျင်းပပြုလုပ်ခဲ့တဲ့ ၁၃ ကြိမ်မြောက် အိုအိုင်စီ ထိပ်သီးညီလာခံမှာ အကြမ်းဖက်ဝါဒတိုက်ဖျက်ရေး၊ ဆီးရီးယားနဲ့ ယီမင်ပဋိပက္ခတွေ အပါအ၀င် ဂိုဏ်းဂန၀ါဒ ကွဲပြားမှု ကျဉ်းမြောင်းအောင် ပြုလုပ်ရေး ကတိက၀တ်တွေနဲ့ အဆုံးသတ်ခဲ့တယ်လို့ သိရပါတယ်။

အဲဒီထိပ်သီးအစည်းအဝေးကို ဦးဆောင်ခဲ့တဲ့ တူရကီသမ္မ အာဒိုဂန်က ဂိုဏ်းဂန၀ါဒ၊ လူမျိုးရေးခွဲခြားမှုနဲ့ အကြမ်းဖက်ဝါဒတွေဟာ မွတ်စလင်ကမ္ဘာက ရင်ဆိုင်နေရတဲ့ စိန်ခေါ်မှုကြီး ၃ ခုဖြစ်တယ်လို့ ပြောကြားခဲ့ပါတယ်။

“မွတ်စလင်တွေဖြစ်တဲ့ ကျွန်တော်တို့ဟာ မတူညီမှုတွေကို စည်းလုံးညီညွတ်မှုအဖြစ် မပြောင်းလဲဘဲနဲ့ ကျွန်တော်တို့ရဲ့ အခက်အခဲတွေကို ကျော်လွှားနိုင်မှာ မဟုတ်ပါဘူး။ ဒီထိပ်သီးအစည်းအဝေးမှာ ကမ္ဘာတစ်ဝှမ်းက အစ္စလာမ့်နိုင်ငံတွေအတွက် ကျွန်တော်တို့ရဲ့ အကြီးမားဆုံး မျှော်လင့်ချက်ကတော့ မွတ်စလင်အားလုံးကို စည်းလုံးညီညွတ်မှု၊ သဟဇာတဖြစ်မှု သတင်းစကား ပေးအပ်ဖို့ပါပဲ” လို့ အာဒိုဂန်က မွတ်စလင်ကမ္ဘာက ခေါင်းဆောင်တွေကို ပြောကြားခဲ့ပါတယ်။

နောက်ပြီး ဒီထိပ်သီးအစည်းအဝေးဟာ မိမိတို့ရဲ့ ခေတ်သစ်အစလို့လည်း သူက ဆိုပါတယ်။ အဲဒီ အိုအိုင်စီ ထိပ်သီးညီလာခံမှာ ဆုံးဖြတ်ချက်ပေါင်း ၂၀၀ ကျော်လောက် ချမှတ်ခဲ့ပါတယ်။

ပါလက်စတိုင်းပြဿနာဟာ မွတ်စလင်ကမ္ဘာအတွက် အရေးပါဆုံး ပြဿနာအဖြစ် သတ်မှတ်ခဲ့ပြီး ၄၉ နှစ် ကြာမြင့်နေပြီဖြစ်တဲ့ အစ္စရေးရဲ့ ကျူးကျော်သိမ်းပိုက်မှုကို ခါးစီးခံနေရတဲ့ ပါလက်စတိုင်းပြည်သူတွေနဲ့ မိမိတို့ဟာ အတူတကွရှိနေတယ်လို့လည်း ဒီထိပ်သီးအစည်းဝးက ကြေငြာခဲ့ပါတယ်။

အကြမ်းဖက်ဝါဒနဲ့ ဂိုဏ်းဂန၀ါဒကိုလည်း အိုအိုင်စီထိပ်သီးညီလာခံက ရှုတ်ချခဲ့ပြီး အကြမ်းဖက်လုပ်ရပ်တွေကို တားဆီးတိုက်ဖျက်ဖို့အတွက် အိုအိုင်စီ အဖွဲ့ဝင်နိုင်ငံတွေ၊ နိုင်ငံတကာ အသင်းအဖွဲ့တွေနဲ့ ပူးပေါင်းလုပ်ဆောင်သွားဖို့လည်း ကတိပြုခဲ့ကြပါတယ်။

၂ ရက်တာကြာမြင့်ပြီး မနေ့က ပြီးဆုံးခဲ့တဲ့ အဲဒီ ထိပ်သီးညီလာခံမှာ အနောက်နိုင်ငံတွေမှာ မြင့်တက်လာတဲ့ နိုင်ငံခြားသားကြောက်ရောဂါ၊ အစ္စလာမ်ကြောက်ရောဂါတွေအတွက် စိုးရိမ်မိတယ်လို့ ပြောကြားခဲ့ပြီး သက်ဆိုင်ရာ အစိုးရတွေအနေနဲ့ ဒါတွေကို တိုက်ဖျက်ရေး လိုအပ်တာတွေ ဆောင်ရွက်သွားဖို့လည်း တိုက်တွန်းခဲ့ပါတယ်။

နောက်ပြီး လူ့ဂုဏ်သိက္ခာကို ကာကွယ်ပေးရေး၊ ငြိမ်းချမ်းရေး၊ သည်းခံနိုင်စွမ်းတိုးမြှင့်ရေး စတာတွေနဲ့ ပတ်သက်ပြီးတော့လည်း အဖွဲ့ဝင်နိုင်ငံတွေက ပူးပေါင်းဆောင်ရွက်သွားကြဖို့ ကတိပြုခဲ့ကြပြီး OIC-2025: Program of Action ဆိုရဲ့ ရည်မှန်းချက်တစ်ခုကိုလည်း ချမှတ်ခဲ့ကြပါတယ်။

Ref: IINA