ဘီလ်ဂိတ်၏ ရှရီအာနည်းကျရန်ပုံငွေသို့ ကာတာက ကန်ဒေါ်လာ သန်း ၅၀ လှူဒါန်း

ဧပြီ ၁၇၊ ၂၀၁၆
M-Media

– ဒိုဟာမြို့မှာ ဘီလ်နဲ့ မလင်ဒါဂိတ်စ်ဖောင်ဒေးရှင်း (Bill and Melinda Gates Foundation) ရဲ့ စီမံကိန်းတစ်ခုဖော်ဆောင်ဖို့အတွက် ကာတာဖွံ့ဖြိုးရေးရံပုံငွေအဖွဲ့ကနေ ကန်ဒေါ်လာ သန်း ၅၀ လှူဒါန်းဖို့ ကြာသာပတေးနေ့မှာ သဘောတူ လက်မှတ်ရေးထိုးခဲ့တယ်လို့ သိရပါတယ်။

ယခုပေးအပ်တဲ့ရံပုံငွေဟာ အသက်ရှင်ရပ်တည်ရေးနဲ့ အသက်မွေးဝမ်းကြောင်းလုပ်ငန်းရံပုံငွေအဖွဲ့ (LLF) ကို ကူညီဖို့ ရည်ရွည်ထားတာဖြစ်ပါတယ်။ LLF ကို IDB အဖွဲ့ဝင်နိုင်ငံတွေမှာ ငါးနှစ်အတွင်း ဆင်းရဲမွဲတေမှုတိုက်ဖျက်ရေးအတွက် ရည်ရွယ်ပြီး ပြီးခဲ့နှစ်က ဒေါ်လာ ၂.၅ ဘီလီယံနဲ့ အစ္စလာမ်မစ်ဖွံ့ဖြိုးရေးဘဏ် (IDB)၊ ဘီလ်နဲ့မလင်ဒါဂိတ်စ် ဖောင်ဒေးရှင်းတို့ပူးပေါင်းတည်ထောင်ထားတာ ဖြစ်ပါတယ်။

သဘောတူညီမှုစာချုပ်ကို ကာတာဖွံ့ဖြိုးရေးရံပုံငွေအဖွဲ့အမှုဆောင်ဒါရိုက်တာ ခလီဖာ အလ်ကူဝါရီ၊ IDB ဥက္ကဌ ဒေါက်တာအဟ်မဒ်အလီနဲ့ ဘီလ်နဲ့ မလင်ဒါဂိတ်စ်ဖောင်ဒေးရှင်း ဒုတိယဥက္ကဌဖြစ်သူ ဘီလ်ဂိတ်စ်တို့ လက်မှတ်ရေးထိုးခဲ့ကြတာပါ။

“အာရှနဲ့ အာဖရိကမှာရှိတဲ့ ဖွံ့ဖြိုးမှုအနည်းပါးဆုံး အိုအိုင်စီ အဖွဲ့ဝင်နိုင်ငံ ၃၀ အတွက် ရည်ရွယ်တာဖြစ်ပါတယ်” လို့ အလ်ကူဝါရီက ရန်ပုံငွေထည့်ဝင်မှုနဲ့ပတ်သက်ပြီး ပြောကြားခဲ့ပါတယ်။

နောက်ပြီး LLF ဆိုတာ IDB နိုင်ငံသုံးဆယ်မှာ အခြေခံကျန်းမာရေး၊ ရောဂါထိန်းချုပ်ရေး၊ အသေးစားစိုက်ပျိုးမွေးမြူရေးနဲ့ အခြေခံကျေးလက်လူနေမှုအဆောက်အအုံ ဖွံ့ဖြိုးရေးတို့ကို ရည်ညွှန်းတာလို့လည်း ၎င်းက ထပ်လောင်းပြောကြားခဲ့ပါတယ်။

Ref: IINA