နှစ်ဆန်း ၁ ရက်နေ့တွင် တနင်္သာရီတိုင်းဒေသကြီး အစိုးရအဖွဲ့က ဘာသာပေါင်းစုံမှ ပြည်သူများနှင့် သွားရောက်တွေ့ဆုံ

ဧပြီ ၁၇၊ ၂၀၁၆
M-Media

သီဟ

– တနင်္သာတိုင်းဒေသကြီး အစိုးရအဖွဲ့မှ တာဝန်ရှိသူများမှာ နှစ်ဆန်း ၁ ရက်နေ့ဖြစ်သော ယနေ့တွင် မြိတ်မြို့ရှိ ဘာသာပေါင်းစုံမှ ၀တ်ပြုရာနေရာများသို့ သွားရောက် လည်ပတ်ကာ ဒေသခံပြည်သူများနှင့် တစ်ရင်းတစ်နှီး တွေ့ဆုံခဲ့ကြသည်ဟု သိရသည်။

အဆိုပါအဖွဲ့ကို တိုင်းဒေသကြီး စီးပွားရေးနှင့် ဘဏ္ဍာရေးဝန်ကြီး ဦးဖြိုးဝင်းထွန်း၊ ပြည်သူ့လွှတ်တော်အမတ် ဦးစိုးပိုင်ဌေး၊ အမျိုးသားလွှတ်တော်အမတ် ဒေါက်တာလင်းဝေဖြိုးလတ်နှင့် ဦးတင့်ဝေတို့က ဦးဆောင်ခဲ့ပြီး မြို့ပေါ်ရှိ ဘုန်တော်ကြီးကျောင်းများ၊ ဗလီဝတ်ကျောင်းတော်များ၊ ခရစ်ယာန်ဘုရားကျောင်းများ၊ ဟိန္ဒူဘုရားကျောင်းများသို့ သွားရောက်ခဲ့ကြခြင်းဖြစ်သည်။

ထုံးဖိုဗလီဝတ်ကျောင်းတော် စန္ဒာခန်းမတွင် အစ္စလာမ်ဘာသာရေးခေါင်းဆောင်များ၊ ဒေသခံပြည်သူများနှင့် တွေ့ဆုံရာတွင် ၀န်ကြီး ဦးဖြိုးဝင်းထွန်းနှင့် လွှတ်တော်အမတ်များက နှုတ်ခွန်းဆက်အမှာစကား ပြောကြားခဲ့ပြီး မိမိတို့ အစိုးရအဖွဲ့မှာ ဘာသာပေါင်းစုံ သဟဇာဖြစ်ရေးကို လုပ်ဆောင်သွားမည်ဖြစ်ကြောင်း၊ တနင်္သာရီတိုင်းဒေသကြီးတွင် ဘာသာပေါင်းစုံ အတူယှဉ်တွဲနေထိုင်ခဲ့သည်မှာ နှစ်ပရိစ္ဆေဒ ကြာညောင်းခဲ့ပြီဖြစ်ကာ ရှေ့ဆက်၍လည်း ဒေသအကျိုးကို အတူတွဲ၍ လုပ်ဆောင်သွားရမည်ဖြစ်ကြောင်း ပြောကြားခဲ့သည်။

ထုံးဖိုဗလီဂေါပကအဖွဲ့ဥက္ကဌ ဦးစိန်းဝင်က ကျေးဇူးတင်စကားပြောကြားရာတွင် ထိုကဲ့သို့ အစိုးရအဖွဲ့ဝင်များ လာရောက်ခဲ့သည့်အတွက် ကျေးဇူးတင်ကြောင်း မိမိတို့အစ္စလာမ်ဘာသာဝင်များမှာ တိုင်းပြည်အကျိုးကို တစ်ထောင့်တစ်နေရာမှ ပါဝင်ဆောင်ရွက်ပေးခဲ့သည်မှာ သမိုင်းအထောက်အထား အခိုင်အမာရှိနေကြောင်း၊ မိမိတို့တွင် နိုင်ငံချစ်စိတ်အပြည့်ရှိပြီး ခေတ်အဆက်ဆက် အလုပ်ဖြင့် သက်သပြခဲ့ကြောင်း ထည့်သွင်းပြောကြားခဲ့သည်။

အဆိုပါ တွေ့ဆုံပွဲအခမ်းအနားတွင် အစ္စလာမ်ဘာသာရေးခေါင်းဆောင်များကလည်း အမှာစကားပြောကြားခဲ့ကာ ဆုမွန်ကောင်းတောင်း၍ အခမ်းအနားကို ရုပ်သိမ်းခဲ့သည်။ နှစ်သစ်ကူးအထိမ်းအမှတ်အဖြစ် မြိတ်မြို့တွင် သက်ကြီးပူဇော်ပွဲများ၊ ငါးလွှတ်ပွဲများ၊ ဘာသာပေါင်းစုံ တွေ့ဆုံပွဲများ ကျင်းပခဲ့သည်။

(ဓာတ်ပုံမျာကို ထုံးဖိုဗလီလူငယ်များအဖွဲ့ နာရေးကူညီမှုလုပ်ငန်း ၏ Facebook စာမျက်မှ ရယူဖော်ပြသည်။)