အမေရိကန်ရှိ ဗလီဝတ်ကျောင်းတော်တစ်လုံးကို FBI က ဂုဏ်ပြုဆုပေးအပ်

ဧပြီ ၁၉၊ ၂၀၁၆
M-Media

– အမေရိကန်ပြည်ထောင်စု ဗာဂျီးနီးယားပြည်နယ်မြောက်ပိုင်း စတာလင်မြို့က ဗလီဝတ်ကျောင်းတော်တစ်ခုကို အမေရိကန် ဖက်ဒရယ် ထောက်လှမ်းရေးဗျူရို FBI က “လူ့အဖွဲ့အစည်း ခေါင်းဆောင်မှုဆု” ကို ချီးမြှင့်ခဲ့တယ်လို့ သိရပါတယ်။

All Dulles Area Muslim Society (ADAMS) ဗလီဝတ်ကျောင်းတော်ကို သောကြာနေ့က ချီးမြှင့်ခဲ့တာဖြစ်ပြီး တရားဥပဒေစိုးမိုးရေး အဖွဲ့အစည်းနဲ့ မွတ်စလင်လူအဖွဲ့အစည်းတို့ကြား ရင်းနှီးမှုတည်ဆောက်ရေး ထိထိရောက်ရောက် ကြိုးပမ်းအားထုတ်ခဲ့တာကြောင့်ဖြစ်ပါတယ်။

အင်တာနက်ကနေတစ်ဆင့် လူငယ်တွေကို အစွန်းရောက်အတွေးအခေါ်တွေနဲ့ စည်းရုံးနေတာကို တားဆီးရေး၊ အကြမ်းဖက်ဝါဒကို တန်ပြန်တွန်းလှန်ရေး စတဲ့ဦးတည်ချက်နဲ့ အဲဒီဗလီဝတ်ကျောင်းတော်နဲ့ ရှေ့ဆောင်အီမာမ်ဖြစ်သူမိုဟာမက် မာဂျစ်တို့ဟာ စီမံကိန်းအမြောက်အများကို ဖော်ဆောင်နိုင်ခဲ့ပြီး၊ ဥပဒေစိုးမိုးရေး အဖွဲ့က အကြီးတန်းအရာရှိတွေနဲ့ ဗလီထဲမှာပဲ လူထုတွေ့ဆုံမှုပုံစံတစ်ခုကိုလည်း ကျင်းပခဲ့ပါတယ်။

“ADAMS ဗလီဝတ်ကျောင်းတော်ဟာ နှစ်ပေါင်းများစွာတိုင်အောင် ကျွန်တော်တို့ FBI၊ ဥပဒေစိုးမိုးရေးအဖွဲ့တွေနဲ့အတူ ဒေသခံအသိုင်းအ၀ိုင်းရဲ့ စိုးရိမ်ပူပန်နေရတဲ့ကိစ္စတွေနဲ့ သူတို့ရဲ့အမြင်တွေကို မျှဝေနိုင်အောင် မမောနိုင်မပန်းနိုင် လက်တွဲအလုပ်လုပ်ခဲ့ပါတယ်။ ဒါကြောင့်မို့လို့ ကျွန်တော်တို့ရဲ့နိုင်ငံသားတွေ လုံခြုံဘေးကင်းစေဖို့ အကောင်းဆုံးတာဝန်ကျေပွန်တဲ့အဖွဲ့အစည်းအဖြစ် အသိအမှတ်ပြုတုန့်ပြန်လိုက်တာဖြစ်ပါတယ်” လို့ FBI လက်ထောက်ညွှန်ကြားရေးမှူး ပေါလ် အမ် အက်ဘိတ်က ပြောကြားခဲ့ပါတယ်။

“ကျွန်တော်တို့ရဲ့ပန်းတိုင်က လူ့အဖွဲ့အစည်းတွေနဲ့ ပြည်သူလူထုအကြားမှာ ယုံကြည်မှုတည်ဆောက်နိုင်ဖို့ပါပဲ။ ကျွန်တော်တို့အတူတကွပူးပေါင်းပြီး ပြည်သူလူထုကို ဥပေဒစိုးမိုးရေးအကြောင်း၊ အကြမ်းဖက်ဝါဒနဲ့ အမုန်းရာဇ၀တ်မှုတွေကို ကာကွယ်ဖို့အကြောင်း ပညာပေးလုပ်ငန်းတွေ ဆက်လုပ်သွားပါမယ်။ ဒါမှသာ ကျွန်တော်တို့ မိသားစုဝင်တွေနဲ့ အဖွဲ့အစည်းတွေအတွက် လုံခြုံစိတ်ချရတဲ့ပတ်ဝန်းကျင်တစ်ခု တည်ဆောက်နိုင်မှာပဲဖြစ်ပါတယ်”

Ref: IINA