ကမ္ဘာ့ထိပ်တန်း ၁၀ မြို့တွင် ပါဝင်ရန် မက္ကာ ပစ်မှတ်ထားနေ

ဧပြီ ၂၀၊ ၂၀၁၆
M-Media

– လူနေမှုအဆင့်အတန်းမြင့်မားရေးမှာ အထောက်အကူဖြစ်စေမယ့် စည်ပင်သာယာရေးဝန်ဆောင်မှုတွေ အကောင်းမွန်ဆုံး ကမ္ဘာ့ထိပ်တန်းမြို့ ၁၀ မြို့မှာ မိမိတို့မြို့ ပါဝင်နိုင်အောင်လို့ ရည်မှန်းချက် ချမှတ်ကာ အကောင်အထည်ဖော် ဆောင်ရွက်နေတယ်လို့ ဆော်ဒီအာရေဗျနိုင်ငံ မက္ကာမြို့ရဲ့ အမျိုးသားစီမံကိန်းနဲ့ လေ့လာစောင့်ကြည့်ရေးဝန်ကြီး အဒဲလ် ဆာလေ ဖီဒါက ပြောကြားလိုက်ပါတယ်။

အဲဒီလို ထိပ်တန်းမြို့တွေမှာ ပါဝင်ဖို့အတွက် မိမိတို့အစိုးရအဖွဲ့မှာ စနစ်တကျရေးဆွဲထားတဲ့ စီမံကိန်း၊ လုပ်ငန်းတာဝန်၊ တန်ဖိုးတွေနဲ့ ရည်မှန်းချက်တွေကနေတစ်ဆင့် စီမံကိန်း ၃၇ ခုကို ဆောင်ရွက်ဖို့ အဆင်သင့်ဖြစ်နေပြီလို့လည်း ၀န်ကြီးက ထည့်သွင်းပြောကြားခဲ့ပါတယ်။

ဒေသတွင်းမီဒီယာနဲ့ အင်တာဗျူးတစ်ခုမှာတော့ ၀န်ကြီးက အရာရှိနဲ့ လုပ်သားအားလုံးအတွက် လုပ်ငန်းစွမ်းဆောင်ရည် သုံးသပ်လွှာတွေကနေတစ်ဆင့် ၎င်းတို့ရဲ့ လုပ်ငန်းဆောင်တာတွေကို စောင့်ကြည့်သွားမှာဖြစ်ပြီး၊ သူတို့ရဲ့ တာဝန်တွေကို ဆောင်ရွက်ရာမှာ ကျွမ်းကျင်းမှုရှိမရှိကို စစ်ဆေးနိုင်တဲ့ လက်ဗွေရာ စနစ်တစ်ခုနဲ့လည်း စောင့်ကြည့်သွားမှာ ဖြစ်တယ်လို့ ဆိုပါတယ်။

ဝန်ကြီးက မိမိဌာနရဲ့ အဓိကကဏ္ဍက ဌာနအသီးသီးက ခေါင်းဆောင်တွေနဲ့ ပူးပေါင်းလုပ်ဆောင်ပြီး မြို့တော် စည်ပင်ဝပြောရေးအတွက် စနစ်တကျအစီအစဉ်တွေနဲ့ ရည်မှန်းချက်တွေ ချမှတ်ကာ အဲ့ဒီရည်မှန်းချက်တွေ အောင်မြင်အောင် သင့်လျော်တဲ့လုပ်ငန်းစဉ်တွေနဲ့ အရင်းအမြစ်တွေ ဖော်ဆောင်သွားဖို့ပဲ ဖြစ်တယ်လို့ ဆိုပါတယ်။

Ref: Arab News