လန်ဒန်မြို့တော်ဝန်အဖြစ် မွတ်စလင်နိုင်ငံရေးသမား ရွေးချယ်ခံရ

မေ ၇၊ ၂၀၁၆
M-Media

– ယူကေတွင် သြဇာကြီမားသည့် လန်ဒန်မြို့တော်ဝန်သစ်အဖြစ် လေဘာပါတီမှ မွတ်စလင်နိုင်ငံရေးသမား ဆာဒစ်က် ခန်းက ရွေးချယ်ခံခဲ့ရပြီး စကော့တလန်ရွေးကောက်ပွဲများတွင် အခြေအနေမလှခဲ့သည့် လေဘာပါတီအတွက် အားသစ်လောင်းလိုက်နိုင်ခြင်းလည်းဖြစ်သည်။

ပြိုင်ဘက် တိုရီဇက်ခ် ဂိုးလ်စမစ်ကို မဲအပြတ်အသတ်ဖြင့် အနိုင်ရခဲ့သည့် ခန်းမှာ လန်ဒန်မြို့၏ ပထမဆုံး မွတ်စလင်မြို့တော်ဝန် ဖြစ်လာခဲ့ပြီး ကွန်ဆာဗေးတစ်များ ၈ နှစ်ကြာ ကြီးစိုးထားမှုကို အဆုံးသတ်နိုင်ခဲ့ခြင်းလည်းဖြစ်သည်။

ဆာဒစ်က် ခန်းမှာ ယူကေတွင် ထင်ရှားသည့် နိုင်ငံရေးသမားဖြစ်ပြီး မြို့တော်ဝန်ရွေးချယ်ပွဲ မတိုင်မီကပင် အနိုင်ရမည်ဟု ရေပန်းစားခဲ့သည်။

အနိုင်ရပြီးနောက်ပြောကြားသည့်မိန့်ခွန်းတွင် ခန်းက မိမိအနေဖြင့် ထိုကဲ့သို့ လန်ဒန်မြို့တော်ဝန်အဖြစ် ရွေးချယ်ခံရမည်ဆိုသည်ကို စဉ်းပင်မစဉ်းစားဘူးကြောင်း၊ လန်ဒန်ပြည်သူအားလုံး၏ အကျိုးကို ဆောင်ရွက်ပေးသည့် မြို့တော်ဝန်ကောင်းတစ်ယောက်အဖြစ် ကတိပြုပါကြောင်း ပြောကြားခဲ့သည်။

“လန်ဒန်ဟာ ကြောက်ရွံ့မှုကိုကျော်ပြီး မျှော်လင့်ချက်ကို ရွေးချယ်ခဲ့တဲ့အတွက် ကျွန်တော့်အနေနဲ့ ဂုဏ်ယူမိပါတယ်။ ကျွန်တော်တို့မြို့မှာ ကြောက်ရွံ့မှုတွေရှိနေတဲ့ နိုင်ငံရေးကို မကြိုဆိုပါဘူး”

ခန်း ရွေးချယ်ခံရမှုအတွက် လေဘာပါတီခေါင်းဆောင် ဂျယ်ရီမီ ကောရ်ဘန်ကလည်း Twiiter စာမျက်နှာမှတစ်ဆင့် ချီးကျူးခဲ့သည်။

“လန်ဒန်ကို ပြည်သူအားလုံးအတွက် မျှတကောင်းမွန်တဲ့ အသိုက်အ၀န်းလေးဖြစ်အောင် ဖန်တီးရေး ခင်ဗျားနဲ့အတူ အလုပ်တွဲလုပ်ဖို့ မစောင့်နိုင်တော့ပါဘူး” ဟု ကောရ်ဘန်က ရေးသားခဲ့သည်။

Ref: BBC