ရခိုင်ပြည်နယ်ရေး စုံစမ်းရေးကော်မရှင်အဖွဲ့ စစ်တွေကိုရောက်ရှိ

ပဋိပက္ခ စုံစမ်းစစ်ဆေးရေးကော်မရှင်သည် မြန်မာ့လေကြောင်းခရီးစဉ်ဖြင့် စစ်တွေမြို့သို့ရောက်ရှိလာသည်ကို တွေ့ရစဉ် (ဓါတ်ပုံ သိန်းလှိုင်/ မဇ္ဈိမ)

အဲဒီအဖွဲ့ထဲမှာ မြန်မာနိုင်ငံ သာသနာရေးဝန်ကြီးဌာနက ဒေါက်တာမျိုးမြင့်၊ သတင်းစာဆရာ ဆရာမောင်ဝံသ အပါအဝင် အဖွဲ့ဝင် ၂၀ ကျော် ပါဝင်ပါတယ်။

ရခိုင်ပြည်နယ်အရေး စုံစမ်းစစ်ဆေးရေး ကော်မရှင်အဖွဲ့ဟာ ညနေ ၃ နာရီကျော်အချိန်မှာ လောကနန္ဒာ ဘုရားသိမ်ထဲမှာ စစ်တွေမြို့ပေါ်က မြို့နယ်သံဃာ့နာယက ဆရာတော်ကြီးတွေနဲ့ တွေ့ဆုံကာအခု ခရီးစဉ်နဲ့ ပတ်သက်တဲ့ ရည်ရွယ်ချက်တွေကို လျှောက်ထားခဲ့ပြီး ပြည်နယ်အစိုးရ အဖွဲ့ရုံးမှာ အစိုးရ တာဝန်ရှိသူတွေနဲ့ တွေ့ဆုံခဲ့တယ်လို့လည်းသိရပါတယ်။

စုံစမ်းရေးကော်မရှင်ဟာ ရခိုင်ပြည်နယ်အတွင်းမှာ ဖြစ်ပွားခဲ့တဲ့ ပဋိပက္ခတွေနဲ့ပတ်သက်ပြီး စုံစမ်းစစ်ဆေးဖို့ ပထမအကြိမ် ခရီးစဉ်မှာ (၉) ရက်ကြာလေ့လာသွားမှာ လည်းဖြစ်ပါတယ်။