မွတ်စလင်အများစုရှိရာနိုင်ငံများမှ ဘာသာခြား ခေါင်းဆောင်များ

မေ ၁၁၊ ၂၀၁၆
M-Media

– ပြီးခဲ့တဲ့တစ်ပတ်မှာ လေဘာပါတီက မွတ်စလင်နိုင်ငံရေးသမား ဆာဒစ်က်ခန်းဟာ ယူကေနိုင်ငံရေးနယ်ပယ်မှာ သြဇာကြီးမားတဲ့ လန်ဒန်မြို့တော်ဝန်ရာထူးနေရာအတွက် ရွေးကောက်တင်မြှောက်ခံခဲ့ရပါတယ်။

ခရစ်ယာန်အများစုရှိရာနိုင်ငံက မြို့တော်တစ်ခုရဲ့ မြို့တော်ဝန်အဖြစ် မွတ်စလင်တစ်ယောက်ကို ဒီလို ရွေးချယ်မှုဟာ ယူကေရဲ့ လူမျိုးဘာသာမခွဲခြားတဲ့ စိတ်ဓာတ်ကောင်းကို ဖော်ပြလိုက်တာဖြစ်သလို၊ မွတ်စလင်တစ်ယောက်ရဲ့ တိုင်းပြည်အပေါ် ပေးဆပ်အနစ်နာခံမှုရဲ့ ပြုယုဂ်တစ်ခုလည်း ဖြစ်ပါတယ်။

ဒါပေမယ့် တစ်ချို့ကတော့ ဒီအဖြစ်အပျက်ကိုထောက်ပြကာ မွတ်စလင်အများစုရှိတဲ့နိုင်ငံတွေမှာရော ဘာသာအယူဝါဒ မတူသူတစ်ယောက်ကို လူ့အဖွဲ့အစည်းရဲ့ ခေါင်းဆောင်အဖြစ် တင်မြှောက်နိုင်တဲ့ သဘောထားကြီးမှုမျိုး ရှိသလားဆိုပြီး မေးခွန်းထုတ်ကြပါတယ်။

လက်ရှိအချိန်မှာ မွတ်စလင်အမည်ခံ အကြမ်းဖက်အုပ်စုအချို့ကြောင့် အစ္စလာမ်သာသာနဲ့ အစ္စလာမ်ဘာသာဝင်တွေပါ နာမည်ပျက်နေရပေမယ့် ဘာသာအယူဝါဒမတူသူတွေကို လေးစားဂုဏ်ပေးမှုဟာ အစ္စလာမ်သာသနာမှာ တမန်တော်မုဟမ္မဒ်သခင် လက်ထက်ကတည်းက ရှိနေခဲ့တာဖြစ်ပြီး ခရစ်ယာန်တွေနဲ့ သူတို့ရဲ့ ဘာသာရေးအဆောက်အဦးတွေ၊ စီးပွားရေးတွေ၊ နေအိမ်တွေကို ကာကွယ်စောင့်ရှောက်ပေးမယ်လို့ ကတိပြုထားတဲ့ ‘မဒီနာ ပဋိဉာဏ်စာတမ်း’၊ စိန့်ကက်သရင်း ဘုရားကျောင်းကိုပေးပို့တဲ့ ပဋိဉာဏ်စာတမ်း၊ ဘာသာရေးဆွေးနွေးဖို့လာတဲ့ ခရစ်ယာန်ဘုန်းတော်ကြီးတွေ ၀တ်ပြုဆုတောင်းဖို့အတွက် မုဟမ္မဒ်သခင်ကိုယ်တိုင် ဆောက်လုပ်ထားတဲ့ မဒီနာက ဗလီဝတ်ကျောင်းတော်မှာ နေရာပေးခဲ့တာတွေက ထင်ရှားတဲ့ သာဓကတွေဖြစ်ပါတယ်။

ဒါ့ကြောင့် ခေတ်သစ်ကမ္ဘာက မွတ်စလင်အများစုရှိရာနိုင်ငံတွေမှာ ဘာသာအယူဝါဒမတူသူတွေကို လူ့အဖွဲ့အစည်းခေါင်းဆောင်နေရာ၊ တိုင်းပြည်အကြီးအကဲနေရာ ပေးအပ်ခဲ့မှုတွေထဲက အထင်ကရဖြစ်စရာ အချို့ကို M-Media ပရိတ်သတ်များ လေ့လာမှတ်သားနိုင်ဖို့အတွက် ဖော်ပြလိုက်ပါတယ်။

၁။ ဖက်ဘရူနီယီ အက်ယိုလ်

မွတ်စလင် ၉၉.၈ ရာခိုင်နှုန်းရှိတဲ့ တူရကီနိုင်ငံက မာရ်ဒင်မြို့က တွဲဘက်မြို့တော်ဝန်အမျိုးသမီး ဖြစ်ပါတယ်။ ခရစ်ယာန်ဘာသာဝင်တစ်ဦးဖြစ်ပြီး အသက် ၂၅ နှစ်သာရှိသေးတဲ့သူမဟာ ကာ့ဒ်ပါတီတစ်ခုဖြစ်တဲ့ Peace and Democracy Party က အဖွဲ့ဝင်တစ်ဦးလည်းဖြစ်ကာ ၂၀၁၄ ခုနှစ် မတ်လမှာ မြို့တော်ဝန်အဖြစ် ရွေးကောက်တင်မြှောက်ခံခဲ့ရပါတယ်။

၂။ ဘာဆူကီ တီဂျာဟာရာ ပူရ်နာမာ

အင်ဒိုနီးရှားနိုင်ငံ မြို့တော် ဂျကာတာရဲ့ မြို့တော်ဝန်အဖြစ် ပြီးခဲ့တဲ့ နိုဝင်ဘာလမှာ ဒုတိယမြောက်သက်တမ်းကို ထပ်မံရွေးချယ်ခံခဲ့ရတဲ့ ပူရ်နာမာဟာ ခရစ်ယာန်ဘာသာဝင်တစ်ဦးပါ။ အင်ဒိုနီးရှား လူဦးရေရဲ့ ၈၇.၂ ရာခိုင်နှုန်းဟာ အစ္စလာမ်ဘာသာဝင်တွေဖြစ်ပြီး ကမ္ဘာပေါ်မှာ အစ္စလာမ်ဘာသာဝင်အများဆုံးရှိရာ နိုင်ငံလည်း ဖြစ်ပါတယ်။

၃။ သောမတ်စ် ဆာမန်

ဘာရိန်းက ခရစ်ယာန်ဘာသာဝင် အမျိုးသမီးတစ်ယောက်ဖြစ်ပြီး ရှူရာကောင်စီ လို့ခေါ်တဲ့ တိုင်းပြည်ရဲ့ အထက်လွှတ်တော် ဥက္ကဌရာထူးကို ၂၀၀၅ ခုနှစ်မှာ ရရှိခဲ့သူဖြစ်ပါတယ်။ မွတ်စလင် ၇၀.၃ ရာခိုင်နှုန်းရှိတဲ့ ဘာရိန်းမှာ ဆာမန်ဟာ လွှတ်တော်ဥက္ကဌအဖြစ် တာဝန်ထမ်းဆောင်ရတဲ့ ပထမဆုံး ခရစ်ယာန်ဘာသာဝင်နဲ့ ပထမဆုံးအမျိုးသမီး ဖြစ်ခဲ့ပါတယ်။

သူမဟာ ၀န်ဆောင်မှုဆိုင်ရာကော်မတီရဲ့ အကြံပေးနဲ့ ဒုတိယဥက္ကဌတာဝန်အပြင် လွတ်တော်အတွင်းမှာ ရာထူးအမျိုးမျိုးကို ထမ်းဆောင်ခဲ့သူ ဖြစ်ပါတယ်။

၎။ ကမ်ရန် မိုက်ကယ်

ပါကစ္စတန်နိုင်ငံရဲ့ ဆိပ်ကမ်းနဲ့ ရေကြောင်းပို့ဆောင်ရေးဆိုင်ရာ ၀န်ကြီးအဖြစ် လက်ရှိတာဝန်ထမ်းဆောင်နေသူ ဖြစ်ပါတယ်။ ခရစ်ယာန်တစ်ယောက်ဖြစ်တဲ့ မိုက်ကယ်ဟာ ပါကစ္စတန်အထက်လွှတ်တော် အမတ်တစ်ဦးဖြစ်ပြီး လွှတ်တော်ရဲ့ ရာသီဥတု ပြောင်းလဲမှုဆိုင်ရာ ကော်မတီ၊ အထည်ချုပ်လုပ်ငန်းဆိုင်ရာ ကော်မတီ၊ အမျိုးသား စားနပ်ရိက္ခာနဲ့ ကျန်းမာရေးဆိုင်ရာ ကော်မတီတွေမှာလည်း အဖွဲ့ဝင်တစ်ဦးအဖြစ် ပါဝင်ပါတယ်။ ပါကစ္စတန်နိုင်ငံဟာ အစ္စလာမ်ဘာသာဝင် ၉၆.၄ ရာခိုင်နှုန်းရှိတဲ့ နိုင်ငံတစ်ခုဖြစ်ပါတယ်။

၅။ ဘူးထရို့စ် ဘူးထရို့စ်ဂါလီ

ကော့ပတစ်ခရစ်ယာန်တစ်ဦးဖြစ်တဲ့ ဘူးထရို့စ်ဂါလီဟာ မွတ်စလင် ၉၀ ရာခိုင်နှုန်းရှိတဲ့ အီဂျစ်နိုင်ငံမှာ နိုင်ငံခြားရေးဝန်ကြီးတာဝန်ကို ၁၄ နှစ်တာ ထမ်းဆောင်ခဲ့သူဖြစ်ပါတယ်။ နောက်ပြီး ကုလသမဂ္ဂရဲ့ ၆ ယောက်မြောက် အထွေထွေအတွင်းရေးမှူးချုပ်ရာထူးကို ၁၉၉၂ ခုနှစ်ကနေ ၁၉၉၇ ခုနှစ်အထိ ထမ်းဆာင်ခဲ့ပါတယ်။

၆။ ဂျာနက် မီခေးလ်

အစ္စရေးရဲ့ ကျူးကျော်သိမ်းပိုက်မှုကို ခံနေရတဲ့ ပါလက်စတိုင်းနိုင်ငံ ရာမာလာဟ်မြို့ရဲ့ မြို့တော်ဝန်အဖြစ် တာဝန်ထမ်းဆောင်ခဲ့သူ မီခေးလ်ဟာ ရိုမန်ကက်သလစ် ဘာသာဝင်တစ်ဦးပါ။ လက်ရှိအချိန်မှာတော့ ရာမာလာမြို့ စည်ပင်သာယာရေးကောင်စီရဲ့ အဖွဲ့ဝင်တစ်ဦးအဖြစ် ဆောင်ရွက်နေပါတယ်။

၇။ လီယိုပိုလ်ဒ် ဆီဒါရ် ဆန်ဂေါ်ရ်

အစ္စလာမ်ဘာသာဝင် ၉၅.၄ ရာခိုင်နှုန်းရှိတဲ့ ဆီနီဂေါလ်နိုင်ငံမှာ သမ္မတအဖြစ် နှစ်ပေါင်း ၂၀ တာဝန်ထမ်းဆောင်ခဲ့သူ ဆန်ဂေါ်ရ်ဟာ ရိုမန်ကက်သလစ် ဘာသာဝင်တစ်ဦးပါ။ ကဗျာဉာဏ်ရွှင်တာကြောင့် သူ့ကို “ကဗျာဆရာ သမ္မတ” လို့ ပြည်သူတွေက ချစ်စနိုးနဲ့ ခေါ်ဝေါ်ကြပါတယ်။ သူဟာ ဆီနီဂေါလ်နိုင်ငံမှာ ဒီမိုကရေစီနဲ့ စာနယ်ဇင်းလွတ်လပ်ခွင့်ကို ရှေ့ဆောင်ဖော်ထုတ်ပေးခဲ့သူဖြစ်ပြီး သူ့ရဲ့ အမွေအနှစ်ကတော့ ယနေ့အချိန်အထိ ကျန်ရှိနေပါသေးတယ်။

၈။ မိုက်ကယ် ဆူလေမန်

ခရစ်ယာန်ဘာသာဝင်တစ်ဦးဖြစ်တဲ့ ဆူလေမန်ဟာ လက်ဘနွန်နိုင်ငံရဲ့ သမ္မတအဖြစ် ၂၀၀၈ ခုနှစ်ကနေ ၂၀၁၄ ခုနှစ်အထိ တာဝန်ထမ်းဆောင်ခဲ့သူ ဖြစ်ပါတယ်။ သူဟာ စစ်တပ်မှာ ထင်ရှားကျော်ကြားတဲ့ စစ်ဗိုလ်တစ်ဦးလည်း ဖြစ်ပါတယ်။ လက်ဘနွန်နိုင်ငံက အစ္စလာမ်ဘာသာဝင် ၅၄ ရာခိုင်နှုန်းရှိတဲ့ နိုင်ငံပါ။

Ref: Independent