အင်္ဂလန်တွင် ပါဝင်ခွင့်ရမှသာ အောင်မြင်မှု အထွပ်အထိပ်ရောက်မည်ဟု ဗာဒီပြော

မေ ၁၃၊ ၂၀၁၆
M-Media

– လာမည့်လတွင် ကျင်းပပြုလုပ်မည့် ယူရို ၂၀၁၆ တွင် အင်္ဂလန်အသင်းကိုယ်စားပြု ပါဝင်ခွင့်ရပါက ယခုရာသီ မိမိအအောင်မြင်မှု၏ အထွဋ်အထိပ် ဖြစ်မည်ဟု လက်စတာတိုက်စစ်မှူး ဂျာမီဗာဒီက ပြောကြားလိုက်သည်။

ပူပူနွေးနွေး ပရီးမီးယားလိဂ်ချန်ပီယံဖြစ်ထားသည့် လက်စတာအသင်းအတွက် ဗာဒီမှာ အလွန်ရေးပါသည့်အခန်းကဏ္ဍမှ ပါဝင်ခဲ့ပြီး လိဂ်ပွဲ ၃၅ ပွဲတွင် ၂၄ ဂိုး သွင်းယူပေးခဲ့သည်။ လက်ရှိတွင် ရွိုင်ဟဒ်ဆန်ကိုင်တွယ်သည့် အင်္ဂလန်အသင်းတွင် ဗာဒီမှာ နေရာတစ်နေရာ သေချာပေါက်ရမည်ဟု ယူဆမှုများရှိနေသော်လည်း လူစာရင်းမထွက်သေးသောကြောင့် မသေချာသေးပေ။

ဗာဒီကမူ နိုင်ငံအတွက် ကိုယ်စားပြုခွင့်ရပါက မိမိအတွက် အကြီးမားဆုံး အောင်မြင်မှုဖြစ်မည်ဟု ဆိုသည်။

“(အင်္ဂလန်အတွက် ရွေးချယ်ခံရမယ်ဆိုရင်) ဒါက ကျွန်တော့်အတွက် ဒီရာသီမှာ အထွဋ်အထိပ်ဖြစ်မှာပါ။ ဘယ်လိုအချိန်မျိုးမှာမဆို နိုင်ငံအသင်းအတွက် ကိုယ်စားပြုခွင့်ရတာဟာ ကြီးမားတဲ့ အခွင့်အလမ်းကြီးပါပဲ။ ဒါပေမယ့် ပြိုင်ပွဲတစ်ခုမှာ ပါဝင်ရတာ၊ ကြီးမားတဲ့ အဖြစ်အပျက်တစ်ခုရဲ့ အစိတ်အပိုင်းဖြစ်ရတာက အကောင်းဆုံးထဲက တစ်ခုသာဖြစ်ပါတယ်” ဟု ဗာဒီက ပြောကြားခဲ့သည်။

ထို့ပြင် အင်္ဂလန်မှာ ပြင်သစ်၌ပြုလုပ်မည့် အဆိုပါ ယူရိုပြိုင်ပွဲတွင် ဗိုလ်စွဲနိုင်ခြေရှိသည်ဟု ၎င်းက ထည့်သွင်းပြောကြားခဲ့သည်။

Ref: Goal