ကမ္ဘာ့ကိုယ်ခံ ပညာပေါင်းစုံ ပြိုင်ပွဲသို့ မြန်မာပြည် အလွတ်တန်း ချန်ပီယံ ထွန်းထွန်းမင်း ပထမဆုံးအကြိမ် ယှဉ်ပြိုင်မည်

သတင်း – မောင်စိန်လွင်(မြန်မာ့အလင်း)
ရန်ကုန် မေ ၁၃

ရိုးရာလက်ဝှေ့လောက၏ မြန်မာပြည် အလွတ်တန်းချန်ပီယံ ထွန်းထွန်းမင်း တစ်ယောက် ယခင်က တစ်ကြိမ်တစ်ခါမှ သွားရောက်ယှဉ်ပြိုင် ထိုးသတ်ဖူးခြင်း မရှိသေးသည့် ကမ္ဘာ့ကိုယ်ခံပညာပေါင်းစုံပြိုင်ပွဲသို့ ပထမဦးဆုံးအကြိမ် သွားရောက် ယှဉ်ပြိုင်ထိုးသတ်မည်ဖြစ်ကြောင်း ဦးဆောင်စီစဉ်သူ ဦးဝဏ္ဏ(မာဂျေ)ထံမှ သိရသည်။

”ဒီပွဲကို ထွန်းထွန်းမင်း သွားရောက်ယှဉ်ပြိုင်ထိုးသတ်ဖြစ်အောင် စီစဉ်ဖြစ်တာ ကတော့ ဂျပန်က ကမ္ဘာ့ကိုယ်ခံပညာပေါင်းစုံပြိုင်ပွဲရှိတယ်ဆိုပြီး လှမ်းဖိတ်တယ်။ မြန်မာနိုင်ငံက ထွန်းထွန်းမင်းအနေနဲ့ ဒီပွဲကို လာပြီးတော့ ယှဉ်ပြိုင်ထိုးသတ်မလား ပြောတော့ ကျွန်တော်က ထွန်းထွန်းမင်းကို မေးတယ်။ ဂျပန်ကတော့ ဖိတ်တယ်၊ မင်း သွားထိုးမလားမေးတော့ သွားထိုးမယ်ပြောတာနဲ့ စီစဉ်ဖြစ်သွားတာပါ။ တကယ် တော့ ဒီလို နိုင်ငံတကာက လာပြိုင်တဲ့ ကိုယ်ခံပညာပြိုင်ပွဲမှာ မြန်မာ့ရိုးရာ လက်ဝှေ့အနေနဲ့ ကမ္ဘာကို သိစေချင်လို့ သွားပြိုင်တာပါ။ ဟိုက ထိုးကြေးအဖြစ် ဒေါ်လာ ၂၂ဝဝ ပဲပေးတယ်။ ကျန်တဲ့ ဒေါ်လာ ၃ဝဝဝ လောက်နဲ့ ကုန်ကျစရိတ်တွေက ကျွန်တော်က အကုန်အကျခံရမှာဖြစ်တယ်။ ရိုးရာလက်ဝှေ့ကို ကမ္ဘာအထိ ပျံ့နှံ့စေ ချင်တဲ့ ဆန္ဒတစ်ခုတည်းနဲ့ပါ”ဟု ဦးဆောင်စီစဉ်သူ ဦးဝဏ္ဏ(မာဂျေ)က ပြောသည်။

၎င်းသွားရောက်ယှဉ်ပြိုင်ထိုးသတ်မည့် ပြိုင်ပွဲသည် လေးကြိမ် မြောက်ဖြစ်ပြီး မြန်မာနိုင်ငံအနေဖြင့် လက်ဝှေ့အမည်ခံဖြင့် ပထမဆုံးအကြိမ် သွားရောက်ယှဉ်ပြိုင်ထိုးသတ်မည်ဖြစ်သည်။ ယင်းပြိုင်ပွဲသည် ဂန်လျူဂျီးမား(ကမ္ဘာ့ကိုယ်ခံပညာပေါင်းစုံ) ပြိုင်ပွဲဖြစ်သည်။ ပြိုင်ပွဲကို ဂျပန်နိုင်ငံ ဒုံးစီးတီးမြို့၌ လာမည့် ဇူလိုင် ၃၁ ရက်တွင် ကျင်းပမည်ဖြစ်ကြောင်း သိရသည်။ လေးကြိမ်မြောက် ကျင်းပမည့် အဆိုပါ ကမ္ဘာ့ကိုယ်ခံပညာ ပေါင်းစုံပြိုင်ပွဲတွင် မြန်မာနိုင်ငံအနေဖြင့် လက်ရှိအလွတ်တန်း ချန်ပီယံ ထွန်းထွန်းမင်းက လက်ဝှေ့ဖြင့် ဝင်ရောက်ယှဉ်ပြိုင် ထိုးသတ်မည်ဖြစ်ပြီး အိန္ဒိယမှ ချီလတ်၊ တောင်အာဖရိကမှ ဇူးဇူးနပန်း၊ မွန်ဂိုလီးယားမှ မွန်ဂိုနပန်းနှင့် မွန်ဂိုရက်စ်လင်း၊ ဘရာဇီးမှ ဂန်ပို၊ ရုရှားမှ စံပို၊ အစ္စရေးမှ ဂရက်မာဂ၊ အိမ်ရှင် ဂျပန်က ကာရာတေး ၊ ဂျူကျစ်စုနှင့် ရှောင်လင် စသည်ဖြင့် ကမ္ဘာ့ နိုင်ငံအများစုမှ မိမိနှစ်သက်အားသန်သည့် အားကစားနည်း ဖြင့် ဝင်ရောက်ယှဉ်ပြိုင်ထိုးသတ်ကြမည်ဖြစ်သည်။ ယှဉ်ပြိုင် ထိုးသတ်ရာတွင် လည်း ကြိုးဝိုင်းမပါဘဲ အချင်း ၂၄ ပေပတ်လည် ရှိ စင်ပေါ်တွင် မတ်တတ်ရပ်၊ လဲ ကြိုက်သလို စိတ်ကြိုက် ယှဉ် ပြိုင်ထိုးသတ်နိုင်ပြီး အဆိုပါ စင်ပေါ်မှ အောက်သို့ သုံးကြိမ်ပြုတ် ကျခဲ့လျှင် အရှုံးပေးရမည်ဖြစ်သည်။

ပထမဆုံးအကြိမ် သွားရောက်ယှဉ်ပြိုင်ထိုးသတ်မည့် မြန်မာ ပြည် အလွတ်တန်းချန်ပီယံ ထွန်းထွန်းမင်းအား ပွဲနှင့်ပတ်သက် ၍ ထိုးဖြစ်ခဲ့ပုံနှင့် ကြိုတင်ပြင်ဆင်ထားမှုအခြေအနေကို မေးမြန်း ရာ ”မြန်မာပြည်မှာ ပွဲမရှိလို့ သွားထိုးဖြစ်တာပါ။ လေ့ကျင့်မှုက တော့ နေ့စဉ်မပြတ် လေ့ကျင့်နေပါတယ်” ဟု ဆိုသည်။

ယင်းပြိုင်ပွဲတွင် အိမ်ရှင် ဂျပန်နိုင်ငံအနေဖြင့် ယှဉ်ပြိုင် ထိုးသတ်မည့် တွဲဆိုင်းအားလုံးထဲမှ ဂျပန်နိုင်ငံသားချင်း တွဲဆိုင်း တစ်ဆိုင်းသာပါဝင်ပြီး ကျန်တွဲဆိုင်းအားလုံးသည် နိုင်ငံတကာမှ လက်ဝှေ့ကျော်များနှင့် အိမ်ရှင် ဂျပန်လက်ဝှေ့ကျော်များ ယှဉ်ပြိုင် ထိုးသတ်ကြမည်ဖြစ်သည်။ မြန်မာနိုင်ငံကိုယ်စားပြု သွားရောက် ထိုးသတ်မည့် ထွန်းထွန်းမင်းသည် အီတလီနိုင်ငံမှ ကမ္ဘာ့ကိုယ်ခံ ပညာပေါင်းစုံပြိုင်ပွဲ ချန်ပီယံလက်ဝှေ့ကျော် တစ်ဦးနှင့် ယှဉ်ပြိုင် ထိုးသတ်ရမည်ဖြစ်သည်။ ယင်းပြိုင်ပွဲသို့ မြန်မာနိုင်ငံကိုယ်စား လှယ်အဖွဲ့အနေဖြင့် ဇွန် ၂၉ ရက်တွင် မြန်မာနိုင်ငံမှ စတင် ထွက်ခွာမည်ဖြစ်ကြောင်း သိရသည်။

၁၄၊ ၅ ၊ ၂၀၁၆ မြန်မာအလင်း