လာဂီဂါ ဂိုးသွင်းဘုရင် ဆွာရက်ဇ်က အသင်းဖော်များကို ကျေးဇူးတင်

မေ ၁၅၊ ၂၀၁၆
M-Media

– လာလီဂါတွင် ဂိုးအများဆုံး သွင်းယူနိုင်သည့် ကစားသမားအတွက် ချီးမြှင့်သော Pichichi ဆုကို ဘာစီလိုနာတိုက်စစ်မှူး လူးဝစ်ဆွာရက်ဇ်က ရရှိခဲ့ပြီး ၂၀၀၉ ခုနှစ်နောက်ပိုင်း ရော်နယ်ဒိုနှင့် မက်ဆီတို့ကိုကျော်ကာ ထိုဆုအား ပထမဆုံး ရယူနိုင်ခဲ့သည့် ကစားသမား ဖြစ်လာခဲ့သည်။

ဘာစီလိုနာအတွက် လာလီဂါတွင် ၃၅ ပွဲ ကစားခဲ့သည့် ဆွာရက်ဇ်ကမှာ ဂိုးပေါင်း ၄၀ သွင်းယူနိုင်ပြီး ရီးယဲလ်တိုက်စစ်မှူး ရော်နယ်ဒိုကိုထက် ၅ ဂိုး အသာဖြင့် လာလီဂါဂိုးသွင်းဘုရင်ဖြစ်ခဲ့သည်။ ယမန်နေ့က ကစားခဲ့သည့် ဂရာနာဒါနှင့် လာလီဂါနောက်ဆုံးပွဲတွင် ၎င်း၏ ဟက်ထရစ်သွင်းဂိုးက ဘာစီလိုနာအား ချန်ပီယံဖြစ်စေသကဲ့သို့ ၎င်းကိုလည်း Pichichi ဆု ရရှိစေခဲ့သည်။

ဆွာရက်ဇ်မှာ ဘာကာအတွက် ပြိုင်ပွဲအားလုံးတွင် ၅၃ ဂိုး သွင်းယူပေးထားပြီး လာလီဂါ ဂိုးသွင်းဘုရင်ဆုနှင့် သွင်းဂိုးများအတွက် အသင်းဖော်များကို ကျေးဇူးတင်ခဲ့သည်။

“အသင်းသားတိုင်းကို ကျွန်တော် ကျေးဇူးတင်ပါတယ်။ ဘာ့ကြောင့်လည်းဆိုတော့ သူတို့သာမရှိရင် ကျွန်တော် ဒါမျိုး လုပ်နိုင်မှာ မဟုတ်ပါဘူး။ အခုလိုအခြေအနေမျိုးဟာ သူတို့မရှိရင် ဖြစ်လာမှာ မဟုတ်ပါဘူး။ သူတို့က ကျွန်တော့်ကို ဖန်တီးပေးပြီး ကျွန်တော်က ဂိုးသာ သွင်းပေးရတာပါ။ အဲဒီအတွက် ကျေးဇူးတင်ပါတယ်။ အားလုံးကို ကျေးဇူးတစ်ခေါက် ထပ်တင်ပါတယ်ဗျာ” ဟု ဆွာရက်ဇ်က ပြောကြားခဲ့သည်။

Ref: Goal