ဖင်လန်မှာ ဒုက္ခသည် ၂ သောင်း ခွဲ ပျောက်ဆုံးနေ

မေ ၁၅၊ ၂၀၁၆
M-Media

– ဖင်လန်ဒုက္ခသည်လက်ခံရေးဌာနတွေကနေ ဒုက္ခသည် ၂၅၀၀၀ လောက် ပျောက်ဆုံးနေပြီး ဒေသခံအာဏာပိုင်တွေကတော့ အဲဒီလူတွေကို ဆက်သွယ်လို့မရတဲ့အတွက် ဘယ်ရောက်နေလဲ၊ ဘယ်လိုအသက်မွေးနေလဲဆိုတဲ့ သဲလွန်စတွေ ဘာမှမရဘူးလို့ ဆိုပါတယ်။

“ဒါဟာ အန္တရာယ်များတဲ့ အခြေအနေပါ၊ ဒီမှာနေဖို့ဆုံးဖြတ်ထားပေမဲ့ ဒုက္ခသည်အဖြစ် အသိအမှတ်ပြုတဲ့ အခြေအနေမျိုး မရှိသေးတဲ့အတွက် သူတို့ဘယ်သူတွေလဲ၊ ဒီကိုဘာကြောင့်ရောက်လာလဲ၊ လက်ရှိ ဘယ်လိုလုပ်ကိုင်စားသောက်နေလဲဆိုတာ ဘာမှမသိရသေးပါဘူး” လို့ ထောက်လှမ်းရေးအဖွဲ့ချုပ်ဥက္ကဌ ဆန်နာပါလို က ယခုတစ်ပတ်အတွင်း ပြည်တွင်း မီဒီယာတစ်ခုနဲ့ ပြုလုပ်တဲ့ အင်တာဗျူးမှာ ပြောကြားခဲ့ပါတယ်။

ဥရောပက ဒုက္ခသည်လက်ခံရေးစင်တာတွေကနေ ဒုက္ခသည်တွေ ပျောက်ဆုံးနေတာ ဒါ ပထမဆုံးအကြိမ်တော့ မဟုတ်ပဘူး။ ၂၀၁၅ ခုနှစ်အတွင်း ဂျာမနီကို တရားဝင် ၀င်ရောက်လာတဲ့ ဒုက္ခသည်တွေထဲက ၁၃ ရာခိုင်နှုန်းလောက်ဟာလည်း သူတို့အတွက် သတ်မှတ်ပေးထားတဲ့ နေရာထိုင်ခင်းတွေဆီ ရောက်မလာခဲ့ကြပါဘူး။

ဂျာမနီမှာ ဒုက္ခသည်ကလေးငယ်တွေ ပျောက်ဆုံးမှုအရေအတွက်ကတော့ အနည်းဆုံး ၅၈၃၅ ဦးလောက်ရှိပြီး အဲဒီအထဲက ၅၅၅ ဦးဟာ အသက် ၁၄ နှစ်အောက်သာ ရှိပါသေးတယ်။

Ref; Reuters