ဧ၀ရတ်တောင်ထိပ်တွင် မြန်မာနိုင်ငံအလံကို လွှင့်ထူနိုင်ပြီ

မေ ၁၉၊ ၂၀၁၆
M-Media

မြန်မာတောင်တက်အဖွဲ့၏ ဧ၀ရတ်တောင်တက် မြင်ကွင်းတစ်ခု

– ကမ္ဘာ့အမြင့်ဆုံးတောင်အဖြစ် သတ်မှတ်ခံထားရသည့် ဧ၀ရတ်တောင်ထိပ်၌ မြန်မာတောင်တက်သမားများက ယနေ့တွင် မြန်မာအလံကို ပထမဆုံး စိုက်ထူနိုင်ခဲ့သည်ဟု သိရသည်။

ကိုပြည့်ဖြိုးအောင်နှင့် ကိုဝင်းကိုတို့ဖြစ်ကြပြီး ယနေ့မနက် ဒေသစံတော်ချိန် ၇ နာရီ ၁၇ မိနစ်တွင် ဧ၀ရတ်တောင်ထိပ်သို့ ရောက်ရှိခဲ့ကြကာ ကမ္ဘာ့အမြင့်ဆုံးတောင်ကို တက်နိုင်ခဲ့သည့် ပထမဆုံး မြန်မာတောင်တက်သမားများအဖြစ် မှတ်တမ်းဝင်ခဲ့သည်။

၎င်းတို့မှာ လမ်းပြ ၄ ဦးနှင့်အတူ ယမန်နေ့ ည ၉ နာရီက စခန်း ၄ မှတစ်ဆင့် ညလုံးပေါက် တက်ရောက်ခဲ့ပြီးနောက် ထောင်ထိပ်သို့ အောင်မြင်စွာ ရောက်ရှိခဲ့ခြင်းဖြစ်သည်။

“ဟဲလို! ကမ္ဘာကြီးနဲ့ မြန်မာနိုင်ငံကြီးရေ။ သင်တို့ရဲ့ ဆုတောင်းမှု၊ အားပေးထောက်ခံမှု၊ ထူးကုမ္ပဏီအုပ်စုနဲ့ ဥက္ကဌဦးတေဇတို့ရဲ့ ပံ့ပိုးကူညီမှုကြောင့် ကျွန်တော်တို့ဟာ ဧ၀ရတ်တောင်ထိပ်ကို ရောက်ရှိခဲ့ပါပြီ” ဟု အဆိုပါ တောင်တက်သမား ၂ ဦးက သတင်းစကား ပါးခဲ့သည်။

လက်ရှိတွင် ၎င်းတို့မှာ တောင်ထိပ်မှ ပြန်လည်ဆင်းသက်နေပြီး မနက်ဖြန်တွင် တောင်ခြေစခန်းသို့ ပြန်ရောက်မည်ဖြစ်သည်။

Ref: mmtimes