အစ္စရေးက ပါလက်စတိုင်းအိမ်ယာများဖြိုချမှုနှင့် အကူအညီများသိမ်းယူ ကုလ ရှုတ်ချ

မေ ၂၀၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်း ဂျေရုစလင်မှာရှိတဲ့ ဂျာဘာလ် အလ် ဘာဘာ ရပ်ကွက်က ပါလက်စတိုင်း ပြည်သူတွေရဲ့ နေအိမ်တွေကို ဖြိုချဖျက်ဆီးတာနဲ့ နိုင်ငံတကာက လှူဒါန်းထားတဲ့ လူသားချင်း စာနာထောက်ထားမှုဆိုင်ရာ အကူအညီတွေကို သိမ်းယူတာတွေအတွက် ကုလသမဂ္ဂက အစ္စရေးကို ရှုတ်ချလိုက်ပါတယ်။

ဗုဒ္ဓဟူးနေ့က ပြုလုပ်ခဲ့တဲ့ သတင်းစာရှင်းလင်းပွဲမှာ ကုသမဂ္ဂ လူသားချင်း စာနာထောက်ထားမှုဆိုင်ရာ အကူအညီနဲ့ ဖွံ့ဖြိုးတိုးတက်ရေး ဆောင်ရွက်မှုဆိုင်ရာ ညှိနှိုင်းရေးမှူး ရောဘတ် ပီပါက အခုလို ရှုတ်ချလိုက်တာဖြစ်ပြီး ကုလသမဂ္ဂ လူသားချင်း စာနာထောက်ထားမှုရေးရာရုံး OCHA က အစ္စရေးအာဏာပိုင်တွေဟာ မေလ ၁၆ ရက်နေ့က ပါလက်စတိုင်းပြည်သူတွေရဲ့ အိမ်ယာ ၇ ခုကို ဖျက်ဆီးခဲ့ပြီး၊ လှူဒါန်းထားတဲ့ ပစ္စည်းတွေကို သိမ်းယူခဲ့တာဖြစ်တယ်လို့လည်း ပြောကြားခဲ့ပါတယ်။

အဲဒီလိုဆောင်ရွက်မှုကြောင့် ကလေးငယ် ၂၂ ဦးအပါဝအင် ပါလက်စတိုင်းပြည်သူ ၄၉ ဦးဟာ အိုမဲ့အိမ်မဲ့ ဖြစ်ခဲ့ရပြီး မိသားစု ၉ ခုကတော့ အသက်ဆက်ဖို့လိုအပ်နေတဲ့ အစားအသောက်တွေ ဆုံးရှုံးခဲ့ရပါတယ်။ အစ္စရေးက သိမ်းယူခဲ့တဲ့ အဲဒီထောက်ပံ့ရေး ပစ္စည်းတွေဟာ ပါလက်စတိုင်းက ဘဒူအင်လူမျိုး မိသားစုတွေအတွက် ကုလရဲ့ Humanitarian Pooled Fund အဖွဲ့က အခုနှစ်အစောပိုင်းမှာ ထောက်ပံ့ပေးထားတဲ့ ပစ္စည်းတွေဖြစ်ပါတယ်။

ဂျဘားလ် အလ်ဘာဘာရပ်ကွက်ဟာ ပါလက်စတိုင်းပိုင် အနောက်ဖက်ကမ်းမှာ အစ္စရေးရဲ့ ကျူးကျော်သိမ်းပိုက်မှု ခံရဖို့ အန္တရာယ်အများဆုံးရှိနေတဲ့ နေရာပေါင်း ၄၆ ခုထဲက တစ်ခုဖြစ်ပြီး၊ လက်ရှိမှာ အစ္စရေးက တရားမ၀င်အခြေချအိမ်ယာတွေ ဆောက်လုပ်ဖို့လည်း ပြင်ဆင်နေပါတယ်။

Ref : IINA