ဇီဒိန်းမှာ ရီးယဲလ်အတွက် အသင့်တော်ဆုံးဟု ဘက်ခမ်းပြော

မေ ၂၀၊ ၂၀၁၆
M-Media

– ယခုလနှောင်းပိုင်းတွင် ကစားမည့် ချန်ပီယံလိဂ်ဗိုလ်လုပွဲတွင် မည်သည့်ရလဒ် ရသည်ဖြစ်စေ ဇီဒိန်းမှာ ရီးယဲလ်အတွက် အသင့်တော်ဆုံး နည်းပြဖြစ်သည်ဟု အသင်းဖော်ဟောင်း ဒေးဗစ်ဘက်ခမ်းက ပြောကြားလိုက်သည်။

ဘင်နီတက်ဇ်အား ထုတ်ပယ်ပြီးနောက် ရောက်ရှိလာသည့် ဇီဒိန်းမှာ ရီးယဲလ်အတွက် အလှည့်အပြောင်း ဖြစ်စေခဲ့ပြီး လာလီဂါချန်ပီယံဘွဲ့အတွက် ဘာစီလိုနာကို နောက်ဆုံးနေ့အထိ စိန်ခေါ်နိုင်ခဲ့သည်။ ထို့ပြင် ချန်ပီယံလိဂ်တွင်လည်း ဗိုလ်လုပွဲသို့ ပို့ဆောင်နိုင်ခဲ့ပြီး မြို့ခံပြိုင်ဘက် အသလက်တီကိုနှင့် တွေ့ဆုံစေခဲ့သည်။

မေ ၂၈ ရက်နေ့တွင် ကစားမည့် အဆိုပါပွဲတွင် ရှုံးနိမ့်ခဲ့ပါက ရီးယဲလ်မှာ ဖလားလက်မဲ့ရာသီနှင့် ရင်ဆိုင်ရမည်ဖြစ်ပြီး ဇီဒိန်း၏ အနာဂတ်မှာလည်း မရေရာတော့ပေ။ အသင်းဖော်ဟောင်း ဘက်ခမ်းကမူ ဇီဒိန်းအား ထောက်ခံခဲ့သည်။

“ကျွန်တော်က နည်းပြလုပ်ဖို့ မွေးလာတာမဟုတ်ပေမယ့် ဇီဒိန်းကတော့ ဟုတ်ပါတယ်။ အကောင်းဆုံး သူငယ်ချင်းတစ်ယောက် ဖြစ်တဲ့အပြင် သူဟာ ဘောလုံးအပေါ် အလွန်အမင်းစွဲလမ်းသူ၊ ကျွန်တော်ကစားဖူးသမျှထဲမှာ အကောင်းဆုံး ဘောလုံးသမားလည်း ဖြစ်ပါတယ်။ အသင်းကို နည်းပြကာစ ဖြစ်တာကြောင့် မတည်မငြိမ်တာမျိုးဟာ ဖြစ်တတ်ပါတယ်။ သူရဲ့ နေရာက ဘယ်လိုအခြေအနေမျိုးမှာမှ အတိမ်းအစောင်းမခံတဲ့နေရာပါ။ ဘာ့ကြောင့်လည်းဆိုတော့ ပြီးခဲ့တဲ့ ၅ နှစ်မှာ ရီးယဲလ်ဟာ သမိုင်းမှာ အကောင်းဆုံး ဘောလုံးအသင်း (ဘာစီလိုနာ) နဲ့ ရင်ဆိုင်ခဲ့ရပါတယ်။ ဒီလိုအသင်းနဲ့ ယှဉ်ပြိုင်ရတဲ့ အခါမျိုးမှာ အရာရာတိုင်းကို မှန်းဆဖို့ မလွယ်ပါဘူး” ဟု ဘက်ခမ်းက ပြောကြားခဲ့သည်။

ထို့ပြင် ရီးယဲလ်၏ တည်ငြိမ်မှုနှင့် ရှေ့ဆက်နိုင်မှုက ကောင်းလာမည်ဖြစ်ပြီး ဇီဒိန်းမှာလည်း အခွင့်အရေးရပါက အောင်မြင်အောင် ဆောင်ရွက်နိုင်မည်ဖြစ်ကြောင်း ၎င်းက ထပ်လောင်းပြောကြားခဲ့သည်။

Ref : Goal