မြန်မာ့ရုပ်ရှင်၏ အစွဲကြီးတစ်ဖက်သတ်ဆန်မှု ပုံစံခွက်များ

မေ ၂၀၊ ၂၀၁၆

မြန်မာ့ရုပ်ရှင် ဗီနိုင်းကြော်ငြာများ (ဓာတ်ပုံ – တေဇလှိုင်၊ Frontier)

ခေတ်ရေစီးကြောင်းရုပ်ရှင်များက လူနည်းစုဝင်များ၊ နိုင်ငံခြားသားများနှင့် LGBT များနှင့်ပတ်သက်ပြီး သတင်းမှားများဖြင့် တင်ဆက်နေဆဲဖြစ်သည်။

မြန်မာရုပ်ရှင်ဇာတ်ကားတစ်ခုခုတွင်ပါဝင်သော တရုတ် သို့မဟုတ် အိန္ဒိယဇာတ်ကောင်ကို ကြည့်လိုက်ပါ။ အားလုံးနီးပါးမှာ သူရဲကောင်းနေရာတွင်မရှိကြဘဲ ပေါ့သွမ်းသွမ်းလူပြက်များ သို့မဟုတ် လူကြမ်းဇာတ်ရုပ်များသဖွယ်သာ ဖြစ်နေကြပေသည်။ ရုပ်ရှင်များထဲ တင်ဆက်သည့် လူနည်းစုဝင်တို့ကိုလည်း သူတို့၏ မြန်မာစကားပြောသံဝဲခြင်းအပေါ် မကြာခဏ လှောင်ပြောင်သရော်ခြင်း ခံနေကြရသည်သာမက ပညာမတတ်သူများအဖြစ် ရုပ်လုံးဖော်လေ့ရှိကြသည်။ တင်ဆက်မှုအတွင်း လိင်တူချစ်သူများပါဝင်လျှင်လည်း ရယ်စရာ ရုပ်ပျက်ဆင်းပျက် ၀တ်စားဆင်ယင်မှုနှင့်အတူ မိတ်ကပ်အလွန်အကျွံလူးကျံပေးထားကြောင်း တွေ့ရပါလိမ့်မည်။

ဤသို့ လူအများအမြင်တွင် သေးသိမ်စေသည့် ခွဲခြားဆက်ဆံသော ပုံသေကားချပ်ရုပ်ပြောင်ပုံစံများမှာ မြန်မာရုပ်ရှင်များအတွင်း ဆယ်စုနှစ်များစွာ ကျင်လည်နေခဲ့သည်။

“ဇာတ်ကောင်က တရုတ်လူမျိုးဆိုရင် အတိုးနှုန်းကြီးကြီး ငွေချေးစားမယ်၊ အိန္ဒိယလူမျိုးဆိုရင် အစေခံခိုင်းဖတ် နေရာမှာ ရှိလိမ့်မယ်” ဟု ရုပ်ရှင်ဖန်တီးသူ ရေဇော်ဟု လူသိများသော ဦးမျိုးဇော်က Frontier သို့ ပြောပြသည်။ ရုပ်ရှင်လောကတွင် ဆယ်နှစ်နီးပါးကျင်လည်နေသော ဦးမျိုးဇော်သည် မြန်မာ့ရုပ်ရှင်အစည်းအရုံးအဖွဲ့ဝင်နှင့် မြန်မာဗီဒီယိုအသင်း၏ တွဲဖက်အတွင်းရေးမှူးတစ်ဦးဖြစ်သည်။ နှစ်ပေါင်းများစွာတစ်လျှောက် ခေတ်စားနေသောအစဉ်အလာအတွင်းမှ ခွဲခြားချိုးနှိမ်နေမှုများကို ဆန့်ကျင်ပြောဆိုသူဟူ၍ မတွေ့ရသလောက် ရှားပါးကြောင်း၊ တစ်ယူသန်အစွဲအလန်းသည် လူတို့၏အတွေးအမြင်ထဲ နက်နက်ရှိုင်းရှိုင်း အမြစ်တွယ်နေကြောင်း သူက ဆိုသည်။

မြန်မာပြည်ရှိ ရုပ်ရှင်ဇာတ်ကားနှင့် ဗီဒီယိုများတွင် အဆိုပါ ခွဲခြားချိုးနှိမ်မှုများကို အလျှံပယ်တွေ့နေရပြီး၊ ၎င်းကို ဆန့်ကျင်ရမည့်အစား ရံဖန်ရံခါ လူတို့သည် တစ်ဖက်သတ်အစွဲအလန်းများဖြင့် တုန့်ပြန်တတ်ကြ၏။ ၂၀၁၃ ခုနှစ် စက်တင်ဘာလအတွင်း “ကျောင်း” အမည်ရှိ ရုပ်ရှင်ကားကြောင့် ရခိုင်ပြည်နယ်ရုပ်ရှင်ကြည့်ပရိသတ်များ အမျက်ထွက်ကုန်ကြသည်။ ထိုဇာတ်ကားတွင် အဓိကဇာတ်ဆောင်က “မိမိ၏ရခိုင်လူမျိုးဇနီးသည် ဘင်္ဂါလီတစ်ဦးနှင့်အတူ အိပ်ကောင်းအိပ်နေလိမ့်မည်” ဟူ၍ အခြားသူတစ်ဦးကို ထင်ကြေးစကားဆိုမှု ပါဝင်ခဲ့သည်။

ဒါရိုက်တာ နေပိုင် ရိုက်ကူးပြီး မြင့်မြတ်က အဓိကဇာတ်ကောင်အဖြစ်ပါဝင်သည့် ယင်းရုပ်ရှင်ကို ရွာသူရွာသားများမှ သပိတ်မှောက်ရေး လှုပ်ရှားမှုများ ပြုလုပ်ကုန်ကြသည်။ ဤပေါက်ကွဲတုန့်ပြန်ချက်က – ရေပန်းစားသည့်အစဉ်အလာအတွင်းမှ တင်ဆက်သည့်အတွေးအမြင်များသည် ရံဖန်ရံခါ ကြည့်ရှုသူများ၏ ရှိရင်းစွဲ တစ်ဖက်သတ်အမြင်အား ပိုမိုဆိုးရွားသွားစေကြောင်း ပြသနေပါသည်။

မကြာသေးမီကထွက်ရှိသော “The Queen of the Ward” ဟာသကားတွင်လည်း လိင်တူချစ်သူများနှင့် အိန္ဒိယနွယ်တို့အား ရယ်မောလှောင်ပြောင်စရာအဖြစ် ပုံဖော်ထား၏။ သို့သော်လည်း ထိုရုပ်ရှင်မှ ခင်းကျင်းပြသလိုက်သည့် ခွဲခြားချိုးနှိမ်မှုသဘောတရားကို သတိထားမိသူ မဆိုစလောက်မျှသာ ရှိကြ၏။ လူတို့ကို သေးသိမ်စေသော ရိုက်ကွင်းရိုက်ကွက်များကို တွေ့မြင်နေရသည်မှာ စိတ်မကောင်းခြင်းကြီးစွာဖြစ်ရကြောင်း LGBT အခွင့်အရေးအုပ်စု Equality Myanmar ၏ ဒါရိုက်တာ ကိုအောင်မျိုးမင်းက Frontier သို့ပြောကြားသည်။

“ရုပ်ရှင်အများစုထဲမှာ ဒါရိုက်တာတွေက မိန်းမလျာတွေကို စံလွဲအံချော်နေတဲ့သူအဖြစ်၊ နောက်ပိုင်းမှာ စိတ်ပြောင်းပြီး ယောက်ျားဘ၀မှန်ပြန်ရောက်သွားတဲ့ပုံဟန်နဲ့ တင်ဆက်ဖော်ပြလေ့ရှိကြတယ်။ ဒါဟာ အရှိတရား မဟုတ်ပါဘူး။ မိန်းမလျာဖြစ်ခြင်းက အတွေးအခေါ်ကြောင့်မဟုတ်ဘူး၊ သဘာဝဖြစ်စဉ်တစ်ခုသာဖြစ်ပါတယ်။ ရုပ်ရှင်တွေကတဆင့် လူတွေ အမြင်မှားကုန်တဲ့ အကျိုးဆက်တွေ အများအပြားရှိကြပါတယ်။ မိန်းမလျာတွေအပေါ် မိသားစုဝင်တွေက အကြမ်းဖက်လာကြတယ်၊ အသိုင်းအ၀ိုင်းကလည်း ယောက်ျားအသွင်ပြောင်းဖို့ ဖိအားပေးလာကြတယ်”။

သက်တန့်ရောင်စဉ်များလူ့အခွင့်အရေးအုပ်စုမှ အစီအစဉ်မှူးနှင့် LGBT အရေးလှုပ်ရှားဆောင်ရွက်နေသူ ကိုနေလင်းထိုက်က မြန်မာ့လူ့အဖွဲ့အစည်းရှိ မိန်းမလျာတို့၏ဘ၀ကို နှိမ့်ချခြင်း၊ တလွဲဇာတ်ရုပ်ဖော်ခြင်းတို့ဖြင့် ရုပ်ရှင်များက တင်ဆက်နေကြောင်း အောက်ပါအတိုင်း ရှင်းပြခဲ့၏။

“ကျွန်တော်တို့က လိင်စိတ်စွဲလန်းသူတွေ မဟုတ်ကြပါဘူး။ ဒါပေမယ့် ကျွန်တော်တို့ဟာ အချိန်တိုင်း လိင်ကိစ္စကိုပဲ တွေးတောနေတတ်သလိုမျိုး အမြဲတစေ ဖော်ပြခံရတယ်။ မိန်းမလျာ အမျိုးအစား အများအပြားရှိကြပေမယ့်လည်း ဒါရိုက်တာတွေက ပုံစံတစ်မျိုးတည်းကို တင်ဆက်နေကြပါတယ်။ သူတို့ထဲက အချို့ကတော့ ရယ်မောပြောင်လှောင်ချင်စရာကောင်းတယ်။ တစ်ချို့ကျတော့ တခြားလူတွေလိုမျိုး လူ့အဖွဲ့အစည်းကို အများအပြား အကျိုးပြုကြပါတယ်။ သို့သော် ရုပ်ရှင်ထုတ်လုပ်သူ(အများစု)ကတော့ ကောင်းမွန်တဲ့ဇာတ်ကောင်မျိုး ဘယ်တော့မှ မဖန်တီးကြပါဘူး”။

“ရုပ်ရှင်ထုတ်လုပ်ဖန်တီးသူတွေအနေနဲ့ ပရိသတ်ဆီပို့ပေးတဲ့ သတင်းစကားတွေအတွက် တာဝန်ရှိသလို၊ ပရိသတ်တွေဖက်ကလည်း ဒီလိုမီဒီယာတွေကနေ စဉ်ဆက်မပြတ် အယူသည်းမှုတွေအပေါ် ရှုတ်ချသင့်ပါတယ်။ တစ်ဖက်သတ်ဆန်လွန်းတဲ့ အကြောင်းရပ်တွေကို ပရိသတ်တွေက အကောင်းမြင်တုန့်ပြန်နေသရွေ့ ထုတ်လုပ်သူတွေဖက်ကလည်း လူပြိန်းကြိုက်ဈေးကွက်ဝင်ရုပ်ရှင်တွေ လှိမ့်ထုတ်နေဦးမှာပါပဲ” ဟု ၀ဿန်ရုပ်ရှင်ပွဲတော် တွဲဖက်စီစဉ်သူ၊ ရုပ်ရှင်ဒါရိုက်တာနှင့်ထုတ်လုပ်သူ ကိုစိုးမိုးအောင်က ဆိုသည်။

မြန်မာ့ရုပ်ရှင်လောကအတွင်း ခွဲခြားချိုးနှိမ်မှုများကို ဆန့်ကျင်ပြောဆိုသူဟူ၍ မရှိသလောက်ရှားပါးကြောင်း ဒါရိုက်တာ ရီဇော်က ဆိုသည် (ဓာတ်ပုံ – တေဇလှိုင်၊ Frontier)

ဘာသာတရားများအချင်းချင်း ချစ်ကြည်ရင်းနှီးမှုအကြောင်း ရိုက်ကူးထားသော The Open Sky မှတ်တမ်းရုပ်ရှင်မှာ လူ့အခွင့်အရေးရုပ်ရှင်ပွဲတော်၏စာရင်းမှ လူထုအုံကြွမှုကြောင်း ဖယ်ထုတ်ခဲ့ရသည်။ ၎င်းကိစ္စကို ကိုးကား၍ သူက “ခွဲခြားချိုးနှိမ်တဲ့သဘောတရားပါတဲ့ ရုပ်ရှင်တွေကို ပရိသတ်တွေက ကြိုက်နှစ်သက်နေတော့ ပြောင်းလဲဖို့ ခဲယဉ်းလှတယ်။ ခေတ်ရေစီးကြောင်းရုပ်ရှင်လောကဟာ အကျိုးအမြတ်ကိုသာ ဦးတည်ထားတာကြောင့် လူအများ လက်မခံတဲ့ ရုပ်ရှင်တွေကို ဖန်တီးဖို့ မစွမ်းသာဘူး။ မှတ်တမ်းရုပ်ရှင်တွေထဲမှာ – ရုပ်ရှင်ပွဲတော်တွေမှာ မြင်ကွင်းစုံကို တွေ့နိုင်ပေမယ့် ခေတ်ရေစီးကြောင်းရုပ်ရှင်တွေကတော့ ခေတ်ကာလပရိသတ်အကြိုက်ကိုသာ တင်ဆက်နေကြပါတယ်” ဟု ပြောပြ၏။
.
အကယ်ဒမီဆုရှင် ရုပ်ရှင်မင်းသမီး အိန္ဒြာကျော်ဇင်ကလည်း ထိုအတိုင်းပင် ဆိုခဲ့သည်။ သို့သော် သူမက မြန်မာရုပ်ရှင်ပရိတ်သတ်များနှင့်ပတ်သက်၍ နှစ်မျိုးနှစ်စားရှိကြောင်း၊ မြို့ပြပရိသတ်များက ခွဲခြားချိုးနှိမ်မှုကိုတွေ့ရလျှင် ခေတ်ရေစီးကြောင်းမီဒီယာအပေါ် ပိုမိုဝေဖန်လေ့ရှိကြောင်း၊ တအုံတကျင်းသော ကျေးလက်ပရိသတ်တို့မှာကား ပုံသေကားချပ်အစွဲဆိုးများအပေါ် ကန့်ကွက်ဆန့်ကျင်မှု မရှိသလောက်ဖြစ်ကြောင်း၊ ရုပ်ရှင်ထုတ်လုပ်သူများက ပရိသတ်အကြိုက်နောက်လိုက်ရသည့်အတွက် ရုပ်ရှင်ဖန်တီးရာ၌ ထင်တိုင်းမပေါက်ကြောင်း ရှင်းလင်းပြောပြခဲ့သည်။

ရုပ်ရှင်အကယ်ဒမီဆုရှင် ဟာသသရုပ်ဆောင် ဗေလုဝ ကလည်း လက်သစ်ရုပ်ရှင်ဖန်တီးထုတ်လုပ်သူများကို ပိုမိုဖန်တီးတင်ဆက်ကြရန်၊ ဇာတ်ညွှန်းများတွင် ဖန်တရာတေနေသည့် လက်သုံးစကားများကို ရပ်တန့်ပြီး ပညာသားပါအောင် ရေးကြရန် တိုက်တွန်းထား၏။ အခြားသူများထံမှ မဆိုစလောက်သော ရယ်မောခြင်းကို နှိုက်ထုတ်ရေးအတွက် ရုပ်ရှင်ထုတ်လုပ်ဖန်တီးသူတို့သည် ပုံသေကားချပ်အစွဲဆိုးများကို အလွယ်လမ်းလိုက် အသုံးပြုလေ့ရှိကြောင်း သူက Frontier သို့ အောက်ပါအတိုင်း ပြောပါသည်။

“ရုပ်ရှင်ဖန်တီးထုတ်လုပ်သူတွေဟာ ဒီရိုက်ကွင်းရိုက်ကွက်တွေကို ဟာသအတွက် ထည့်သွင်းကြတယ်။ ဒါပေမယ့် ဒါတွေဟာ လက်ရှိခေတ်ရဲ့စံချိန်စံညွှန်းတွေနဲ့ အလျဉ်းမညီညွတ်ပါဘူး။ ရုပ်ရှင်လောကသားအများစုက သူတို့ရဲ့ပြက်လုံးတွေထဲ အပြည့်အ၀ အားထုတ်မှု မရှိကြဘူး။ ဒါပေမယ့် ကျွန်တော်ကတော့ ခွဲခြားချိုးနှိမ်တဲ့ဟာသတွေကို ရယ်စရာအဖြစ် လုံးဝ အမြင်မထားတတ်ပါဘူးဗျာ”။

(စာရေးသူ ကျော်ဖုန်းကျော်သည် ၂၀၁၀ ခုနှစ်ကတည်းက ဂျာနယ်လစ်တစ်ဦးဖြစ်ပြီး၊ Frontier သို့မရောက်မီ The Myanmar Times တွင် လုပ်ကိုင်ဆောင်ရွက်ခဲ့သူ၊ စီးပွားရေးနှင့်နိုင်ငံရေးရာများ၌ အထူးပြုရေးသားသူ ဖြစ်သည်။ Frontier Myanmar တွင်ဖော်ပြသည့် သူ၏ Bigotry at the box office ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုထားသည်။)