ဆား စားသုံးမှုနည်းခြင်းက နာတာရှည်ရောဂါ ပိုဖြစ်နိုင်

မေ ၂၆၊ ၂၀၁၆
M-Media

– ဆားပါဝင်မှုနည်းတဲ့ အစားအစာတွေက လူတွေရဲ့ ကျန်းမာရေးအတွက် အကျိုးဖြစ်ထွန်းစေတယ်ဆိုတဲ့ အယူအဆဟာ အပြည့်အ၀ မမှန်ကန်ဘဲ၊ နေ့စဉ် ဆားလျော့စားမယ်ဆိုရင် ကိုယ်ခန္ဓာကို ထိခိုက်စေနိုင်တယ်လို့ အမေရိကန်ပြည်ထောင်စုမှာ ပြုလုပ်ခဲ့တဲ့ လေ့လာမှုအသစ်အရ တွေ့ရပါတယ်။

အဲဒီလေ့လာမှုကို အွန်တာရီယိုမှာရှိတဲ့ McMaster တက္ကသိုလ်က ပြည်သူ့ကျန်းမာရေး သုတေသနအသင်းနဲ့ Hamilton ကျန်းမာရေး သိပ္ပံအဖွဲ့တို့က ပူးပေါင်းပြုလုပ်တာဖြစ်ပြီး ဆားပါဝင်မှုနည်းတဲ့ အစားအသောက်တွေကို စားသုံးခြင်ဖြင့် နှလုံးသွေးကြောရောဂါတွေ ဖြစ်ပွားနိုင်တဲ့ အန္တရာယ် ပိုမိုမြင့်မားတယ်ဆိုတာကို တွေခဲ့ရတာပါ။ ပြီးတော့ သေဆုံးမှုဟာလည်း ပုံမှန် ဆား စားသုံးသူတွေထက်ကို ပိုများပါတယ်။

ဦးဆောင်လေ့လာသူ အန်ဒရူးမန်တေးက လူတွေဟာ ဆားအလွန်အကျွံစားသုံးမှုကို ရှောင်ရှားရမယ်လို့ သိထားတာ မှန်ပေမယ့် ဆားဟာ ခန္ဓာကိုယ်အတွက် မရှိမဖြစ် အဟာရဖြစ်ပြီး လုံလောက်အောင် စားသုံးဖို့ လိုအပ်တယ်ဆိုတာကိုတော့ သိထားဖို့လိုတယ်လို့ ပြောကြားခဲ့ပါတယ်။

တကယ်လို့ ခန္ဓာကိုယ်မှာ ဆားဓာတ်အလုံအလောက် မရဘူးဆိုရင်တော့ ကျန်းမာရေးပြဿနာ တော်တော်များများ ဖြစ်ပွားနိုင်ပြီး နှလုံးရောဂါနဲ့ လေဖြတ်ရောဂါ ဖြစ်ပွားမှုအန္တရာယ်လည်း မြင့်တက်လာနိုင်ပါတယ်။ မန်တေးကတော့ နေ့စဉ် ဆားကို အနေတော်လောက်စားသုံးတာဟာ လူတိုင်းအတွက် ကျန်းမာရေးနဲ့ ညီညွတ်ပြီး သွေးတိုးရောဂါရှိနေတဲ့သူတွေအတွက်လည်း ကောင်းမွန်တယ်လို့ ထည့်သွင်းပြောကြားခဲ့ပါတယ်။

Ref : IINA