လေထုညစ်ညမ်းမှုက ကလေးအသေမွေးခြင်းရဲ့ အကြောင်းတစ်ခုဖြစ်နိုင်

မေ ၂၈၊ ၂၀၁၆
M-Media

– လေထုညစ်ညမ်းမှုနဲ့ ကလေးအသေမွေးဖွားမှု မြင့်တက်လာရခြင်းတို့အကြား ဆက်စပ်နေတဲ့ ကွင်းဆက်တစ်ချို့ကို ဖင်လန်နိုင်ငံ Oulu တက္ကသိုလ်က ပြုလုပ်တဲ့ လေ့လာမှုတစ်ခုမှာ ထုတ်ဖော်နိုင်ခဲ့ပါတယ်။

ကမ္ဘာ့ ကလေးအသေမွေးဖွားမှုနှုန်းဟာ ပြီးခဲ့နှစ်မှာ ၂.၆ သန်းရှိခဲ့ပြီး အများစုဟာ ကြိုတင်ကာကွယ်နိုင်တဲ့ အခြေအနေမှာ ရှိတယ်လို့ အဲဒီလေ့လာမှုက ဆိုပါတယ်။

“လေထုညစ်ညမ်းမှုနဲ့ ကလေးအသေမွေးဖွားမှုကြားထဲက ဆက်စပ်နေတဲ့ သက်သေအထောက်အထားကို နောက်ထပ်လေ့လာမှုတွေမှာ အတည်ပြုနိုင်ခဲ့မယ်ဆိုရင်တော့ အဲ့ဒါဟာ တကယ့်အရေးပါတဲ့ ကျန်းမာရေးပြဿနာတစ်ရပ် ဖြစ်လာပါပြီ” လို့ ဒိန်းမတ်နိုင်ငံ ကိုပင်ဟေဂင်တက္ကသိုလ် ရောဂါမပြန့်ပွားရေးနဲ့ စောင့်ကြည့်ရေးဌာနက မာရီ ပီဒါဆင်က ပြောကြားခဲ့ပါတယ်။

အရင်လေ့လာမှုတွေအရ လေထုညစ်ညမ်းမှုနဲ့ ကလေးအသေမွေးဖွားမှုအန္တရာယ်အကြား ဆက်နွယ်မှုကို တွေ့ရှိခဲ့ရပေမယ့် ခိုင်မာမှုတော့ သိပ်မရှိခဲ့ပါဘူး။ အခု လေ့လာမှုအသစ်ကတော့ ၂၀၁၅ ခုနှစ်အထိ အမေရိကန်နဲ့ အာရှတို့မှာ ပြုလုပ်ခဲ့တဲ့ လေ့လာမှု ၃ ခုကို စီစစ်ခဲ့တာဖြစ်ပြီး ကိုယ်ဝန်ဆောင်ချိန် တတိကာလနဲ့ လေထုညစ်ညမ်းမှုရဲ့ ဆက်စပ်မှုကို တွေ့ရှိခဲ့တာ ဖြစ်ပါတယ်။ ဒါပေမယ့် သေချာတိကျတဲ့ အကြောင်းအရင်းကို ထုတ်ဖော်နိုင်ခြင်း မရှိသေးဘဲ ထပ်မံလေ့လာမှုတွေ လိုအပ်နေပါသေးတယ်။

“ကလေးအသေမွေးဖွားမှုဆိုတာ ယနေ့ကမ္ဘာ့ကျန်းမာရေးကိစ္စမှာ လစ်လျူရှူခံရဆုံးသော အဖြစ်ဆိုးပါပဲ။ လေ့လာသူတွေ တွေ့ရှိခဲ့တဲ့ သက်သေအထောက်အထားတွေဟာ နောက်ထပ်စူးစမ်းမှုတွေပြုလုပ်ဖို့ တွန်းအားဖြစ်စေပါတယ်” လို့ ပီဒါဆင်က ဆိုပါတယ်။

ကလေးအသေမွေးဖွားခြင်းနဲ့ဆက်စပ်နေတဲ့ တခြားသော အကြောင်းတရားတွေထဲမှာ အ၀လွန်ခြင်း၊ ရောဂါပိုးကူးခြင်း၊ အရက်သောက်ခြင်း၊ အသက်မွေးဝမ်းကြောင်းလုပ်ငန်းနဲ့ စိတ်ဖိစီးမှုတို့လည်း ပါဝင်တယ်လို့ သိရပါတယ်။

Ref: IINA