ရက်ပေါင်း ၁၀၀ စီမံကိန်း ဘာကြောင့်လုပ်သင့်တာလဲ

မေ ၂၉ ၊ ၂၀၁၆
M-Media
ဆောင်းပါးရှင်-ဂျက်ဖရီတင်အုန်း (ရန်ကုန်စက်မှုတက္ကသိုလ်)

နိုင်ငံရေးပါးဝသည့် မြန်မာပြည်သူလူထုကြီးသည် ၂၀၁၅ခုနှစ် နိုဝင်ဘာလ ၈ ရက် ရွေးကောက်ပွဲကြီးတွင် အမျိုးသားဒီမိုကရေစီ အဖွဲ့ချုပ်ပါတီအား လူထုအာဏာအပ်နှင်းပေးခဲ့သည်။ ထိုကဲ့သို့ အပ်နှင်းရခြင်း၏ နောက်ခံအကြောင်းရင်းများကလည်း ရှင်းလင်းပြတ်သားလှပါဘိ။ ထိုပါတီအားဦးဆောင်သူ လူထုခေါင်း ဆောင် ဒေါ်အောင်ဆန်းစုကြည်သည် မြန်မာပြည်ကြီးကို ကယ်တင်မည့်သူ နိုင်ငံအတွက်မိမိရဲ့ခင်ပွန်းနှင့် သားသမီးများ ဥစ္စာ၊ ပစ္စည်းများ၊ အရာခပ်သိမ်းကို စွန့်လွှတ်အနစ်နာခံခဲ့သူ ကမ္ဘာ့ခေါင်းဆောင်များက  အလေးစားရဆုံးသူ၊ ကမ္ဘာ့ထိပ်တန်းအရည်အချင်းရှိသူ (၁၀) ဦးတွင် နံပါတ် ၆ အဆင့်ရှိသူ၊ ကမ္ဘာ့ဩဇာ တိကမ၊ အကြီးမားဆုံး (၁၀၀) စာရင်းတွင်ပါဝင်သူ၊ ကမ္ဘာ့ငြိမ်းချမ်းရေးနိုဗယ်ဆုရှင်ဖြစ်သူ၊ ကမ္ဘာ့တစ်ဝန်း
ခေါင်းဆောင်များက ချီးမြှင့်သည့် ဆုတံဆိပ်၊ ဂုဏ်ဒြပ်ပေါင်း ၂၀၀ နီးပါးရရှိထားသူ၊ စသည့်အချက်များကြောင့်လည်း ပါတီ၏ခေါင်းဆောင်နှင့် ပါတီ၏အမည်ကိုကြည့်၍ မြန်မာနိုင်ငံ၏ အနာဂတ်ကိုလူထုက၅ နှစ်ထိုးအပ်ခဲ့ခြင်းဖြစ်သည်။

၂၀၁၆ ခုနှစ် မတ်လ ၃၁ ရက် အာဏာလွဲပြောင်းရယူပြီး၊ ပထမဦးစွာ နိုင်ငံတော်အတိုင်ပင်ခံဆိုတဲ့ရာထူး ကို ဖန်တီးရယူသည်။ အနီးကပ်ဆုံး ယုံကြည်စိတ်ချရသူကို၊ သမ္မတ တင်မြှောက်ခဲ့သည်။ ၀န်ကြီးဌာနမျာုးကို စုစည်းပစ်လိုက်သည်။ နိုင်ငံခြားရေးဝန်ကြီးရာထူး ရယူထားပြီး နိုင်ငံခြားအစိုးရများ၊ အဖွဲ့အစည်းများနှင့် ထယ်ထယ်ဝင့်ဝင့် ဆွေးနွေးနိုင်အောင် တရားဝင်နေရာယူနိုင်ခဲ့သည်။ သမ္မတရုံးဝန်ကြီးရာထူးရယူခဲ့ သဖြင့် ၀န်ကြီးဌာနအားလုံးကို တရားဝင် ညှိနှိုင်းဆောင်ရွက်ခွင့်ကို ဖန်တီးရယူနိုင်ခဲ့သည်။ လူထုအတွက်
အကျိုးမရှိသော ဥပဒေများကို ပြင်ဆင်နေပြီ။

မိမိအစိုးရအဖွဲ့ကို ယခင်ဦးသိန်းစိန်အစိုးရခေတ်ကလူများနှင့် မတူအောင်၊ လက်ဆောင်ပဏ္ဏာများလက်ခံ ခြင်းက အစ၊ တင်းကျပ်တဲ့စည်းမျဉ်းတွေကို ချမှတ်ထားခဲ့သည်။ ဤနည်းဖြင့် ပြည်သူလူထု၏ ယုံကြည်မှုကို ရအောင်ယူခဲ့ပြန်သည်။ နိုင်ငံရေး အကျဉ်းသားများ၊ ဖမ်းဆီးခံ ဆန္ဒပြကျောင်းသားများအား ၂၀၀၈ ဖွဲ့စည်းပုံပါ သမ္မတ၏လုပ်ပိုင်ခွင့်ဘောင်အတွင်းမှပင် ဖမ်းဆီးထားသည့် နိုင်ငံရေးအကျဉ်းသားများ၊ ကျောင်းသားကျောင်းသူများအား လွှတ်ပေးနိုင်ခဲ့သည်။ တရုတ်နိုင်ငံခြားရေးဝန်ကြီးနှင့်ဦးဦးဖျားဖျားတွေ့ဆုံခဲ့ပြီး တရုတ်ပြည်အနေနဲ့ မိမိတို့အကျိုးစီးပွားအတွက် စစ်တပ်ဆီချဉ်းကပ်စရာမလိုတော့ကြောင်း အချက်ပြနိုင်ခဲ့သည်။

NLD အရပ်သားအစိုးရ ယခုလက်ရှိဖော်ဆောင်နေသည့် ရက် ၁၀၀ စီမံချက် (First 100 days plan) ကို ကမ္ဘာ့စံပြ ဒီမိုကရေစီနိုင်ငံကြီးဖြစ်သည့် အမေရိကန်နိုင်ငံ၊ သမ္မတဟောင်းကြီး၊ ဘင်ဂျမင်ဖရန့်ကလင်လည်း ချမှတ်လုပ်ဆောင်ခဲ့ဖူးသည်။ အမေရိကန်သမ္မတကြီး ရူစဗဲ့လည်း လုပ်ဆောင်ခဲ့ဖူးသည်။ ဥပမာ သမ္မတရူစဗဲ့က ပထမရက် ၁၀၀ အတွင်း၊ ကွန်ကရက်အား သတင်းစကား ၁၅ ခု ပါးခဲ့သည်။ အရေးပါတဲ့ ဥပဒေကြီး ၁၅ ခုကို ရေးဆွဲဖို့ လမ်းညွှန်ခဲ့သည်။ သတင်းစာရှင်းလင်းပွဲများ ကက်ဘိနက် အစည်းအဝေးများကို
နိုင်ငံတကာခေါင်းဆောင်များနှင့် ဆွေးနွေးပွဲများပြုလုပ်ခဲ့သည်။

သမ္မတဦးသိန်းစိန် အစိုးရလက်ထက်တွင် NLD အရပ်သားအစိုးရကဲ့သို့ “ရက်ပေါင်း ၁၀၀ စီမံချက်မျိုး” ကိုချမှတ် အကောင်အထည်ဖော် ဆောင်ရွက်ခဲ့တာမျိုး မရှိကြောင်း တွေ့ရသည်။ ထို့ကြောင့်လည်း သိသာထင်ရှားသည့် အပြောင်းအလဲများ မဖြစ်ခဲ့ပေ။ ပြည်သူလူထုအား အမှန်တကယ်လေးစားသော၊ ပြည်သူလူထု၏တစ်ခဲနက် ထောက်ခံမှုကို ရယူချင်သော၊ အစိုးရတစ်ရပ်သည် “ရက် ၁၀၀ စီမံချက်” ကို ထိထိရောက်ရောက် ကြိုးစား အကောင်အထည် ဖော်လျက်ရှိသည်။ ပြည်သူလူထု အနေနဲ့လည်း အစိုးရသစ်တစ်ရပ်ဟာအပြောင်းအလဲတစ်ခုကို ပီပီပြင်ပြင် လုပ်ဆောင်နေတယ်ဆိုတာ သိနေရုံ၊ မြင်နေရုံနှင့် မပြီးသေး မိမိစွမ်းဆောင်နိုင်ရာ ကဏ္ဍတွေမှာလည်း ပူးပေါင်းကူညီဖို့ လိုပေလိမ့်မည်။

ရက်ပေါင်း ၁၀၀ စီမံချက်သည်၊ ပြည်ထောင်စုအစိုးရ၏သက်ဆိုင်ရာ ၀န်ကြီးဌာနများသာမက ပြည်နယ်အဆင့် အစိုးရများ၊ ၀န်ကြီးဌာနများအားလုံးက တိတိကျကျရေးဆွဲ အကောင်အထည်ဖော်ဆောင်ရမည့် စီမံချက်ဖြစ်သည်။ အစိုးရသစ်၏ရက်ပေါင်း ၁၀၀ စီမံချက်သည် ရှေ့ပြေး၊ ကနဦးအနေဖြင့် လူထုအတွက် အလုပ်လုပ်ပြခြင်းဖြစ်သည်။ ရက် ၁၀၀ အတွင်း အကောင်အထည်ဖော်ခဲ့သည့် လုပ်ငန်းဆောင်တာမျိုးကို ဆန်းစစ်၍ ၅ နှစ်တာ တာဝန်ယူမည့် အစိုးရသစ်တစ်ရပ်ကို အကဲခတ်နိုင်မည်ဖြစ်သည်။ ဝေဖန်နိုင်မည်
ဖြစ်သည်။ မှတ်ကျောက်တင်နိုင်မည်ဖြစ်သည်။

အမှန်တကယ်တော့ အစိုးရဟူသည် ပြည်သူလူထု ဒူးတုန်အောင်ကြောက်ရမည့် အဖွဲ့အစည်းတစ်ရပ် လည်း မဟုတ်ချေ။ အခွင့်ထူးခံ၊ လူ့မလိုင်အုပ်စုတစ်စုလည်း မဟုတ်ချေ။ ပြည်သူလူထုထဲက ဆင်းသက် ပေါက်ဖွားပြီး ပြည်သူ့အတွက် အလုပ်အကျွေးပြုမည့်၊ ပြည်သူ့ ကိုယ်စားလှယ်များဖြင့် ဖွဲ့စည်းထားသောလူ့အဖွဲ့အစည်း တစ်ရပ်သာဖြစ်သည်။

ထို့ကြောင့်လည်း နိုင်ငံတော်အတိုင်ပင်ခံ၊ ဒေါ်အောင်ဆန်းစုကြည်က “အစိုးရဆိုတာ၊ ပြည်သူလူထုဆန္ဒနှင့်ကိုက်ညီမယ့်၊ တိုင်းပြည်အကျိုးကို၊ ဆောင်ရွက်ဖို့၊ အချိန်အကန့်အသတ်တစ်ခုဖြင့် စေခိုင်းထားတဲ့ သစ္စာအရှိဆုံး၊ ပြည်သူ့ဝန်ထမ်းတွေသာ ဖြစ်ပါတယ်” ဟူ၍ လူထုအားရှင်းပြခဲ့ဖူးပါသည်။

ထို့ကြောင့်စီးပွားရေး၊ လူမှုရေး၊ ပညာရေး၊ ကျန်းမာရေး ဘက်စုံနိမ့်ကျနေသည့် မြန်မာ့နိုင်ငံကြီးကို ကယ် တင်ဖို့၊ တိကျရေရာသော၊ စနစ်ဇယားများ ရက် ၁၀၀ လို စီမံကိန်းများရေးဆွဲကာ၊ အဓိက လူထုလိုအပ်ချက်များကို အကောင်အထည်ဖော်ခြင်းသည် အလားအလာကောင်းတစ်ခုဖြစ်ပေသည်။ သို့မှသာ ကမ္ဘာ့အဆင်းရဲဆုံးနိုင်ငံ အီသီယိုးပီးယားနိုင်ငံအောက် ရောက်နေခြင်း WHO ကမ္ဘာ့ကျန်းမာရေးအဆင့် ၁၉၅ နိုင်ငံ၌ ၁၉၃ နိုင်ငံအဆင့်၌ ကျန်ရစ်ဖြစ်နေခြင်း၊ အကျင့်ပျက်ခြစားမှုအဆိုးဆုံးနိုင်ငံ (၂၀) စာရင်း၌ပါဝင်
နေခြင်း၊ ကမ္ဘာ့ကြွေးမြီးအထူပြောဆုံးနိုင်ငံများစာရင်း၌ မြန်မာနိုင်ငံပါဝင်နေခြင်းစသည့် အခြေအနေဆိုး များမှ ရုန်းထွက်နိုင်ဖို့ရန် ကာလတို ရက် ၁၀၀ စီမံကိန်းများဖြင့် လက်တွေ့ အလုပ်လုပ်ပြရင်း လူထုရဲ့ယုံကြည်ကိုးစားမှုကို တည်ဆောက်ရယူကြပါစို့ ဟူ၍ အစိုးရသစ်အား အကြံပြု တင်ပြလိုက်ပါသည်။

ဂျက်ဖရီတင်အုန်း (ရန်ကုန်စက်မှုတက္ကသိုလ်)