အခြားဘာသာများကို ရှုံ့ချပုတ်ခတ်ခြင်းသည် ဗုဒ္ဓဘာသာနှင့် ဆန့်ကျင်ကြောင်း သံဃာတော်များ မိန့်ကြားခဲ့

အိအိသူ

အခြားဘာသာများကို ရှုံ့ချပုတ်ခတ်သော သံဃာများအား ဆန့်ကျင်ကြောင်း အင်ဒိုနီးရှားနိုင်ငံတွင် ကျင်းပခဲ့သော ဘာသာ ပေါင်းစုံညီလာခံသို့ တက်ရောက်ပြီး ပြန်အလာတွင် နိုင်ငံတော်သံဃနာယက ကော်မတီ အတွင်းရေးမှူး ဦးစန္ဒိမာဘိဝံသ က မြန်မာတိုင်းမ်သို့ မိန့်ကြားခဲ့ခြင်းဖြစ်သည်။
.
ဗုဒ္ဓဘုရားသည် အခြားသော ဘာသာများ၊ လူမျိုးများကို ပုတ်ခတ်တိုက်ခိုက်ခဲ့ခြင်း မပြုခဲ့သော်လည်း အချို့ရဟန်းသံဃာများက ဝေဖန်ရေးစကားများ ပြောကြားကာ နိုင်ငံရေးနယ်ပယ်ထဲသို့ ၀င်ရောက်နေကြ သည်ကို တွေ့ရှိရကြောင်းနှင့် ထိုကဲ့သို့သော ရန်စမှုမျိုးသည် နိုင်ငံတွင်းတည်ငြိမ်အေးချမ်းရေးအတွက်လည်း အထောက်အကူ မပြုကြောင်း ဆရာတော်က မိန့်ကြားခဲ့သည်။
.
မေလ ၁၉ရက်နေ့က ဘောရောဘူဒါဘုရားကျောင်းတွင် ကျင်းပခဲ့သော ဗုဒ္ဓဘာသာညီလာခံသို့ ဆရာတော်အပါအ၀င် ထိုင်း၊ ဗီယက်နမ်၊ ကမ္ဘောဒီးယား၊ မလေးရှားနှင့် သီရိလင်္ကာနိုင်ငံများမှ ကိုယ်စားလှယ်ဘုန်းကြီးများတက်ရောက်ခဲ့သည်။ အင်ဒိုနီးရှား နိုင်ငံသည် မွတ်ဆလင်ဘာသာဝင်အများစုနေထိုင်သော နိုင်ငံဖြစ်သော်လည်း ဗုဒ္ဓဘာသာကို လေးစားပြီး အစွန်းမရောက်ကြ ကြောင်း၊ အင်ဒိုနီးရှားနိုင်ငံတွင် ၇ ရာစုနှင့် ၉ရာစုအတွင်းက ဗုဒ္ဓဘာသာထွန်းကားခဲ့ပြီး ယူနက်စကို အမွေအနှစ်စာရင်းဝင် ဗုဒ္ဓဘာသာဘုရားကျောင်းများနှင့် သမိုင်းဝင်အဆောက်အအုံများ ရှိနေသေးကြောင်း ဆရာတော်က မိန့်ကြားခဲ့သည်။
.
မြန်မာနိုင်ငံတွင်လည်း အခြားဘာသာများကို ထိပါးစော်ကားခြင်းမရှိဘဲ ဗုဒ္ဓဘာသာကို ကာကွယ်စောင့်ရှောက်နိုင်ကြောင်း၊ ဘာသာပေါင်းစုံကိုးကွယ်သူများသာ ငြိမ်းချမ်းစွာ အတူယှဉ်တွဲနေထိုင်ကြလျှင် ဘာသာရေးအစွန်းရောက်မှုများ ပေါ်ပေါက်လာ မည် မဟုတ်ကြောင်းနှင့် အင်ဒိုနီးရှားနိုင်ငံကို အတုယူသင့်ကြောင်း ဆရာတော်က ဆိုသည်။
.
မူရင်း-မြန်မာတိုင်း(မ်)
https://www.facebook.com/themyanmartimes/posts/10153552376830976