မဘသအဖွဲ့ဝင်များ၏ လှုပ်ရှားမှုကို မဟနက စောင့်ကြည့်နေ

ဇွန် ၄၊ ၂၀၁၆
M-Media

– မဘသဟုသိကြသည့် အမျိုးဘာသာ သာသနာ စောင့်ရှောက်ရေးကော်မတီတွင် ပါဝင်နေသည့် သဘောထားတင်းမာသော အမျိုးသားရေးဝါဒီ ဘုန်းကြီးများ၏ လှုပ်ရှားမှုများအတွက် မိမိတို့က စောင့်ကြည့်ထိန်းညှိပေးသွားမည်ဟု နိုင်ငံတော် သံဃမဟာနာယကအဖွဲ့က ပြောကြားလိုက်သည်။

“ဘုန်းကြီးတို့ရဲ့လမ်းညွှန်းမှုအောက်မှာ ရှိနေတာကြောင့် မဘသရဲ့ အယူအဆတစ်ချို့ဟာ မဟနရဲ့အယူအဆတွေနဲ့ တစ်စိတ်တစ်ပိုင်း ကိုက်ညီတာတွေ ရှိပါတယ်။ ဒါပေမယ့် အချို့သော မဘသအဖွဲ့ဝင်တွေဟာ အမျိုးဘာသာကိစ္စမှာ တင်းမာပြီး ကော်မတီရဲ့ရပ်တည်ချက်နဲ့ ဆန့်ကျင်တာတွေ ရှိနေပါတယ်” ဟု နိုင်ငံတော် သံဃမဟာနာယကကော်မတီ၏ အထွေထွေအတွင်းရေးမှူး ဆရာတော် ဦးစန္ဒိမာဘိဝံသက မိန့်ကြားခဲ့သည်။

ထို့ပြင် မဘသအဖွဲ့အနေဖြင့် မဟနမှ ချမှတ်ထားသည့် လမ်းညွှန်ချက်များကို လိုက်နာသင့်သည်ဟုလည်း ဆရာတော်က ထည့်သွင်းမိန့်ကြားခဲ့သည်။

“မဘသအဖွဲ့ဝင်အချို့ဟာ မွတ်စလင်တွေကို ပြင်းပြင်းထန်ထန် ဆန့်ကျင်ကြပြီး ခေါင်းဆောင်ဟောင်း ဆရာတော်ကြီးရဲ့ လမ်းညွှန်မှုကို မလိုက်နာကြပါဘူး။ တကယ်တော့ သူတို့တွေဟာ ကော်မတီတစ်ခုလုံးကို ကိုယ်စားမပြုပါဘူး”

သို့သော်လည်း စည်းမျဉ်းစည်းကမ်းများကို အကောင်အထည်ဖော်မှု အားးနည်းသောကြောင့် မဘသအဖွဲ့ဝင်များအပေါ် အရေးယူမှုမပြုလုပ်နိုင်သေးဘဲ၊ ဥပဒေချိုးဖောက်သော ဘုန်းကြီးများကို အာဏာပိုင်များက အရေးယူနိုင်သည်ဟု အတွင်းရေးမှူး ဆရာတော်ကြီးက ထပ်လောင်း မိန့်ကြားခဲ့သည်။

Ref: mmtimes