ဂျာမနီစာပေဂုဏ်ပြုဆုတစ်ခုကို အင်ဒိုစာရေးဆရာမတစ်ဦး ရရှိ

ဇွန် ၆၊ ၂၀၁၆
M-Media

– ဂျာမန်စာပေအသင်း Litprom က ပေးအပ်တဲ့ ၂၀၁၆ ခုနှစ် စာပေဂုဏ်ပြုဆု (2016 Liberaturpreis) ကို အင်ဒိုနီးရှားစာရေးဆရာမတစ်ဦးဖြစ်သူ လက်ခ်ျမီး ပါမန်ဂျက်က ဆွတ်ခူးရရှိသွားတယ်လို့ သိရပါတယ်။

အဲဒီ စာပေအသင်း Litprom ဟာ အာရှ၊ အရှေ့အလယ်ပိုင်း၊ အာဖရိကနဲ့ တောင်အမေရိက က အမျိုးသမီးစာရေးဆရာတွေရဲ့ စာပေလက်ရာတွေကို ရွေးချယ်ချီးမြှင့်တာဖြစ်ပြီး လက်ခ်ျမီးကတော့ ၂၀၁၂ ခုနှစ်က သူမ ရေးသားခဲ့တဲ့ Amba ဆိုတဲ့ ၀တ္ထုနဲ့ အဲဒီဆုကို ရရှိခဲ့တာဖြစ်ပါတယ်။

မိမိတို့ဝဘ်ဆိုက်မှာ လပေါင်းများစွာအရင်က ပြုလုပ်ခဲ့တဲ့ စာပေလက်ရာ မဲပေးရွေးချယ်မှုအစီအစဉ်ရ စာဖတ်သူတွေရဲ့ မဲပေးမှုကို အခြေခံပြီး လက်ခ်ျးမီးရဲ့ ဒီဝတ္ထုကို ဂုဏ်ပြုဆု ချီးမြှင့်ခဲ့တာဖြစ်တယ်လို့ Litprom အဖွဲ့က သောကြာနေ့မှာထုတ်ပြန်ခဲ့တဲ့ အွန်လိုင်းကြေငြာချက်မှာ ဖော်ပြထားပါတယ်။

ပြီးခဲ့တဲ့ နှစ်က ဂျာမနီမှာ “Alle Farben Rot” အမည်နဲ့ ထုတ်ဝေခဲ့တဲ့ Amba ၀တ္ထုဟာ တခြားအဆိုပြုခံထားရတဲ့ စာအုပ်ငါးအုပ်ဖြစ်တဲ့ အိုင်ဗရီကို့စ်က Margueirte Abouet၊ တူနီးရှားက Najet Adouani၊ အာဂျင်တီးနားက Maria Sonia Cristoff၊ အစ္စရေးက Ayelet Gundar-Goshen၊ တောင်အာဖရိက က Antjie Krog စတဲ့ စာပေလက်ရာတွေကို ကျော်ဖြတ်ကာ ဒီဆုကို ရရှိခဲ့တာလည်းဖြစ်ပါတယ်။

“ဒါဟာ အံ့သြစရာသတင်းပါပဲ။ ကျေးဇူးအများကြီး တင်ပါတယ်ရှင်၊ ကျွန်မ တကယ်ကို ၀မ်းမြောက်ဂုဏ်ယူမိပါတယ်။ ကျွန်မရဲ့ (ဂျာမန်)ဘာသာပြန်ဆရာ ဒေါက်တာမာတီနာ ဟိန်ရှေးရဲ့အကူအညီမပါဘဲ ဒါကို ကျွန်မပြီးမြောက်အောင် လုပ်နိုင်မှာ မဟုတ်ပါဘူး၊ ကျွန်မ သူ့ကို တစ်သက်စာ အကြွေးတစ်ခု တင်သွားပါပြီ” လို့ လက်ခ်ျမီးက ဆုရပြီးနောက် ထုတ်ပြန်တဲ့ ကြေငြာချက်မှာ ဖော်ပြထားပါတယ်။

Amba ၀တ္ထုဟာ အိန္ဒိယရှေးဟောင်းကျမ်းစာတစ်ခုဖြစ်တဲ့ မဟာဘာရတာကျမ်း (Mahabharata) က ထုတ်နုတ်ထားတဲ့ အမ်ဘာနဲ့ ဘစ်ရ်ှမားအကြောင်းကို ခေတ်ပေါ်အနေနဲ့ ဇာတ်ကြောင်း ပြန်ပြောကာ ၁၉၆၅ ခုနှစ်က အင်ဒိုနီးရှားမှာ ဖြစ်သွားတဲ့ ကွန်မြူနစ်ဆန့်ကျင်ရေး လူအစုလိုက် သတ်ဖြတ်မှုကြီးအကြောင်း နောက်ကြောင်းပြန် ဇာတ်အိမ်တည်ထားတဲ့ ၀တ္ထုမျိုး ဖြစ်ပါတယ်။

Ref: IINA