ဝီဂါမွတ်စလင်များ ဥပုသ်သီလဆောက်တည်ခွင့်ကို တရုတ် ပိတ်ပင်

ဇွန် ၈၊ ၂၀၁၆
M-Media

– ၀ီဂါလူမျိုး မွတ်စလင်အများစုနေထိုင်ရာ နိုင်ငံအနောက်မြောက်ပိုင်း ရှင်ကျန်းဒေသက ကျောင်းသား၊ ၀န်ထမ်းနဲ့ တခြားနေထိုင်သူ အများအပြားကို ရာမ်ဇာန်ဥပုသ်လမှာ ဥပုသ်သီလ ဆောက်တည်ခြင်း မပြုရဘူးလို့ တရုတ်အာဏာပိုင်များက အမိန့်ထုတ်လိုက်ပါတယ်။

“ပါတီဝင်တွေ၊ ကေဒါတွေ၊ အစိုးရ၀န်ထမ်းတွေ၊ ကျောင်းသူကျောင်းသားတွေ၊ အရွယ်မရောက်သေးသူတွေအနေနဲ့ ရာမ်ဇာန်ဥပုသ်လမှာ ဥပုသ်သီလ ဆောက်တည်ခြင်းမပြုရ။ ဘာသာရေးပွဲတော်များတွင် ပါဝင်ဆင်နွှဲခြင်းမပြုရ။ ရမ်ဇာန်လအတွင်း စားသောက်ဆိုင်များ မပိတ်ရ” ဆိုတဲ့ သတိပေးစာတစ်စောင်ကို ရှင်ကျန်းပြည်နယ်အလယ်ပိုင်း ကော်ရ်လာမြို့အစိုးရက သူတို့ရဲ့ ၀ဘ်ဆိုက်မှာ လွှင့်တင်ထားပါတယ်။

ရှူမိုဂိုခရိုင်က ပြည်နယ်မြို့တော် အူရွမ်ကီရဲ့ ပညာရေးဆိုင်ရာ ဗျူရိုက ကိုင်တွယ်တဲ့ ၀ဘ်ဆိုက်မှာလည်း ဥပုသ်သီလ ဆောက်တည်ခြင်းကို ကန့်သတ်ထားတဲ့ ညွှန်ကြားချက်တွေကို လွှင့်တင်ထားပါတယ်။ ပြီးတော့ ကျောင်သားတွေ၊ ဆရာတွေအနေနဲ့ ဒီလအတွင်းမှာ ဗလီဝတ်ကျောင်းတော်တွေကို ဘာသာရေးဆိုင်ရာ လှုပ်ရှားမှုအတွက် သွားရောက်ခြင်း မပြုဖို့လည်း တားမြစ်ထားပါတယ်။

Qapqal Xibe ကိုယ်ပိုင်အုပ်ချုပ်ခွင့်ရ ခရိုင်အစိုးရက တရုအာဏာပိုင်တွေဟာ ဒေသအတွင်းက စားသောက်ဆိုင်တွေကို ဆက်လက်ဖွင့်လှစ်ထားဖို့ အမိန့်ပေးထားတယ်လို့ ပြောကြားခဲ့ပါတယ်။

တရုတ်ကွန်မြူနစ်အစိုးရဟာ ၀ီဂါလူမျိုး အစ္စလာမ်ဘာသာဝင်တွေ နေထိုင်ရာ ရှင်ကျန်းဒေသမှာ နှစ်ပေါင်းများစွာကြာအောင် ရမ်ဇာန်လ ဥပုသ်စောင့်ခြင်းကို ပိတ်ပင်ထားတာ ဖြစ်ပါတယ်။ အခုလိုပိတ်ပင်မှုကြောင့် ကမ္ဘာ့လူ့အခွင့်အရေးအဖွဲ့တွေရဲ့ အပြင်းအထန်ဝေဖန်တာကိုလည်း ရင်ဆိုင်နေရပါတယ်။

တရုတ်အာဏာပိုင်တွေကတော့ ယင်းဒေသမှာ အကြမ်းဖက်ခြိမ်းခြောက်မှုတွေနဲ့ ရင်ဆိုင်နေရကာ လုံခြုံရေးကြောင့် ဒါမျိုးဆောင်ရွက်တာလို့ ပြောကြားခဲ့ပါတယ်။

ဝီဂါလူမျိုးတွေဟာ တူရကီအနွယ်ဝင်တွေဖြစ်ပြီး တရုတ်အစိုးရက လူမျိုးရေး၊ ဘာသာရေးအရ တောက်လျှောက်ဖိနှိပ်ချုပ်ချယ်မှုဟာ နိုင်ငံရေး ရည်ရွယ်ချက်တွေ ပါဝင်နေတယ်လို့ လေ့လာသူများက ဆိုပါတယ်။ ပြည်မကြီးက တရုတ်လူမျိုး အစ္စလာမ်ဘာသာဝင်တွေကတော့ ဒီလို ကန့်သတ်မှုမျိုးနဲ့ မကြုံတွေ့ရပါဘူး။

Ref: Presstv