ဒဏ်ရာရ ပါလက်စတိုင်းပြည်သူကို အစ္စရေးက အနီးကပ်ပစ်သတ်မှု ဒုတိယအကြိမ်မြောက် ထွက်ပေါ်လာ

ဇွန် ၈၊ ၂၀၁၆
M-Media

– ပါလက်စတိုင်းပိုင် အနောက်ဖက်ကမ်း ဟီဘရွန်မြို့မှာ မတ်လအတွင်း ဖြစ်ပွားခဲ့တဲ့ အဖြစ်အပျက်တစ်ခုမှာ အစ္စရေးစစ်သားတွေက ဒဏ်ရာရပါလက်စတိုင်းတစ်ဦးကို အနီးကပ်အသေပစ်သတ်ခဲ့တယ်လို့ အထောက်အထားတွေ ထွက်ပေါ်ခဲ့ပြီးတဲ့နောက် အဲဒီအဖြစ်အပျက်မှာပဲ ဒုတိယမြောက် ဒဏ်ရာရ ပါလက်စတိုင်းပြည်သူတစ်ဦးကို အစ္စရေးက အနီးကပ်အသေပစ်သတ်လိုက်တယ်လို့ အစ္စရေး ထိပ်တန်း လူ့အခွင့်အရေးအဖွဲ့ B’Tselem က တနင်္လာနေ့မှာ ပြောကြားလိုက်ပါတယ်။

ပထမမြောက် ပစ်သတ်ခံရသူဟာ အဘ်ဒူလ် ဖာတာဟ် အလ်-ရှရစ်ဖ်ဖြစ်ပြီး အစ္စရေးတွေကို ဓားနဲ့တိုက်ခိုက်တယ်လို့ စွပ်စွဲခံရတဲ့ အဲဒီ အဖြစ်အပျက်မှာ အစ္စရေးစစ်တပ်ရဲ့ ပစ်ခတ်မှုကြောင့် ဒဏ်ရာရကာ မြေပြင်ပေါ် လဲကျနေတဲ့အချိန် အစ္စရေးစစ်တပ်က တပ်ကြပ်ကြီး အီလော အေဇာရီယာက ဦးခေါင်းကို အနီးကပ် ပစ်သတ်ခဲ့တာဖြစ်ပါတယ်။

မတ်လ ၂၄ ရက်နေ့က ဖြစ်ပွားခဲ့တဲ့ အဲဒီအဖြစ်အတွင်း ဒုတိယယမြောက် ပစ်သတ်ခံရသူကတော့ ရမ်ဇီ အလ်-ကွာစ်ရာဝီဆိုသူဖြစ်ပြီး မျက်မြင်သက်သေတွေရဲ့ ပြောကြားချက်အရ ကွာစ်ရာဝီဟာ အစ္စရေးစစ်တပ်ရဲ့ ပစ်ခတ်မှုကြောင့် ဒဏ်ရာရပြီး လဲကျနေတဲ့အချိန် ရှရစ်ဖ်လိုပဲ အနီးကပ်ပစ်သတ်ခံလိုက်ရတာဖြစ်လို့ B’Tselem က ပြောကြားခဲ့ပါတယ်။

အဲဒီမျက်မြင်သက်သေတွေဟာ အဖြစ်အပျက်ကို မှတ်တမ်းတင်ဗီဒီယို ရိုက်ကူးနိုင်ခဲ့ပေမယ့် အလ်-ကွာစ်ရာဝီ ပစ်သတ်ခံရမှု ပုံရိပ်တော့ မပါဝင်ခဲ့ပါဘူး။ ဒီအဖြစ်အပျက်အတွက် တာဝန်ရှိသူတွေက ဆင့်ခေါ်မယ်ဆိုရင် သက်သေထွက်ဆိုဖို့ အသင့်ပဲလို့ မျက်မြင်သက်သေတွေက ပြောကြားခဲ့ပါတယ်။

Ref : Presstv