တိုင်းပြည်အတွက် အုတ်တချပ် သဲတပွင့်ပမာ အကျိုးပြုချင်တဲ့ MMSY မန်ဘာများ ရဲ့ လုပ်ဆောင်မှုတစ်ခု

စက်တင်ဘာ ၉၊ ၂၀၁၂

သတင်း/ဓါတ်ပုံ – ပြည့်ပြည့်

မန္တလေး။         ။ MMSY (Myanmar Muslim Students & Youth မြန်မာမွတ်စလင်မ် ကျောင်းသားလူငယ်များအဖွဲ့) မန်ဘာဝင်များ သည့် ပြည်တွင်းရှိ ဘေးသင့် ဒေသများသို့ လှူဒါန်းနိုင်ရန် အ၀တ်အထည်များကို မန္တလေး MMSY မန်ဘာဝင်များထံမှ အလှူခံယူပြီး နိဗ္ဗာန်ဆော် အဖွဲ့သို့ ၉.၉.၂၀၁၂ တွင် ပေးအပ်လှူဒါန်းခဲ့ကြောင်း သိရသည်။

MMSY မန်ဘာဝင် လူငယ်များဟာ အမိမြန်မာ့မြေမှ လူသားအားလုံးအတွက် တတ်စွမ်းနိုင်သလောက် အုတ်တချပ် သဲတပွင့်ပမာဆောင်ရွက်ရန် အမြဲနှလုံးသွင်း၍ ပရဟိတလုပ်ငန်းများ လုပ်ဆောင်လျက်ရှိကြောင်း၊ ယခင်ကလည်း လုပ်ဆောင်ခဲ့သလို ယခုလက်ရှိမှာလည်း ဆက်လက် လုပ်ဆောင်နေကြောင်း၊ နောင်များမှာလည်း တတ်စွမ်းသရွေ့လုပ်ဆောင်ကြမှာဖြစ်ကြောင်း၊ ယခုလုပ်ဖြစ်တဲ့ အစီအစဉ်ဟာ ဘေးသင့်ဒေသက ဒုက္ခရောက်နေသူများ အတွက် ရည်စူးပြီး MMSY မန္တလေး မှ မန်ဘာဝင်များက အ၀တ်အစားများကို အလှူခံခဲ့ကြကြောင်း၊ အလှူခံရာတွင်လည်း အ၀တ်အစားတစ်ပတ်နွမ်းများကိုသာ အလှူခံခဲ့သော် အသစ်များကိုလည်း ၀ယ်ယူလှူဒါန်း ပေးအပ်ခဲ့ကြသူများလည်း ရှိကြောင်း၊ MMSY မန်ဘာဝင်များ ပေးလှူသော အ၀တ်အစားများကို မနေ့ကတော့ အိမ်တိုင်ရာရောက် လိုက်လံကောက်ယူ စုဆောင်းခဲ့ကြပြီး နိဗ္ဗာန်ဆော်အဖွဲ့သို့ တဆင့် လွှဲအပ်လှူဒါန်းခဲ့တယ်လို့ ပါဝင်ဆောင်ရွက်ခဲ့သူ လူငယ်တစ်ဦးမှ ပြောပြခဲ့တယ်။

“MMSY မန်ဘာဝင်တွေဟာ ပရဟိတ လုပ်ငန်းလေးတွေကို စိတ်ဝင်စားတဲ့ သူတွေစုပြီး တတ်နိုင်သလောက် လုပ်ဆောင်နေကြတယ်လေ။ အခုအချိန်မှာ ဘေးသင့်ဒေသတွေကို MMSY မိသားစုဝင်တွေကိုယ်တိုင် သွားရောက်ဖို့ဆိုတာလည်း မလွယ်ကူပါဘူး။ MMSY လူငယ်တွေက အလုပ်တစ်ဘက် ကျောင်းတဘက်တွေနဲ့ဆိုတော့ အဲလိုမျိုး တိုက်ရိုက်မသွားရောက်နိုင်ပါဘူး။ ဒါကြောင့် အားလုံးလုပ်နိုင်တဲ့ တထောင့်တနေရာကနေ လုပ်ဆောင်ကြတာ ဖြစ်ပါတယ်။ အခုလို အလှူခံရရှိတဲ့အ၀တ်အစားတွေကို နိဗ္ဗာန်ဆော်ကို တဆင့်ပေးလှူရတာက ခုနကပြောသလို  ကိုယ်တိုင်သွားရောက် မလှူဒါန်းနိုင်တဲ့အတွက် နိဗ္ဗာန်ဆော် အဖွဲ့ကို ပေးလှူတာပါ။ နိဗ္ဗာန်ဆော် အနေနဲ့ကလည်း ဘယ်အချိန် ဘယ်နေရာဒေသကပဲဖြစ်ဖြစ် လူမျိုးဘာသာမခွဲခြားပဲ ကူညီပေးနေတဲ့အဖွဲ့ပါ။ ဒါကြောင့် MMSY မန်ဘာတွေက လုပ်ဆောင်နိုင်ရာ အစိတ်အပိုင်းလေးကို ၀ိုင်းဝန်းလက်တွဲ လုပ်ဆောင်လိုက်တာပါလို့” အ၀တ်အစားများကို အလှူခံကောက်ယူစုဆောင်းခဲ့ကြသူများကိုယ်စား MMSY မန်ဘာဝင် တစ်ယောက်က ပြောကြားခဲ့ပါတယ်။

နောက်နောင်များမှာလည်း ပရဟိတလုပ်ငန်းများကို MMSY အဖွဲ့ တတ်စွမ်းနိုင်သလောက် တစ်ပိုင်တနိုင်ဆက်လက် လုပ်ဆောင်နေဦးမှာ ဖြစ်တယ်လို့လည်း သိရပါတယ်။

MMSY (Myanmar Muslim Students and Youth မြန်မာမွတ်စလင်မ် ကျောင်းသားလူငယ်များအဖွဲ့) ဟာ အွန်လိုင်း အခြေပြု မြန်မာမွတ်စလင်မ်လူငယ်အဖွဲ့ ဖြစ်ပြိး  နိုင်ငံစုံမှာရောက်ရှိနေကြတဲ့ မြန်မာမွတ်စလင်မ်လူငယ်များဖြင့် ဖွဲ့စည်းထားတဲ့ အွန်လိုင်းအဖွဲ့ဖြစ်ပါတယ်။ MMSY အွန်လိုင်း ကွန်မြူနတီကို ၂၀၀၇ ခုနှစ် ကတည်းက ဖွဲ့စည်းခဲ့ဖြစ်ပါတယ်။