“တက္ကသိုလ် ဝင်တန်း အောင်စာရင်း ဒီနှစ် ဘာကြောင့် နောက်ကျရတာလဲ”

ဇွန် ၉ ၊ ၂၀၁၆
M-Media
ဆောင်းပါးရှင်-ဂျက်ဖရီတင်အုန်း (ရန်ကုန်စက်မှု တက္ကသိုလ် R.I.T)

.
မြန်မာနိုင်ငံတွင် တက္ကသိုလ်ဝင်တန်း(၁၀)တန်း စာမေးပွဲသည် ကျောင်းသား၊ မိဘ၊ ဆရာသမားများ စိတ်အဝင်စားဆုံး စာမေးပွဲ တခုဖြစ်သလို ၊ ထွက်ပေါ်လာသော အောင်စာရင်း ရလဒ်သည်လည်း ရင်ခုံဖွယ်ရာ ကောင်းလှသည်။ “ကံ၊ ဥာဏ်၊ ဝိရိယ” ၃ ခု

တို့၏ အောင်ပွဲရလာဒ်ဖြစ်၍ ၅ ဘာသာဂုဏ်ထူးရခဲ့သော စာရေးသူကိုယ်တိုင် အထင်နှင့် အမြင် လွှဲခဲ့ဖူးသော အတွေ့အကြုံလေးကို ကိုယ်တိုင် ခံစားခဲ့ဖူးပါသည်။
.
မြန်မာနိုင်ငံတွင် တက္ကသိုလ်ဝင်တန်း ဖြေဆိုပြီးသူတိုင်း ရင်တမမနဲ့ မျှော်လင့် စောင့်စားရသည့် အချိန်ကာလ (၃) ခုရှိပါသည်။ ” ပထမဆုံး အချိန်” သည် အောင်စာရင်းထွက်သည့် နေ့ဖြစ်ပြီး ၊ “ဒုတိယ အချိန်” သည် အမှတ်စာရင်း ထုတ်သည့် နေ့ဖြစ်သည်။ ထိုအမှတ်စာရင်းကို ကြည့်၍ ယခင်နှစ်များက သက်ဆိုင်ရာ တက္ကသိုလ်အသီးသီးသို့ ဝင်ခွင့်ပြုခဲ့သည့် အမှတ်စာရင်းကို မူတည်ကာ မိမိတက်နိုင်မည့် တက္ကသိုလ်ဝင်ခွင့်ကို အကြမ်းဖျင်း၊ မှန်းဆ နိုင်ပေသည်။  “တတိယအချိန်” သည် တက္ကသိုလ် ဝင်ခွင့်လျောက်ထားသူများ၏ တက္ကသိုလ်ဝင်ခွင့်များကို ကြေညာသောနေ့ဖြစ်ပါသည်။
.
၂၀၁၅-၂၀၁၆ ပညာသင်နှစ် က မြန်မာနိုင်ငံတဝှမ်းတွင် အခြေခံပညာကျောင်းပေါင်း ၄၅၀၀၀ ကျော် ရှိခဲ့သည်။ ကျောင်းသား/ကျောင်းသူ ၈ သန်းခန့် ပညာသင်ယူခဲ့သည်။ ထိုကျောင်းသား/ကျောင်းသူများကို ဆရာ/ဆရာမ ပေါင်း ၄ သိန်းခန့်က

တာဝန်ယူသင်ကြားပေးခဲ့သော်လည်း ၊ ပြည်နယ်နှင့်တိုင်းဒေသမျးတွင် ဆရာ/ဆရာမ အင်အားများ မလုံမလောက် ဖြစ်ခဲ့သည်။ သို့သော ၂၀၁၅-၂၀၁၆ တက္ကသိုလ်ဝင်တန်း စာမေးပွဲ ဖြေဆိုသူပေါင်းမှာ ၅ သိန်း ကျော်ရှိခဲ့သည်မှာ နှစ်စဉ် လိုလိုပင်ဖြစ်သည်။
.
စာရေးသူသည် စာသင်ကြားရေး လောကထကို ၁၉၈၈ ခုနှစ်တွင် ခြေစုံ ပစ်ဝင်ခဲ့ပါသည်။ ထိအချိန်က တက္ကသိုလ်ဝင်တန်း စာမေးပွဲ အောင်စာရင်းကို နိုင်ငံတော်ငြိမ်ဝပ်ပိပြားမှု တည်ဆောက်ရေးအဖွဲ့ (န.၀.တ) ၊ နိုင်ငံတော်အေးချမ်းသာယာရေး နှင့် တည်ဆောက်ရေးအဖွဲ့ (န.အ.ဖ) များလက်ထက် ထုတ်ပြန်ရာတွင် ဇူလိုင်(၁၉) ရက် အာဇာနည်နေ့ နောက်ပိုင်း အစိုးရ ရုံးပိတ်ရက် စနေ(သို့) တနင်္ဂနွေနေ့များတွင် ထုတ်ပြန်လေ့ရှိခဲ့သည်။ ၁၉၉၆-၁၉၉၇ ပညာသင်နှစ်တွင်မူ သြဂုတ်လ ကုန်လောက်မှ ထုတ်ပြန်ကြေညာခဲ့ဖူးသည်။ သမ္မတ ဦးသိန်းစိန် အစိုးရလက်ထက်တွင် ဇွန်လ ပထမပတ်တိုင်းအစိုးရ ရုံးပိတ်ရက်တွေင် ထုတ်ပြန်ခဲ့သည်။ သို့သော ၂၀၁၅-၂၀၁၆ ပညာသင်နှစ်တွင် ဖြေဆိုခဲ့သော တက္ကသိုလ်ဝင်တန်း စာမေးပွဲအောင်စာရင်းကို နိုင်ငံတော်သမ္မတကြီး ဦးထင်ကျော်လက်ထက် ဇွန်လ ပထမအပတ်တွင် မထုတ်ပြန်နိုင်ခဲ့ခြင်းမှာ အကြောင်းအရင်း အနည်းငယ်ရှိခဲ့ပါသည်။
.
မြန်မာနိုင်ငံတွင် တက္ကသိုလ်ဝင်တန်း စာမေးပွဲများကို စာစစ်ဆရာ/ဆရာမ များက စစ်ဆေးပြီးသောအခါ မောဒီရေးရှင်း ဘုတ်အဖွဲ့က တနိုင်ငံလုံး အတိုင်းအတာဖြင့် စာမေးပွဲ ကျရှုံးနေသော ဘာသာရပ်နှင့် ရမှတ်ကို ချင့်ချိန်ကာ စာမေးပွဲအောင်ပေးရသည့် အစဉ်အလာသည့် ၁၉၈၇ မှ စ၍ ၂၀၁၆ ယခုတိုင် ရှိနေသည်ကို သတိထားမိသည် ။ ဥပမာပြောရလျှင် ၂၀၁၅-၂၀၁၆ တက္ကသိုလ်ဝင်တန်း အဖြေလွှားများကို သင်္ကြန်မတိုင်မီ ဧပြီလ ၁၀ ရက်နေ့ အထိ နားရက်မရှိ ဆက်တိုက် စစ်ဆေးခဲ့သောကြောင့် စစ်ဆေးပြီးစီးပြိးဖြစ်သည်။ သို့သော် သင်္ချာဘာသာရပ်၌ နှစ်စဉ် ပုံမှန် မေးနေကျ ပုံစံထက် တစ်ဆင့်တက်၍ ဥာဏ်စမ်းမေးခွန်းပုံစံမျိုး လှည့်မေးလိုက်သောအခါ ကျောင်းသားအများစု စာမေးပွဲကျတော့သည်။ ထိုအခါ မော်ဒီရေးရှင်း(Moderation) လုပ်ရတော့သည်။ ရမှတ် ၃၆ မှတ်ရသူကို အောင်ပေးရတော့သည်။ တနိုင်ငံလုံး အတိုင်းအတာဖြင့် ထို မော်ဒီရေးရှင်းကို  လုပ်ရသောအခါ အချိန်တွေပိုယူရတော့သည်။ အထက်အဆင့်ဆင့်ကို တင်ပြရေတော့သည်။ နောက်ဆုံး ပြည်ထောင်စုအဆင့်၊ ဝန်ကြီးရဲ့ အတည်ပြုချက်ကို စောင့်စားရတော့သည်။
.
၂၀၁၄-၂၀၁၅ ခု ပညာသင်နှစ်တွင် ထုတ်ပြန်ခဲ့သော တက္ကသိုလ်ဝင်တန်းအောင်စာရင်းနှင့် ပတ်သက်၍ စာရေးသူ သတိထားမိသော အချက် တစ်ချက်ရှိသည်။ ၄င်းမှာ နိုင်ငံပိုင်သတင်းစာများတွင် တိုင်းနှင့် ပြည်နယ်အလိုက် ဝင်ရောက်ဖြေဆိုသူ အရေအတွက်များ၊ ဂုဏ်ထူးရ စာရင်းများ၊ အောင်ချက်ရာခိုင်နှုန်းများကို စနစ်တကျ ဖော်ပြခဲ့ခြင်းပင်ဖြစ်သည်။
.
ယခု ၂၀၁၆ ခု ဇွန်လ (၁၁) ရက် နေ့တွင် ကျောင်းသား၊ မိဘ၊ ဆရာသမားများ မျှော်လင့်ထားသလို ပြည်သူချစ်သည့် အရပ်သားအစိုးရ လက်ထက်တွင် တက္ကသိုလ်ဝင်စာမေးပွဲကြီးကို  မည်သို့ မည်ပုံ ထုတ်ပြန်မည်ကို ရင်တမမနှင့် မျှော်လင့်စောင့်စားရင်း စာဖြေသူအပေါင်းရဲ့ မျှော်လင့်ချက် အိပ်မက်လေးတွေ ပြည့်ဝကြပါစေလို့ ဆုတောင်းပေးလိုက်ပါတယ်။
.
Photo-Internet

ဆရာ ဂျက်ဖရီတင်အုန်း (ရန်ကုန်စက်မှု တက္ကသိုလ် R.I.T)