မြန်မာစစ်တပ်ကို တိုက်လေယာဉ်မရောင်းရန် ပါကစ္စတန်အား ကချင်အမျိုးသားအစည်းအရုံး တိုက်တွန်း

ဇွန် ၉၊ ၂၀၁၆
M-Media

– တိုင်းရင်းသားလက်နက်ကိုင်များကို တိုက်ခိုက်ရာတွက် အသုံးပြုနိုင်သောကြောင့် ပါကစ္စတန်အနေဖြင့် မြန်မာစစ်တပ်အား တိုက်လေယာဉ်များ မရောင်းရန် ကချင်အမျိုးသားအစည်းအရုံး KNO က တိုက်တွန်းဆော်သြလိုက်သည်ဟု သိရသည်။

ယမန်နေ့က ထုတ်ပြန်ခဲ့သည့် ကြေငြာချက်တွင် ထိုကဲ့သို့ တိုက်တွန်းခဲ့ခြင်းဖြစ်ပြီး ကချင်ပြည်သူများ၏ ငြိမ်းချမ်းရေးနှင့် တိုင်းရင်းသားအခွင့်အရေး တောင်းဆိုမှုကို ပါကစ္စတန်အနေဖြင့် အားပေးထောက်ခံရန်၊ လူသားချင်းစာနာထောက်ထားမှုဆိုင်ရာအကူအညီများ လိုအပ်နေသူများထံသို့ ထောက်ပံ့ပေးပို့မှုများ တိုးမြှင့်ပြုလုပ်ပေးရန်လည်း တောင်းဆိုခဲ့သည်။

ကချင်လွတ်မြောက်ရေးတပ်မတော် KIA နှင့် ဆက်နွယ်နေသည့် KNO အဖွဲ့ဥက္ကဌ ဦး ဒူဝါ ဘွန်ဝမ် လာရော က မြန်မာစစ်တပ်အား စစ်ရေးလှုပ်ရှားမှု ဆက်လက်မပြုလုပ်ရေး ဖိအားပေးမှုတွင် ပါကစ္စတန်အစိုးရအနေဖြင့် ထိရောက်သည့် အခန်းကဏ္ဍမှ ပါဝင်သင့်သည်ဟု ပြောကြားခဲ့ပြီး အဆိုပါ စစ်ရေးလှုပ်ရှားမှုများမှာ နိုင်ငံတစ်ဝှမ်း လူ့အခွင့်အရေး ချိုးဖောက်မှုများကို ကျယ်ကျယ်ပြန့်ပြန့် ဖြစ်ပေါ်စေသည်ဟုလည်း ၎င်းက ထည့်သွင်းပြောကြားခဲ့သည်။

“တိုက်ပွဲအတွင်းမှာ စစ်တပ်က တိုက်လေယာဉ်တွေကို အသုံးပြုနေပါတယ်။ တိုင်းရင်းသားလက်နက်ကိုင် အုပ်စုတွေနဲ့ တိုက်ခိုက်ရာမှာ စစ်တပ်က ပါကစ္စတန်တိုက်လေယာဉ်တွေကို အသုံးပြုမှာ ကျွန်တော်တို့ စိုးရိမ်ပါတယ်။ သူတို့က အဲဒီလို အမြဲတမ်း တိုက်ခိုက်နေကြပါ” ဟု ဦး ဒူဝါ ဘန်ဝမ် လာရောက မှတ်ချက်ပေးခဲ့သည်။

KNO ၏ အဆိုပါကြေငြာချက်တွင် အစိုးရစစ်တပ်မှာ ပဋိပက္ခဖြစ်ပွားရာ ဒေသများရှိ တိုင်းရင်းသားအုပ်စုများနှင့် အရပ်သားများကို ရှင်းလင်းဖယ်ရှားရေးအတွက် မြေပြင်ထိုးစစ်များ၊ လေကြောင်းတိုက်ခိုက်မှုများကို လက်လွတ်စပယ် ပြုလုပ်နေသည်ဟုလည်း စွပ်စွဲပြောဆိုထားသည်။

တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်မှာ ပြီးခဲ့သည့်နှစ်အတွင်း ပါကစ္စတန်နှင့် ဆားဘီးယားနိုင်ငံများသို့ သွားရောက်လည်ပတ်ခဲ့သည်။ ၂၀၁၅ ခုနှစ်အတွင်း အစိုးရစစ်တပ်မှာ တိုက်လေယာဉ် ၂၄ စင်းကို မှာယူခဲ့ကာ ကာကွယ်ရေးဦးစီးချုပ်၏ ထိုခရီးစဉ်အပြီးတွင် ၁၆ စင်းအတွက် ငွေပေးချေခဲ့သည်။

ပါကစ္စတန်မီဒီယာများကမူ မြန်မာနိုင်ငံမှာ တစ်စင်းလျှင် ကန်ဒေါ်လာ ၃၅ သန်း တန်ဖိုးရှိ အဆိုပါတိုက်လေယာဉ်များကို ပထမဆုံးဝယ်ယူသည့် နိုင်ငံခြားတိုင်းပြည်ဖြစ်သည်ဟု ဖော်ပြခဲ့သည်။

Ref: mmtimes