ပြည်တွင်းဖြစ် ခရီးသည်တင်လေယာဉ်ကို ရုရှား ထုတ်ဖော်ပြသ

ဇွန် ၁၀၊ ၂၀၁၆
M-Media

– ရုရှားနိုင်ငံဟာ ပြည်တွင်းထုတ် အလတ်တန်းစား ခရီးသည်တင်လေယာဉ်သစ်ကို ယမန်နေ့က ထုတ်ဖော်ပြသလိုက်ပြီး အဲဒီလေယာဉ်ဟာ အနောက်နိုင်ငံက ထုတ်တဲ့လေယာဉ်တွေ ထက်ပိုသာကာ ရုရှားနဲ့ နိုင်ငံရပ်ခြား လေကြောင်းလိုင်းတွေက အလုအယက် ၀ယ်ယူကြလိမ့်မယ်လို့ ပြောကြားလိုက်ပါတယ်။

MC-21 လို့ အမည်ပေးထားတဲ့ အဲဒီလေယာဉ် မိတ်ဆက်အခမ်းအနားကို လေယာဉ်ထုတ်လုပ်ရာ ဆိုက်ဘေးရီးယားက စက်ရုံမှာ ပြုလုပ်ခဲ့တာဖြစ်ပြီး ရုရှားဝန်ကြီးချုပ် ဒီမီထရီ မဒ်ဗီဒက်ဗ် တက်ရောက်ခဲ့ပါတယ်။ ရုရှားအစိုးရနဲ့ ပုဂ္ဂလိကကုမ္ပဏီတို့ ပူးပေါင်းထုတ်လုပ်တဲ့ အဲဒီလေယာဉ်ကို လက်ရှိအချိန်မှာ စမ်းသပ်ဆဲဖြစ်ပေမယ့် လာမယ့်နှစ်မှာ အမြောက်အများထုတ်လုပ်ဖို့ ရှိနေပါတယ်။

ဝန်ကြီးချုပ်က အင်ဂျင်နှစ်လုံးပါပြီး အလယ်လတ်တန်းရှိတဲ့ အဲဒီလေယာဉ်ကို ချီးကျူးခဲ့ပြီး ငွေကြေးစိုက်ထုတ်မှု များပြားပေမယ့် ရုရှားအနေနဲ့ လေယာဉ်ထုတ်လုပ်တဲ့ ထိပ်တန်းနိုင်ငံတွေစာရင်းမှာ ပါဝင်ဖို့အရေးကြီးတယ်လို့ ပြောကြားခဲ့ပါတယ်။

ယူကရိန်းပဋိပက္ခတွေနဲ့ပက်သက်ပြီး ရုရှားအပေါ် အနောက်နိုင်ငံတွေက အရေးယူပိတ်ဆို့မှုတွေ လုပ်ထားတဲ့အတွက်ကြောင့် ရုရှားအစိုးရဟာ ပြည်ပဈေးကွက်ကို မှီခိုနေရခြင်းကနေ လျှော့ချဖို့အတွက် ပြည်တွင်းစက်မှုလုပ်ငန်းကို ခေါင်းထောင်လာအောင် ကြိုးစားနေပါတယ်။

MC 21 လေယာဉ်ကို ၂ စားထုတ်လုပ်မှာဖြစ်ပြီး ထိုင်ခုံ ၁၆၀ ကနေ ၂၁၁ ခုံ ပါဝင်တဲ့ အမျိုအစားတစ်ခုနဲ့ ၁၃၀ ကနေ ၁၆၅ ခုံပါဝင်တဲ့ အမျိုးအစားတစ်ခုတို့ ဖြစ်ပါတယ်။ ၂၀၁၈ ခုနှစ်မှာ နိုင်ငံရပ်ခြားကို ရောင်းချဖို့ မျှော်လင့်ထားပြီး လက်ရှိအချိန်မှာ ပြည်တွင်းနဲ့ နိုင်ငံရပ်ခြား လေကြောင်းလိုင်းတွေနဲ့ သဘောတူစာချုပ်တွေ ချုပ်ဆိုထားပြီးဖြစ်တယ်လို့ နိုင်ငံပိုင် မီဒီယာက ဖော်ပြခဲ့ပါတယ်။

Ref: ArabNews