လက်နက်များ လွပ်လပ်စွာ ပြန့်နှံမှုအတွက် ပုပ်ရဟန်းမင်းကြီး ရှုတ်ချ

ဇွန် ၁၅၊ ၂၀၁၆
M-Media

– ကမ္ဘာတစ်ဝှမ်းလုံး လက်နက်တွေ ပူပျံနေစေတဲ့ မျက်နှာပြောင်တိုက်လွတ်လပ်မှု၊ ဖြေလျော့ပေးထားမှုတွေကို ပုပ်ရဟန်းမင်းကြီး ဖရန်စစ်က ရှုတ်ချလိုက်ပြီး ဒါဟာ လူ ၅၀ ကျော် သေဆုံးစေခဲ့တဲ့ အော်လန်ဒိုပစ်ခတ်မှုအပြီး နောက်တစ်ရက်မှာ ထွက်ပေါ်လာတာလည်း ဖြစ်ပါတယ်။

တနင်္လာနေ့က အီတလီနိုင်ငံ ရောမမြို့က ကမ္ဘာ့စားနပ်ရိက္ခာအစီအစဉ် (WFP) ရဲ့ ရုံးချုပ်မှာ ပြောကြားတဲ့မိန့်ခွန်းမှာ ဒီလို ရှုတ်ချလိုက်တာဖြစ်ပြီး လူသားချင်းစာနာထောက်ထားမှု အကူအညီပေးရင် အနှောက်အယှက်အတားအဆီးတွေ ရှိနေတဲ့အချိန်မှာ လူသတ်လက်နက်တွေကိုတော့ ဖောဖောသီသီ ရရှိနေတယ်လို့လည်း ဝေဖန်ခဲ့ပါတယ်။

“အကူအညီတွေ၊ ဖွံ့ဖြိုးတိုးတက်မှုစီမံကိန်းတွေက အရေးမပါတဲ့ နိုင်ငံရေးဆိုင်ရာဆုံးဖြတ်ချက်တွေ၊ အတွေးအခေါ်ချွတ်ချော်တိမ်းစောင်းမှုတွေ၊ ထိုးဖောက်လို့မရတဲ့ ဓလေ့ထုံးတမ်း အဆီးအတားတွေနဲ့ ပိတ်ဆို့ခံထားရနေပေမယ့် လက်နက်တွေကတော့ ဒီလိုမဟုတ်ပါဘူး။ လက်နက်တွေ ဘယ်ကရောက်လာလဲဆိုတဲ့ကိစ္စက သိပ်ထူးထူးခြားခြားကိစ္စတော့ မဟုတ်ပါဘူး။ အဲဒီလက်နက်တွေဟာ ကမ္ဘာ့နေရာတော်တော်များများမှာ မျက်နှာပြောင်တိုက်ပြီး၊ လွတ်လွတ်လပ်လပ်နဲ့ ပြန့်နှံ့နေတာပဲလေ။ ရလဒ်အနေနဲ့ကတော့ ကျွန်တော်တို့ အသက်တွေ စတေးရတာပါပဲ” လို့ ပုပ်ရဟန်းမင်းကြီးက ပြောကြားခဲ့ပါတယ်။

တနင်္ဂနွေနေ့ကလည်း ပုပ်ရဟန်းမင်းကြီးက အော်လန်ဒိုပစ်ခတ်တိုက်ခိုက်မှုဟာ မိုက်မဲတဲ့လူသတ်မှုဖြစ်ပြီး အဓိပ္ပါယ်မရှိတဲ့ မုန်းတီးမှုတစ်ခုသာဖြစ်တယ်လို့ ရှုတ်ချပြောဆိုခဲ့ပါတယ်။ နောက်ပြီး ကမ္ဘာတစ်ဝှမ်းမှာ ငတ်မွတ်ခေါင်းပါးမှု၊ အချို့သောနေရာဒေသတွေမှာ အစားအသောက်တွေ အလွန်အမင်း ဖြန်းတီးမှုနဲ့ပတ်သက်ပြီးတော့လည်း ဖရန်စစ်က တနင်္လာနေ့မိန့်ခွန်းမှာ ထည့်သွင်းပြောဆိုခဲ့ပါတယ်။

Ref: Presstv