ကမ္ဘာတစ်ဝှမ်းက ကလေးငယ် ၁၆၈ သန်းခန့် ကလေးလုပ်သားဖြစ်နေ

ဇွန် ၁၆၊ ၂၀၁၆
M-Media

– ကမ္ဘာတစ်ဝှမ်းမှာရှိတဲ့ အလုပ်သမားဈေးကွက်ထဲမှာ ကလေးငယ်စုစုပေါင်း ခန့်မှန်းခြေ ၁၆၈ သန်းခန့် ရှိနေပြီး အဲ့ဒီထဲကမှ ၈၅ သန်းဟာ အန္တရာယ်များတဲ့ အလုပ်တွေကို လုပ်ဆောင်နေရတယ်လို့ နိုင်ငံတကာအလုပ်သမားအဖွဲ့ချုပ် (ILO) ရဲ့ အခုတစ်ပတ်အတွင်း ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

“ပုံမှန်လည်ပတ်နေပြီး စည်းကမ်းတကျရှိတဲ့ ဈေးကွက်တွေမှာ ကလေးလုပ်သားတွေအတွက် နေရာမရှိပါဘူး။ ဒါပေမယ့် ဒီနေ့ အမှန်တကယ်ဖြစ်နေတာကတော့ ဈေးကွက်ကွန်ယက်ထဲမှာ ကလေးလုပ်သားတွေဟာ ကျယ်ကျယ်ပြန့်ပြန့် ရှိနေတာပါပဲ” လို့ ဇွန်လ ၁၂ ရက်နေ့တိုင်း ကျင်းပလေ့ရှိတဲ့ ကလေးလုပ်သားများဆိုင်ရာနေ့ အထိမ်းအမှတ်အဖြစ် ထုတ်ပြန်တဲ့ အဲဒီအစီရင်ခံစာမှာ ILO ရဲ့ အထွေထွေဒါရိုက်တာဖြစ်သူ ဂိုင်း ရိုင်ဒါက ပြောကြားခဲ့ပါတယ်။

ကလေးအလုပ်သမားတွေထဲက ၈၅ သန်းလောက်ဟာ အန္တရာယ်ရှိတဲ့ လုပ်ငန်းခွင်တွေမှာ ရှိနေပြီး စိုက်ပျိုးမွေးမြူရေးမှ သတ္တုမိုင်းခွဲလုပ်ငန်းအထိ၊ ကုန်ထုတ်လုပ်ရေးမှ ကမ္ဘာလှည့်ခရီးသွားလုပ်ငန်း၊ လူသန်းပေါင်းများစွာစားသုံးနေတဲ့ ကုန်ပစ္စည်းထုတ်လုပ်မှုလုပ်ငန်း၊ ၀န်ဆောင်မှုလုပ်ငန်းတွေထိ တွေ့နေရတယ်လို့လည်း ရိုင်ဒါက ထည့်သွင်းပြောဆိုခဲ့ပါတယ်။

“မိဘတွေ ၀င်ငွေဟာမလုံလောက်တာမျိုး ဒါမှမဟုတ် မိသားစုလုပ်ငန်းအသေးစားလေးတွေမှာ လူကြီးနဲ့ လူလတ်ပိုင်း အလုပ်သမားတွေ ခန့်အပ်ဖို့ မတတ်နိုင်တဲ့အတွက် ကလေးလုပ်သားတွေကို အစားထိုးရတာမျိုးတွေကြောင့် ကလေးတွေဟာ တစ်ခါတစ်ရံမှာ အလွန်းအမင်း အသုံးချခံနေရပါတယ်”

Ref: IINA