အင်္ဂါဂြိုဟ်ခရီးစဉ်အတွက် နာဆာနှင့် ယူအေအီးတို့ သဘောတူ စာချုပ်ချုပ်ဆို

ဇွန် ၁၆၊ ၂၀၁၆
M-Media

– နာဆာ၏ အဓိက အာကာသစူးစမ်းလေ့လာရေး စီမံကိန်းတစ်ခုဖြစ်သော အင်္ဂါဂြိုဟ် စူးစမ်းရှာဖွေရေးနှင့် ပတ်သက်သည့် သုတေသနလုပ်ငန်းများ၊ အာကသခရီးစဉ်များတွင် ပူးပေါင်းဆောင်ရွက်ရေး သဘောတူညီချက်တစ်ရပ်ကို အာရပ်စော်ဘွားများပြည်ထောင်စု (ယူအေအီး) က နာဆာနှင့် ချုပ်ဆိုခဲ့သည်ဟု သိရသည်။

“ရည်မှန်းချက်ကြီးမားတဲ့ အင်္ဂါဂြိုဟ်ခရီးစဉ်ကို နာဆာက ဦးတည်ဆောင်ရွက်နေပြီး အဲဒီအထဲမှာ ပုဂ္ဂလိကလုပ်ငန်းတွေ၊ နိုင်ငံတကာက မိတ်ဖက်တွေနဲ့ ပူးပေါင်းဆောင်ရွက်မှုတွေလည်း ပါဝင်နေပါတယ်” ဟု နာဆာ၏ စီမံခန့်ခွဲရေးမှူး ချားလ်စ် ဘိုလ်ဒန်က ယခုတစ်ပတ်အစောပိုင်းတွင် ထုတ်ပြန်ခဲ့သော ကြေငြာချက်၌ ပြောကြားခဲ့သည်။

နာဆာမှာ ၂၀၃၀ ပြည့်နှစ်များတွင် အင်္ဂါဂြိုဟ်သို့ ပထမဆုံး လူလိုက်ပါသည့် အာကသယာဉ်ကို စေလွှတ်ရန် စီစဉ်ထားပြီး လက်ရှိအချိန်တွင်မူ အာကသယာဉ် လွှတ်တင်သည့်စနစ်များနှင့် လူလိုက်ပါနိုင်မည့် Orion အာကာသယာဉ်တို့အား အဆင့်မြှင့်တင်မှုများပြုလုပ်ရန် ဆောင်ရွက်နေသည်။

“ယူအေအီး အာကာသအေဂျင်စီနဲ့ ရရှိခဲ့တဲ့ ဒီ မူဘောင် သဘောတူညီချက်ဟာ အင်္ဂါဂြိုဟ်ခရီးစဉ် တိုးတက်မှုအတွက်နဲ့ အာကာသပြင်ပ စူးစမ်းရှာဖွေရေးလုပ်ငန်းဆိုင်ရာ ကြိုးပမ်းမှုတွေအတွက် အထောက်အကူ ဖြစ်စေပါလိမ့်မယ်။ နှစ်ဦးနှစ်ဖက် အကျိုးစီးပွားအတွက် ကျွန်တော်တို့ နှစ်နိုင်ငံက ကျွမ်းကျင်သူတွေဟာ ကဏ္ဍတော်တော်များများနဲ့ပတ်သက်ပြီး ဆွေးနွေးမှုတွေလည်း ပြုလုပ်နေပါတယ်။ ပြီးတော့ ကျွန်တော်တို့ အေဂျင်စီနှစ်ခုဟာလည်း အာကာသလုပ်ငန်း၊ စူးစမ်းရှာဖွေရေး လုပ်ငန်းတွေမှာ ဘုံအကျိုးစီးပွားကို အခြေခံပြီး နှစ်ပေါင်းများစွာ လက်တွဲလုပ်ဆောင်သွားနိုင်လိမ့်မယ်လို့ ယုံကြည်ပါတယ်” ဟု ဘိုလ်ဒန်က ထပ်လောင်းပြောကြားခဲ့သည်။

ယူအေအီးမှာ အင်္ဂါဂြိုဟ်သို့ လူလိုက်ပါခြင်းမရှိသည့် အာကာသယာဉ်စေလွှတ်ရန် အစီအစဉ်ရှိနေသည်ဟု မကြာသေးမီက ကြေငြာထားပြီး အသေးစိတ်အချက်အလက်များကိုမူ ထုတ်ဖော်ပြောကြားခဲ့ခြင်း မရှိချေ။

Ref: Press TV