ယီမင်တွင် တိုက်ခိုက်မှုများကို ယူအေအီးအဆုံးသတ်

ဇွန် ၁၇၊ ၂၀၁၆
M-Media

– ယီမင်မှာတိုက်ခိုက်မှုတွေပြုလုပ်နေတဲ့ ဆော်ဒီဦးဆောင်တဲ့ မဟာမိတ်အဖွဲ့ကနေ နှုတ်ထွက်ကာ စစ်ဆင်ရေးတွေ ရပ်တန့်သွားတော့မယ်လို့ ယူအေအီးနိုင်ငံက ယမန်နေ့မှာ ကြေငြာလိုက်ပါတယ်။

“ကျွန်တော်တို့ရဲ့ ရပ်တည်ချက်က ရှင်းရှင်းလေးပါပဲ၊ ကျွန်တော်တို့စစ်သားတွေအတွက် စစ်ဆင်ရေး ပြီးသွားပါပြီ။ ကျွန်တော်တို့ဟာ နိုင်ငံရေးဆောင်ရွက်ချက်တွေကို ကျွန်တော်တို့ စောင့်ကြည့်သွားမှာဖြစ်ပြီး လွတ်မြောက်နယ်မြေတွေက ယီမင်ပြည်သူတွေကို စွမ်းအားမြှင့်တင်ရေး ဆောင်ရွက်ပေးသွားမှာပါ” လို့ အဘူဒါဘီအိမ်ရှေ့မင်းသားဖြစ်ပြီး ယူအေအီးလက်နက်ကိုင်တပ်ဖွဲ့များရဲ့ ဒုတိယတပ်မှူး ရှိခ်မိုဟာမက် ဘင် ဇာယဒ် အလ်-နဟ်ယန်က သူ့ရဲ့ Twitter စာမျက်နှာမှာ ရေးသားခဲ့ပါတယ်။

ဒါပမေယ့် ဘာ့ကြောင့် ဒီလိုဆုံးဖြတ်ရလဲဆိုတာကိုတော့ အသေးစိတ်ဖော်ပြခဲ့ခြင်းမရှိပါဘူး။

ဆော်ဒီဦးဆောင်တဲ့ တပ်ဖွဲ့တွေကို ယီမင်က လက်နက်ကိုင်တွေ ပြန်လည်တိုက်ခိုက်မှုအတွင်း ယူအေအီး တပ်ဖွဲ့တွေဟာ ပြင်းပြင်းထန်ထန် ထိခိုက်ဒဏ်ရာရမှုတွေရှိခဲ့ပြီး တနင်္လာနေ့ကလည်း ယီမင်နိုင်ငံတောင်ပိုင်းမှာ ယူအေအီး ရဟတ်ယာဉ်တစ်စင်း ပျက်ကျခဲ့တာကြောင့် လေယာဉ်မှူး ၂ ဦးစလုံး သေဆုံးခဲ့ပါတယ်။

ယူအေအီးတပ်ဖွဲ့တွေနေရာမှာ ဂျော်ဒန်တပ်ဖွဲ့တွေနဲ့ အကြံပေးများကို အစားထိုးသွားမယ်ဆိုတဲ့ သတင်းများလည်း ထွက်ပေါ်နေပါတယ်။

Ref : Presstv