ဝေးလ်နိုင်ပွဲက မိမိတို့အသင်း ကြောက်စရာကောင်းကြောင်း ပြသလိုက်ခြင်းဟု အင်္ဂလန်ကွင်းလယ်လူပြော

ဇွန် ၁၈၊ ၂၀၁၆
M-Media

– ဝေးလ်နှင့်ပွဲတွင် တိုက်စစ်မှူးစတားရစ်ခ်ျ၏ ပွဲအပေါ် ရိုက်ခတ်မှုက မိမိတို့အသင်းတွင် ကြောက်စရာကောင်းသော စွမ်းဆောင်ရည်မျိုး ရှိကြောင်း သက်သေပြလိုက်ခြင်းဖြစ်သည်ဟု အင်္ဂလန်ကွင်းလယ်လူ အဒမ် လာလနာက ပြောကြားလိုက်သည်။

ကြာသာပတေးနေ့က ကစားခဲ့သည့် အုပ်စု B ဒုတိုမြောက်ပွဲစဉ်တွင် ဝေးလ်မှာ ဂါရက်ဘေးလ်၏ ဖရီးကစ်ဂိုးဖြင့် ဦးဆောင်နိုင်ခဲ့သော်လည်း ဒုတိယပိုင်းမှ ၀င်ရောက်လာသည့် ဗာဒီက ချေပဂိုး ပြန်သွင်းခဲ့ကာ စတားရစ်ခ်ျက နာကျင်အချိန်ပိုတွင် အနိုင်ဂိုး သွင်းယူနိုင်ခဲ့သည်။ စတားရစ်ခ်ျမှာလည်း ဒုတိယပိုင်းမှ ၀င်ရောက်စားခဲ့ခြင်းဖြစ်သည်။

အသင်းဖော် လာလနာကမူ စတားရစ်ခ်ျ၏ ထိုစွမ်းဆောင်ရည်က မိမိတို့တစ်သင်းလုံးတွင် ရှိနေသည့် အရည်အသွေးကို မီးမောင်းထိုးပြလိုက်ခြင်းဖြစ်သည်ဟု ဆိုသည်။

“နည်းပြက လူစားသွင်းလိုက်တဲ့ ကစားသမား ၂ ယောက်စလုံးဟာ အသင်းပေါ် ရိုတ်ခတ်မှုရှိတာကို ချီးကျူးရမှာပါ။ ဒါက ကျွန်တော်တို့အသင်းရဲ့ ကစားသမား ၂၃ ယောက်စလုံး ဘယ်လောက်ကောင်းတယ်ဆိုတာကို ပြသလိုက်တာလည်း ဖြစ်ပါတယ်။ မတူညီတဲ့အခြေအနေတွေမှာ သုံးလို့ရနိုင်တဲ့ ၀ီလ်ရှိုင်းယား၊ ဟန်ဒါဆန်၊ မီလ်နာတို့လို့ ကစားသမားတွေ အရန်ခုံမှာရှိနေပြီး နောက်ခံအလယ်လူ ၂ ယောက်လည်း ရှိနေပါတယ်။ ဒါကာ ကျွန်တော်တို့လူစာရင်း ဘယ်လောက်တောင့်တင်းလဲဆိုတာကို ပြသနေပါတယ်။ စတားရစ်ခ်ျနဲ့ ဗာဒီတို့ဟာ ဒုတိပိုင်းမှဝင်လာပြီး ပြိုင်ဘက်အသင်းက ‘သွားပါပြီကွာ’ လို့ ပြောရလောက်တဲ့ အထိပါပဲ” ဟု လာလနာက ပြောကြားခဲ့သည်။

Ref : Goal