ယူရိုနောက်တစ်ဆင့်တက်နိုင်ခြင်းမှာ မိမိဘ၀တွင် အကြီးအကျယ်ဆုံးထဲမှ တစ်ခုဟု ဘေးလ်ပြော

ဇွန် ၂၁၊ ၂၀၁၆
M-Media

– ယနေ့မနက်က ကစားခဲ့သည့် ယူရို ၂၀၁၆ အုပ်စု B နောက်ဆုံးပွဲစဉ်တွင် ရုရှားအသင်းအား ၃ ဂိုးပြတ်ဖြင့် အနိုင်ရရှိခဲ့ခြင်းမှာ မိမိ၏ ကစားသမားဘ၀ သက်တမ်းတစ်လျှောက် အကြီးကျယ်ဆုံး ညများထဲမှ တစ်ခုဖြစ်သည်ဟု ဝေးလ်တိုက်စစ်မှူး ဂါရက်ဘေးလ်က ပြောကြားလိုက်သည်။

ထိုပွဲတွင် ဘေးလ်မှာ အဖွင့်ဂိုးသွင်းပေးခဲ့ပြီး ရမ်ဆေးနှင့် နီးလ်တေလာတို့က ၁ ဂိုးစီသွင်းယူခဲ့သည်။ ဝေးလ်မှာ ထိုနိုင်ပွဲကြောင့် အုပ်စု B ပထမနေရာဖြင့် အင်္ဂလန်အသင်းနှင့်အတူ နောက်တစ်ဆင့်သို့ တက်ရောက်သွားပြီဖြစ်သည်။ ဘေးလ်ကမူ မိမိတို့အသင်း၏ ထိုပွဲစွမ်းဆောင်ရည်မှာ အကောင်းဆုံးဖြစ်ပြီး အောင်မြင်မှုအတွက် မယုံကြည်နိုင်အောင် ဖြစ်ရသည်ဟု ဆိုသည်။

“၀မ်းသာလွန်းလို့ ဘယ်လိုပြောရမှန်းတောင် မသိတော့ပါဘူးဗျာ။ မယုံကြည်နိုင်လောက်စရာ အခြေအနေတစ်ခုဖြစ်ပြီး ကျွန်တော်တို့ အသေအချာကို လုပ်နိုင်ခဲ့ပါတယ်။ နိုင်ရမယ်ဆိုတဲ့ဖိအားကြောင့် ကျွန်တော်တို့ရဲ့ ကစားပုံဟာ ကျွန်တော် ပါဝင်ကစားသမျှထဲမှာ အကောင်းဆုံး ဖြစ်သွားတာ ဖြစ်ပါလိမ့်မယ်။ ပြီးခဲ့တဲ့ နှစ်တွေအတွင်း ဝေးလ်အသင်းနဲ့ ကျွန်တော်တို့ဟာ ရပ်သပ်ရှုမောစရာကောင်းတဲ့ ညတွေကို ဖြတ်သန်းခဲ့ရပါတယ်။ ဒါပေမယ့် ဒီညကတော့ မယုံနိုင်လောက်စရာပါပဲ။ အုပ်စု ပထမ ရခဲ့တာကလည်း ပိုပြီးတော့တောင် ကျေနပ်စရာကောင်းသလို၊ ကျွန်တော်တို့ လိုချင်တဲ့အရာလည်းဖြစ်ပါတယ်” ဟု ဘေးလ်က ပွဲအပြီးတွင် ပြောကြားခဲ့သည်။

အုပ်စုပွဲစဉ် ၃ ပွဲစလုံးတွင် တစ်ပွဲ ၁ ဂိုးစီ သွင်းယူပေးခဲ့သည့် ဘေးလ်မှာ နိုင်ငံအသင်းအတွက် ဂိုးအများဆုံးသွင်းယူပေးသူအဖြစ် ၅၈ နှစ်ကြာတင်ထားသည့် အီဗောရ် အောလ်ချာ့ခ်ျ၏ စံချိန်ကို ချိုးနိုင်ခဲ့သည်။ ထို့ပြင် ယူရို ၂၀၀၄ တွင် နယ်သာလန်တိုက်စစ်မှူး နစ္စတယ်ရွိုင်းနှင့် ချက်တိုက်စစ်မှူး မီလန် ဘားရို့စ်တို့က အုပ်စုပွဲစဉ် ၃ ပွဲစလုံးတွင် ဂိုးသွင်းနိုင်ခဲ့ပြီးနောက်ပိုင်း ဘေးလ်က ထိုမှတ်တမ်းကို ပထမဆုံးအကြိမ် ရရှိခဲ့ခြင်းဖြစ်သည်။

Ref: Goal