မြန်မာနိုင်ငံရှိ လူနည်းစုများအပေါ် ကျူးလွန်မှုများကို စစ်ရာဇ၀တ်မှုအဖြစ် သတ်မှတ်၍ ရနေပြီဟု ကုလထုတ်ပြန်

ဇွန် ၂၁၊ ၂၀၁၆
M-Media

စစ်တွေမြို့ ဒုက္ခသည်စခန်းမှ ကလေးငယ်တစ်ဦး

– ကချင်ပြည်နယ်နှင့် ရှမ်းပြည်နယ်ရှိ တိုင်းရင်းသားလူနည်းစုများအပေါ် ကျူးလွန်မှုမှုများ၊ နိုင်ငံသားဖြစ်ခွင့်ငြင်းပယ်ခြင်း၊ အဓမ္မလုပ်အားစေခိုင်းခြင်းနှင့် လိင်အကြမ်းဖက်မှုများအပါအ၀င် ရခိုင်ပြည်နယ်ရှိ မွတ်စလင်လူနည်းစုများအပေါ် ကျယ်ကျယ် ပြန့်ပြန့်ဖြစ်နေသည့် ကျူးလွန်နေမှုများမှာ လူသားထုအပေါ် ကျူးလွန်သည့် စစ်ရာဇ၀တ်မှု မြောက်နေပြီဟု ကုလသမဂ္ဂက ယမန်နေ့တွင် သတိပေး ပြောကြားလိုက်သည်။

မြန်မာနိုင်ငံရှိ လူ့အခွင့်အရေးအခြေအနေများနှင့်ပတ်သက်၍ ထုတ်ပြန်သော အစီရင်ခံစာတွင် ထိုကဲ့သို့ ဖော်ပြလိုက်ခြင်းဖြစ်ပြီး “ရိုဟင်ဂျာများအပေါ် ကျယ်ကျယ်ပြန့်ပြန့်နှင့် စနတစ်ကျပြုလုပ်ထားသော ဆိုးဝါးသည့် ကျူးလွန်မှုများမှာ ခုံရုံးဖွဲ့စစ်ဆေးပါက လူသားထုအပေါ် ကျူးလွန်သည့် စစ်ရာဇ၀တ်မှုများအဖြစ် သတ်မှတ်၍ ရနိုင်လောက်သည့် ကျူးလွန်မှုမျိုး ဖြစ်သည်ကို ” တွေ့ခဲ့ရသည်ဟု ဖော်ပြထားသည်။

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇီအစ် ရာအဒ် အလ်ဟူစိန်ကမူ လက်ရှိ အစိုးရမှာ “လူနည်းစုများ၏ အခြေခံအခွင့်အရေးများကို ငြင်းပယ်ရန် ရည်ရွယ်ချမှတ်ထားသည့် ဥပဒေများနှင့် ပေါ်လစီများကို အမွေဆက်ခံထားရပြီး၊ လူနည်းစုများအပေါ် ဆိုးရွားစွာ ကျူးလွန်မှုများအတွက် အရေးယူမှုမရှိခြင်းက ၎င်းတို့အပေါ် ထပ်မံ အကြမ်းဖက်မှု ဖြစ်လာစေရန် အားပေးရာရောက်နေသည်” ဟု ပြောကြားခဲ့သည်။

နိုင်ငံတော်သမ္မတရုံး၏ ပြောရေးဆိုခွင့်ရှိသူ ဦးဇော်ဌေးကမူ မိမိတို့အစိုးရမှာ ထိုသို့ စစ်ရာဇ၀တ်မှုအဖြစ် သတ်မှတ်ခြင်းကို လုံးဝ လက်မခံဟု ပြန်လည်တုန့်ပြန်ခဲ့သည်။

ယမန်နေ့က ဂျီနီဗာရှိ လူ့အခွင့်အရေးကောင်စီတွင် ပြုလုပ်သော ၃၂ ကြိမ်မြောက်အစည်းဝေးတွင် မစ္စတာ ဇီအစ်က မြန်မာနိုင်ငံတွင် အမြစ်တွယ်နေသည့် ခွဲခြားမှုများကို ပြောင်းလဲရန် လွယ်ကူမည်မဟုတ်ဘဲ မြန်မာနိုင်ငံအတွင်းရှိ တိုင်းရင်းသားနှင့် ဘာသာရေးလူနည်းစုများအပေါ် လက်ရှိ ဆက်လက်ဖြစ်ပွားနေသော လူ့အခွင့်အရေးချိုးဖောက်မှုများ ရပ်တန့်ရေးနှင့် နောက်ထပ်ဖြစ်မလာအောင် တားဆီးရေးကို အဓိကဦးစားပေး လုပ်ဆောင်ရလိမ့်မည်ဟုလည်း ထည့်သွင်းပြောကြားခဲ့သည်။

ကုလလူ့အခွင့်အရေးကောင်စီ၏ တစ်နှစ်တာ စုံစမ်းစစ်ဆေးမှုများအရ ရခိုင်ပြည်နယ်ရှိ မွတ်စလင်လူ့အဖွဲ့အစည်းနှင့်ပတ်သက်၍ ဗုဒ္ဓဘာသာ အစွန်းရောက်အမျိုးသားရေးဝါဒီများ၏ အမုန်းစကားဖြန့်ဝေမှုနှင့် ဘာသာရေးအရ သည်းမခံနိုင်မှုများမှာ စိုးရိမ်စရာကောင်းအောင် မြင့်တက်လာခဲ့သည်ကို တွေ့ရှိခဲ့ရသည်ဟု ဆိုသည်။

ယမန်နေ့ ကုလ၏ အစီရင်ခံစာတွင် ရခိုင်ပြည်နယ်ရှိ မွတ်စလင်များမှာ နိုင်ငံသားဖြစ်ခွင့် ငြင်းပယ်ခံရကာ၊ အစိုးရလုံခြုံရေး တပ်ဖွဲ့များ၏ လူ့အခွင့်အရေးချိုးဖောက် ကျူးလွန်မှုများကို ကျယ်ကျယ်ပြန့်ပြန့် ခံစားနေရသည်ဟု ဖော်ပြထားသည်။

ထိုကျူးလွန်မှုများတွင် ရာဇ၀တ်မှုကျူးလွန်သည်ဟုဆိုကာ စွပ်စွဲသတ်ဖြတ်ခြင်း၊ နေအိမ်များမှ အတင်းအဓမ္မမောင်းထုတ်ခြင်း၊ စိတ်ထင်တိုင်း ဖမ်းဆီးအကျဉ်းချခြင်း၊ လူ့ဂုဏ်သိက္ခာညှိုးနွမ်းစေသည့် ပုံစံမျိုးဖြင့် ဆက်ဆံခြင်း၊ အဓမ္မလုပ်အားခိုင်းစေခြင်းတို့ ပါဝင်သည်ဟုလည်း ထည့်သွင်းဖော်ပြထားသည်။

ထို့ပြင် လက်နက်ကိုင်ပဋိပက္ခများ အရှိန်မြင့်လာသော ကချင်ပြည်နယ်နှင့် ရှမ်းပြည်နယ်မြောက်ပိုင်းရှိ တိုင်းရင်းသား လူနည်းစုများအပေါ် ကျူးလွန်မှုမျာကိုလည်း ဖော်ပြထားသည်။

ထိုဒေသများတွင် အရပ်သားများအား ပစ်မှတ်ထားတိုက်ခိုက်ခြင်း၊ ကလေးစစ်သားအသုံးပြုခြင်း၊ အဓမ္မလုပ်အားခိုင်းစေခြင်း၊ လိင်ပိုင်းဆိုင်ရာ အကြမ်းဖက်ခြင်း စသည်တို့အား ကျူးလွန်နေမှုများမှာ ကာလတာရှည်ကြာမြင့်နေပြီဖြစ်ပြီး စစ်ရာဇ၀တ်မှုများအဖြစ် သတ်မှတ်၍ ရနေပြီဟုလည်း အစီရင်ခံစာတွင် ထပ်လောင်း သတိပေးထားသည်။

ထိုကျူးလွန်မှုများအားလုံးနှင့် နိုင်ငံအတွင်းရှိ လူနည်စုများ၏ အခြေအနေများနှင့်ပတ်သက်၍ လွတ်လပ်ပြီး ပြည့်ဝသည့် စုံစမ်းစစ်ဆေးမှု ပြုလုပ်ရန်အတွက်လည်း ကုလသမဂ္ဂက မြန်မာအစိုးရကို တိုက်တွန်းခဲ့သည်။

Ref: mmtimes