အင်္ဂလန်၏ ဂိုးမြူးသည့်အချိန် မကြာမီလာမည်ဟု နည်းပြပြော

ဇွန် ၂၁၊ ၂၀၁၆
M-Media

– ယူရို ၂၀၁၆ အုပ်စုပွဲစဉ် ၃ ပွဲစလုံးတွင် ဘောလုံးပိုင်ဆိုင်မှုအသာဖြင့် ကစားနိုင်ခဲ့သည့် မိမိတို့အသင်း၏ ဂိုးမြူးမှုမှာ မကြာခင်လာတော့မည်ဟု အင်္ဂလန်နည်းပြ ရွိုင်ဟဒ်ဆန်က ပြောကြားလိုက်သည်။

ပြီးခဲ့သည့် တစ်ပတ် ဝေးလ်အသင်းအား နောက်မှလိုက်စားကာ ၂ ဂိုး ၁ ဂိုးဖြင့်အနိုင်ရခဲ့သည့် အင်္ဂလန်အသင်းကို ဟဒ်ဆန်က ၆ နေရာအပြောင်းအလဲလုပ်ခဲ့ပြီး ယနေ့မနက် ဆလိုဗက်ကီးယားနှင့် အုပ်စုပွဲတွင် ရင်ဆိုင်စေခဲ့ကာ ဂိုးမရှိသရေဖြင့် အဆုံးသတ်ခဲ့သည်။

ထို့ကြောင့် အင်္ဂလန်မှာ ရမှတ် ၅ မှတ်ဖြင့် ဝေးလ်၏အောက် အုပ်စု ဒုတိယဖြင့်သာ နောက်ဆင့် တက်ရာက်နိုင်ခဲ့သည်။ ဟဒ်ဆန်ကမူ မိမိတို့အသင်း၏ ဂိုးမြူးမှုမှာ မကြာမီလာမည်ဟု ဆိုသည်။

“ဒီလိုပြိုင်ပွဲမှာ အုပ်စု ၃ ပွဲစလုံး ကျွန်တော်တို့လောက် ဘောလုံးပိုင်ဆိုင်မှုအသာနဲ့ လွှမ်းမိုးနိုင်ခဲ့တဲ့ အင်္ဂလန်အသင်းမျိုး တစ်သက်နဲ့တစ်ကိုယ် တစ်ခါမှ ကျွန်တော် မမြင်ဖူးပါဘူး။ ဒါ့ကြောင့် တစ်မျိုးကျေနပ်မိပြီး ဒီလိုသာ ပွဲကိုလွှမ်းမိုးပြီး အခွင့်အရေးတွေ ဖန်တီးနိုင်မယ်ဆိုရင် ဂိုးတွေ တစ်ဒိုင်းဒိုင်းသွင်းတဲ့အချိန် မကြာခင်လာတော့မှာပါ” ဟု ပွဲအပြီးတွင် ဟဒ်ဆန်က ပြောကြားခဲ့သည်။

ထို့ပြင် ထိုပွဲတွင် ၀ိန်းရူနီနှင့် ဟယ်ရီကိန်းတို့အပါအ၀င် အဓိကကစားသမားအချို့အား ချန်လှပ်ထားမှုအတွက် ဝေဖန်မှုများကိုလည်း ၎င်းက တုန့်ပြန်ခဲ့ပြီး အသင်းအနိုင်ရပါက ထိုဝေဖန်မှုမျိုး ပေါ်ထွက်လာမည်မဟုတ်ဟု ထပ်လောင်းပြောကြားခဲ့သည်။

Ref : Goal